17.1 C
New York
Thursday, June 30, 2022
Home Special റോബിൻ പള്ളുരുത്തി അവതരിപ്പിക്കുന്ന ലേഖയും മാഷും (10)

റോബിൻ പള്ളുരുത്തി അവതരിപ്പിക്കുന്ന ലേഖയും മാഷും (10)

റോബിൻ പള്ളുരുത്തി

എന്താ മാഷേ ഒരു കടലാസും കൈയ്യിൽപ്പിടിച്ച് ഇവിടെയിങ്ങനെ അനങ്ങാതെ നിൽക്കുന്നത് , ഞെട്ടിക്കുന്ന കാര്യംവല്ലതുമാണോ അതിൽ എഴുതിയിരിക്കുന്നത് ?

അഹാ.. ലേഖയോ , സ്കൂളിൽനിന്നും ഇതിലും നേരത്തേയാണല്ലോ താനെന്നും വരുന്നത് ഇന്നെന്തുപറ്റി വൈകിയല്ലോ ?

ഒന്നും പറയണ്ട എന്റെ പൊന്നു മാഷേ.. ഒരു കണക്കിനാണ് ബസ്സിൽ ബാഗുമായി കയറുന്നതും ഇരിക്കാൻ സീറ്റൊപ്പിക്കുന്നതും കഷ്ടകാലത്തിന് ഞാൻ പതിവായി വരുന്ന ബസ്സിന്ന് ബ്രേക്ക്ഡൗണായി പിന്നീടുള്ള കാര്യം മാഷിന് ഊഹിക്കാമല്ലോ ?

അപ്പോ, ബസ്സ് നിന്നുപോയതു കൊണ്ടാണ് ലേഖ വൈകിയതല്ലേ ?

ഞാൻ കയറിയ ബസ്സ് നിന്നുപോയതുകൊണ്ടല്ല മാഷേ..ഞങ്ങൾ സ്കൂൾ കുട്ടികളെ കണ്ടിട്ട് മറ്റുള്ള ബസ്സുകാർ നിർത്താതെ പോയതുകൊണ്ടാണ് വൈകിയത്. അതിരിക്കട്ടെ , മാഷെന്താ കൈയ്യിലൊരു തുണ്ടുകടലാസുമായി ഇവിടെയിങ്ങനെ ആലോചിച്ച് നിൽക്കുന്നത് ? എന്തുപറ്റി ?

മനസ്സിൽ കണക്കുകൂട്ടുന്നതുപോലെ കാര്യങ്ങൾ നീങ്ങുന്നില്ല കുട്ടീ :

വന്ന് വന്ന് … കണക്ക് പഠിപ്പിച്ച മാഷിനും കണക്ക് തെറ്റിത്തുടങ്ങിയോ ഈശ്വരാ … ?

ഞാൻ പഠിച്ചതും പഠിപ്പിച്ചതുമായ കണക്കുകൾ തെറ്റുന്നതല്ല കുട്ടീ … അത് , ശാസ്ത്രമാണ് . അതിലൊരു സത്യമുണ്ട്. എന്നാലിപ്പോൾ മനുഷ്യരുടെ കണക്കുകൂട്ടലുകൾ മനുഷ്യർ തന്നെ തെറ്റിച്ചു കൊണ്ടിരിക്കുകയല്ലേ ?

മാഷ് പറയുന്നത് എനിക്ക് മനസ്സിലാകുന്നില്ല എന്താ കാര്യമെന്ന് ഒന്ന് തെളിച്ചുപറഞ്ഞൂടെ മാഷേ ?

അത് വേറൊന്നുമല്ലടോ , ഇപ്പോളെല്ലാവർക്കും ഉള്ളതുപോലെ ചെറിയ പ്രഷറും ഷുഗറുമെല്ലാം എനിക്കുമുണ്ട്. അതിനായി ഞാൻ സ്ഥിരമായിവാങ്ങുന്ന മരുന്നിന്റെ കുറിപ്പാണിത് പക്ഷെ ഈ മരുന്നിപ്പോൾ കിട്ടാനില്ല .പകരം മറ്റൊരു കമ്പനിയുടെ മരുന്നാണ് വരുന്നതെന്നാണ് മരുന്നു കടയിൽ നിൽക്കുന്ന ചെറുപ്പക്കാരൻ പറഞ്ഞത്. അതിന് പഴയ മരുന്നിന്റെ ഇരട്ടിവിലയാണെന്നും . മരുന്ന് വാങ്ങുവാനായി കൊണ്ടുവന്ന പണം തികയാത്തതുകൊണ്ട് എന്റെ മനസ്സിലെ കണക്കുകൂട്ടലുകളെല്ലാം തെറ്റി ..

ഹ ഹ ഹ അതല്ലെ മാഷേ ഞാനും ചോദിച്ചത് ?

ങ്ങ്ഹാ ..പറഞ്ഞിട്ടെന്തുകാര്യം അസുഖം മാറാൻ മരുന്നു കഴിച്ച മനുഷ്യരിപ്പോൾ മരുന്നു കഴിച്ചുണ്ടായ അസുഖം മാറാൻ മറുമരുന്നുകൾ തേടുന്നു. അവിടെയും ജീവൻരക്ഷാമരുന്നുകൾ വിലകൂട്ടി വിറ്റുകൊണ്ട് വേറെകുറേയാളുകൾ ലാഭംകൊയ്യുന്നു. ഇങ്ങനെപോയാൽ ഭാവിയിൽ മനുഷ്യർ ഭക്ഷണം വാങ്ങുന്നതിന് ചെലവാക്കുന്നതിനേക്കാൾ കൂടുതൽ പണം ചെലവഴിക്കുന്നത് മരുന്നുവാങ്ങുന്നതിനായിരിക്കും അതിലൊരു സംശയവും വേണ്ട.

റോബിൻ പള്ളുരുത്തി🖋️🖋️

Facebook Comments

COMMENTS

- Advertisment -

Most Popular

മൃഗങ്ങളില്‍ ആന്ത്രാക്‌സ് സ്ഥിരീകരിച്ചതിനാല്‍ പ്രതിരോധത്തിന് അടിയന്തര നടപടികള്‍: മന്ത്രി വീണാ ജോര്‍ജ്.

തിരുവനന്തപുരം: മൃഗങ്ങളില്‍ ആന്ത്രാക്‌സ് രോഗബാധ സ്ഥിരീകരിച്ചതിനാല്‍ പ്രതിരോധത്തിന് ആരോഗ്യ വകുപ്പ് അടിയന്തര നടപടികള്‍ സ്വീകരിച്ചു വരുന്നതായി ആരോഗ്യ വകുപ്പ് മന്ത്രി വീണാ ജോര്‍ജ്. തൃശൂര്‍ ആതിരപ്പള്ളി വനമേഖലയിലെ കാട്ടു പന്നികളിലാണ് ആന്ത്രാക്‌സ് രോഗബാധ...

ആന്ധ്രയിൽ ഓട്ടോയ്ക്ക് മേൽ വൈദ്യുതികമ്പി പൊട്ടിവീണു; 5 മരണം.

ആന്ധ്രാപ്രദേശില്‍ വൈദ്യുതികമ്പി ഓട്ടോറിക്ഷയുടെ മുകളിലേക്ക് പൊട്ടിവീണ് അഞ്ചു പേർ മരിച്ചു. മൂന്ന് പേർക്ക് ഗുരുതരമായി പരുക്കേറ്റു. ആന്ധ്രയിലെ സത്യസായ് ജില്ലയിലാണ് അപകടമുണ്ടായത്. യാത്രക്കാരുമായി പോയ ഓട്ടോറിക്ഷ വൈദ്യുത പോസ്റ്റിലിടിച്ചതിന് പിന്നാലെയാണ് വൈദ്യുത കമ്പികൾ...

സ്ത്രീകളുള്ള വാട്സ്ആപ് ഗ്രൂപ്പിലേക്ക് അശ്ളീല വീഡിയോ;വൈദികനെതിരെ പരാതി.

വീട്ടമ്മമാരും കന്യാസ്ത്രീകളും ഉള്ള വാട്സ്ആപ് ഗ്രൂപ്പിലേക്ക് വൈദികന്‍ അശ്ളീല വീഡിയോ അയച്ചതായി പരാതി. കണ്ണൂർ അടയ്ക്കാത്തോട് പള്ളി വികാരി ഫാദർ സബാസ്റ്റ്യൻ കീഴേത്തിനെതിരെയാണ് പരാതി ഉയര്‍ന്നിരിക്കുന്നത്. മാതൃവേദി സംഘടനയുടെ ഡയറക്ടർ കൂടിയായ പുരോഹിതനെതിരെയാണ്...

സേ, ഇംപ്രൂവ്‌മെന്റ് പരീക്ഷ വിജ്ഞാപനം; തിയറി പരീക്ഷകൾ ജൂലൈ 25 മുതൽ 30 വരെ.

ഹയർ സെക്കണ്ടറി (വൊക്കേഷണൽ) വിഭാഗം ജൂലൈയിൽ നടത്തുന്ന സേ/ ഇംപ്രൂവ്‌മെന്റ് പരീക്ഷയുടെ വിജ്ഞാപനമായി. തിയറി പരീക്ഷകൾ ജൂലൈ 25ന് ആരംഭിച്ച് 30ന് അവസാനിക്കും. അപേക്ഷകൾ പിഴകൂടാതെ ജൂലൈ 4നും 600 രൂപയോടെ 7 വരെയും...
Facebook Comments
WP2Social Auto Publish Powered By : XYZScripts.com
error: