17.1 C
New York
Saturday, January 22, 2022
Home Special ലോക ഭക്ഷ്യദിനം…

ലോക ഭക്ഷ്യദിനം…

അഫ്സൽ ബഷീർ തൃക്കോമല.

1945 ഒക്ടോബർ 16 ന് ഐക്യരാഷ്ട്രസഭയുടെ നേതൃത്വത്തിൽ “എല്ലാവർക്കും ഭക്ഷണം” എന്ന മുദ്രാവാക്യവുമായി ഭക്ഷ്യ കാർഷിക സംഘടന (FAO ) രൂപീകരിച്ചു .പിന്നീട് 1979 മുതൽ എല്ലാവർഷവും ഒക്ടോബർ 16, ലോക ഭക്ഷ്യദിനം(World Food Day : WFD ) ആയി ആചരിക്കാൻ ഐക്യരാഷ്ട്രസഭ ആഹ്വാനം ചെയ്തു .

പ്രതിവർഷം 50 ലക്ഷം കുട്ടികളാണ് ലോകത്തു പോഷകാഹാരക്കുറവ് മൂലം മരിക്കുന്നത് മാത്രമല്ല അതിന്റെ മൂന്നിരട്ടിയിലേറെ മുതിർന്ന ആളുകൾ ഒരു നേരെത്തെ ഭക്ഷണമില്ലാതെ വലയുകയും ചെയ്യുന്നു .”പട്ടിണി രഹിത ലോകത്തിനായി ആരോഗ്യകരമായ ഭക്ഷണരീതി” എന്നാതാണ് ഐക്യരാഷ്ട്രസഭ കഴിഞ്ഞ വർഷം മുന്നോട്ട് വെച്ച പ്രമേയമെങ്കിൽ .2019- ൽ “നമ്മുടെ പ്രവർത്തികളാണ് നമ്മുടെ ഭാവി, വിശപ്പുരഹിത ലോകത്തിനായി ആരോഗ്യകരമായ ഭക്ഷണരീതികൾ” എന്നതായിരുന്നു പ്രമേയം. എന്നാൽ ഈ വര്ഷം “ആരോഗ്യകരമായ നാളെയുടെ സുരക്ഷിതമായ ഭക്ഷണം ഇന്ന് ” എന്നതാണ് .

ലോകത്ത് 67 കോടി ജനങ്ങൾ ഭക്ഷണക്രമത്തിലെ അനാരോഗ്യ പ്രവണതകൾ മൂലം അമിതവണ്ണം കാരണമുള്ള ആരോഗ്യപ്രശ്‌നങ്ങൾ അനുഭവിക്കുകയാണെന്നുള്ളത് ഇതിന്റെ മറു വശം . രുചിക്കായി കൃത്രിമ വസ്തുക്കൾ ചേർത്തിട്ടുള്ളതും പോഷകാംശം തീരെ കുറഞ്ഞതുമായ ഭക്ഷണം അഥവാ ജങ്ക് ഫുഡ് എന്ന ഓമനപ്പേരിൽ അറിയപ്പെടുന്ന ഭക്ഷണം ഗുണത്തേക്കാൾ ഏറെ ദോഷമാണെന്ന് പറയേണ്ടടത്തില്ല .അറിഞ്ഞുകൊണ്ട് അത്തരം ഭക്ഷണം നിരന്തരം കഴിച്ചു രോഗാവസ്ഥയിലെത്തിയവരും മരണം വരിച്ചവരുടെയും കണക്കെടുക്കാൻ പോലും കഴിയാതെ രാജ്യങ്ങൾ അമ്പരന്നു നിൽക്കുന്നു.

കേരളമുൾപ്പടെയുള്ള സ്ഥലങ്ങളിൽ കപ്പയും ചേമ്പും കാച്ചിലും പ്രഭാത ഭക്ഷണമായിരുന്ന സ്ഥാനത്തു നൂഡിൽസും ബർഗറും സാൻഡ്വിച്ചും തീന്മേശകൾ കൈയടക്കിയാപ്പോളാണ് മൾട്ടി സ്പെഷ്യലിറ്റി ഹോസ്പിറ്റലുകൾ കൂണ് പോലെ മുളച്ചു വന്നതെന്ന ഞെട്ടിപ്പിക്കുന്ന യാഥാർഥ്യം കാണാത്ത പോകാൻ കഴിയില്ല .

എല്ലാവര്ക്കും ഭക്ഷണമെന്ന ഐക്യ രാഷ്ട്ര സഭയുടെ നിർദ്ദേശം കൃത്യമായി പാലിക്കാൻ വിവിധ രാജ്യങ്ങളിലെ ഭരണാധികാരികൾ മുൻകൈയെടുക്കാതെ ലോകത്തെ പട്ടിണിക്കും പോഷകാഹാരക്കുറവിനും അറുതിയുണ്ടാകില്ല . കഴിഞ്ഞ ദിവസം പുറത്തു വന്ന ആഗോള വിശപ്പ് സൂചികയില്‍ ഇന്ത്യ മഹാ രാജ്യം 101-ാം സ്ഥാനത്ത് എന്നത് ഇന്ത്യയിലെ അതി തീവ്രമായ പട്ടിണിയുടെ ചിത്രമാണ് പുറത്തു വന്നിരിക്കുന്നത് .രാജ്യത്തിന്റെ പൊതു മുതലുകൾ സ്വകാര്യവത്കരിക്കുന്നതിനു ഭരണാധികാരികൾ ഊര്ജ്ജസ്വലമായി പ്രവർത്തിക്കുന്നതിനിടയിൽ രാജ്യത്തെ കർഷകരെയും സാധാരണക്കാരെയും കണ്ടില്ലെന്നു നടിക്കുകയും ഇടത്തരക്കാരെ പൂർണ്ണമായും ഇല്ലാതാക്കി ദരിദ്രരുടെ പട്ടികയിലേക്ക് മാറ്റുവാനുള്ള നിഗൂഢ ശ്രമങ്ങളെയും പണക്കാരും പാവപ്പെട്ടവരും മാത്രമായി ചുരുക്കാനുള്ള ഫാസിസ്റ്റു നയങ്ങളെയും രാജ്യമൊന്നാകെ ചെറുത്തു തോൽപ്പിക്കേണ്ടതുണ്ട് .

പണക്കൊഴുപ്പിന്റെ അഹങ്കാരത്തിൽ പ്രകൃതിക്കു നിരക്കാത്തതും എണ്ണയിൽ പൊരിച്ചതുമായ ഭക്ഷണ ക്രമങ്ങൾ പൊണ്ണത്തടിയിലേക്കു നയിക്കുന്നതും അത് വഴി മാരക രോഗങ്ങളുണ്ടാകുന്നതും ഒഴിവാക്കിയില്ലെങ്കിൽ വലിയ വിപത്തും നേരിടേണ്ടി വരും. വന്യമൃഗങ്ങളെ ഉൾപ്പടെ വേട്ടയാടി അതിന്റെ മാംസം പച്ചക്കും അർത്ഥ വേവിലും ഉപയോഗിക്കുന്നത് ലോകത്തു വർധിച്ചു വരുന്നതും അതു മൂലമാണ് വർത്തമാന കാലത്തെ മഹാവ്യാധിയുടെ ഉത്ഭവം എന്നതും നാളെ മനുഷ്യരാശി തന്നെ ഉന്മൂലനം ചെയ്യപ്പെടാൻ ഇത്തരം ഭക്ഷണരീതികൾ കാരണമായേക്കാം എന്നതും ഗൗരവമായി ചർച്ച ചെയ്യപ്പെടേണ്ടതുണ്ട്.

അനുകരിച്ചു ജീവിച്ചു മടുത്തു
അനുസരിച്ചു ജീവിച്ചു കൊള്ളാം
പ്രകൃതിയോടൊപ്പം ഒന്ന് ചേരാം
മുറ്റത്തുള്ളൊരു ചീര തണ്ടിനെ
കളയോടൊപ്പം പിഴുതെറിഞ്ഞു .
എന്നിട്ടോ ചന്തയിലേക്കോടി
വിഷമയള്ളൊരു പച്ചക്കറികൾ
വില കൊടുത്തു പേശി വാങ്ങി
” എന്ന് തുടങ്ങി
പ്രമേഹസമൂലാതികളിൽ കുരുങ്ങി
എന്തിനു വെറുതെ സമ്മർദ്ദം .
പ്രകൃതിയിലേക്ക് മടങ്ങാം
നമുക്കൊന്നായി
” …എന്നവസാനിക്കുന്ന എന്റെ കവിത …..
ലോക ഭക്ഷ്യ ദിനാശംസകളോടൊപ്പം സമർപ്പിക്കുന്നു …

COMMENTS

1 COMMENT

  1. നല്ല ലേഖനം.ഒരു നേരത്തെ ഭക്ഷണം ഈ ലോക ഭക്ഷ്യ ദിനത്തിൽ ഒരാൾക്ക് കൊടുത്തു കൊണ്ട് ഈ ഭക്ഷ്യദിനം ആഘോഷിയ്ക്കാം.

Leave a Reply to Devu Cancel reply

Please enter your comment!
Please enter your name here

- Advertisment -

Most Popular

പത്തനംതിട്ട നഗരസഭ വനിതാ ഹോസ്റ്റല്‍ യാഥാര്‍ത്ഥ്യമാകുന്നു

നഗരസഭയുടെ ഉടമസ്ഥതയിലുള്ള വനിതാ ഹോസ്റ്റല്‍ കം വനിതാ ലോഡ്ജ് 26 ന് രാവിലെ 11 മണിക്ക് നഗരസഭാ ചെയര്‍മാന്‍ അഡ്വ.ടി. സക്കീര്‍ ഹുസൈന്‍ നാടിന് സമര്‍പ്പിക്കും. ജില്ലാ ആസ്ഥാനത്ത് ജോലി ചെയ്യുന്ന വനിതാ...

കോന്നി ഇക്കോടൂറിസം തിങ്കളാഴ്ച പ്രവര്‍ത്തിക്കും

കോവിഡ് നിയന്ത്രണത്തെ തുടര്‍ന്ന് 23, 30 ഞായറാഴ്ചകളില്‍ കോന്നി ഇക്കോടൂറിസം, അടവി കുട്ടവഞ്ചിസവാരി എന്നിവ പ്രവര്‍ത്തിക്കുന്നതല്ല.  അതിനാല്‍ 24, 31 എന്നീ തിങ്കളാഴ്ച ദിവസങ്ങള്‍ കോന്നി ഇക്കോടൂറിസം പ്രവര്‍ത്തി ദിനങ്ങളായിരിക്കും. കോന്നി ഇക്കോടൂറിസം കേന്ദ്രങ്ങളായ...

മലയാളി നിക്ഷേപകനും കൂടുംബത്തിനും യു എ ഇ ഗവൺമെൻ്റിൻ്റെ ആദരവ്.

ആലപ്പുഴ കുത്തിയതോട്ടിൽ പൂച്ചനാപറമ്പിൽ കുഞ്ഞോ സാഹിബിന്റെ മകൻ മുഹമ്മദ് സാലിയെയും, ഭാര്യ ലൈല സാലിയെയുമാണ് യു എ ഇ ഗവൺമെൻ്റ് ഗോൾഡൻ വിസ കൊടുത്തു ആദരിച്ചത്. പത്ത് വർഷക്കാലാവധിയുള്ളതാണ് യു എ ഇ...

ഹൈക്കോടതി വിമർശിച്ചതിന് പിന്നാലെ സിപിഐഎം ആലപ്പുഴ ജില്ലാ സമ്മേളനം മാറ്റി.

കൊവിഡ് പടരുന്നതിനിടെ സിപിഎം ജില്ലാ സമ്മേളനങ്ങൾ നടത്തുന്നതിനെ ഹൈക്കോടതി വിമർശിച്ചതിന് പിന്നാലെ ആലപ്പുഴ സിപിഎം ജില്ലാ സമ്മേളനം മാറ്റി. കൊവിഡ് വ്യാപനം കണക്കിലെടുത്താണ് തീരുമാനമെന്നും പുതിയ തിയ്യതി പിന്നീട് അറിയിക്കുമെന്നും ആലപ്പുഴ ജില്ലാ...
WP2Social Auto Publish Powered By : XYZScripts.com
error: