17.1 C
New York
Thursday, February 9, 2023
Home Special മലയാളിമനസ്സിനു ആശസകൾ - ജോസഫ് നമ്പിമഠം

മലയാളിമനസ്സിനു ആശസകൾ – ജോസഫ് നമ്പിമഠം

Bootstrap Example

2021 ലെ പുതുവത്സര ദിനത്തിൽ അമേരിക്കയിലെ ഫിലാഡൽഫിയയിൽ നിന്നും ശ്രീ രാജു ശങ്കരത്തിൽ മുഖ്യ പത്രാധിപരായി “മലയാളി മനസ്സ്” എന്ന പേരിൽ ഒരു സമ്പൂർണ്ണ ഓൺലൈൻ പത്രം പുറത്തിറക്കുന്നു എന്ന് അറിഞ്ഞതിൽ വളരെ സന്തോഷം.

വളരെക്കാലം, ശ്രീ ചാക്കോ ശങ്കരത്തിൽ മുഖ്യ പത്രാധിപനായി, ആകർഷണീയമായ പുറം ചട്ടയോടും ഉള്ളടക്കത്തോടെയും കൂടി അമേരിക്കൻ മലയാളികളുടെ മനം കവർന്നിരുന്ന “രജനി” മാസികയുടെ പിന്നിൽ പ്രവർത്തിച്ചിരുന്ന ആളും അതെ കുടുംബത്തിലെ അംഗവുമായ ശ്രീ രാജു ശങ്കരത്തിൽ ആണ് ഈ പുതിയ സംരഭത്തിന് പിന്നിൽ എന്നത് വളരെയേറെ ആഹ്ളാദകരമാണ്. അമേരിക്കയിൽ, മലയാള ഭാഷയുടെയും സാഹിത്യത്തിന്റെയും എഴുത്തുകാരുടെയും വളർച്ചക്കായി വിലയേറിയ സംഭാവനകൾ നൽകിയ ഒരു നോവലിസ്റ്റും, ലാനയുടെ മുൻ സെക്രട്ടറിയുമായിരുന്ന ചാക്കോ ശങ്കരത്തിലും അതെ കാലയളവിൽ ലാനയുടെ പ്രസിഡന്റ് ആയിരുന്ന ഞാനും തമ്മിൽ അദ്ദേഹത്തിന്റെ അകാലമായ നിര്യാണം വരെയും അടുത്ത ബന്ധം പുലർത്തുകയും രജനിയിൽ എന്റെ രചനകൾ പ്രസിദ്ധീകരിക്കു കയും ചെയ്തിരുന്നു. ലാന എന്ന സംഘടന രൂപീകരിക്കാനും അതിനെ വളർച്ചയിലേക്ക് നയിക്കാനും ചാക്കോ ശങ്കരത്തിൽ ചെയ്ത പ്രവർത്തനങ്ങളും ഇത്തരുണത്തിൽ കൃതജ്ഞതയോടെ സ്മരിക്കുന്നു.

പ്രവാസജീവിതം വരിക്കേണ്ടി വരുന്ന ഏതു മലയാളിയും, അവന്റെ നാടിനെ മറന്നാലും ഭാഷയെ കൈവിടുന്നില്ല എന്നതാണ് സത്യം. അതിനു തെളിവാണ് അമേരിക്കയിലെ പ്രധാന സാഹിത്യ സംഘടനയായ ലാനയും ഇവിടത്തെ സജീവമായ എഴുത്തുകാരും അച്ചടി, ഇന്റർനെറ്റ് മാധ്യമങ്ങളും എല്ലാം. ഇവിടെ സജീവമായി നില നിന്നിരുന്ന പല അച്ചടി മാധ്യമങ്ങളും ഇന്ന് നിലച്ചു പോയിട്ടുണ്ട് എന്നതാണു ചരിത്ര സത്യം. അച്ചടി മാധ്യമങ്ങൾ പലതും ലോകവ്യപകമായി തന്നെ നിലനിൽപ്പിന്റെ ഭീഷണിയെ നേരിടുന്ന ഈ കാലഘട്ടത്തിൽ, പ്രത്യേകിച്ചും മഹാമാരി പോലുള്ള ഭീഷണികളെ നേരിടുന്ന കാലഘട്ടത്തിൽ, എല്ലാം ഓൺലൈനായി ചെയ്യുന്ന ഈ കാല ഘട്ടത്തിൽ, ഭാവിയുടെ മാധ്യമങ്ങൾ തീർച്ചയായും ഓൺലൈൻ മാധ്യമങ്ങൾ ആയിരിക്കും എന്നതിൽ തെല്ലും സംശയമില്ല.

“മലയാളി മനസ്സ്” എന്ന മാധ്യമം, മലയാളിയുടെ മനസ്സറിയുന്ന, പ്രവാസിമലയാളിയുടെ മനസ്സിനെ തൊട്ടുണർത്തുന്ന, വിശ്വ മലയാളത്തിന്റെ മനസ്സാക്ഷിയാകുന്ന മാധ്യമമായി വളരട്ടെ. അമേരിക്കയിൽ, മലയാളഭാഷയുടെയും സാഹിത്യത്തിന്റെയും എഴുത്തുകാരുടെയും ഉന്നമനത്തിനായി പ്രവർത്തിച്ചവരും, ആദ്യ കാലം മുതൽ മുൻപേ നടന്നവരുമായവരുടെ ദൗത്യം പിന്തുടരുന്ന യുവ ശക്തിയായി പ്രവർത്തിക്കാനും, മലയാളം മറക്കുന്ന മലയാളികളുടെയും പ്രവാസി മലയാളികളുടെയും നാവിലെ ആദ്യാക്ഷരിയായി നിത്യവും തെളിയട്ടെ. മലയാളിമനസ്സിന്‌ എല്ലാവിധ വിജയാശംസകളും നേരുന്നു.

സ്നേഹത്തോടെ, പ്രാർത്ഥനകളോടെ, ജോസഫ് നമ്പിമഠം

Facebook Comments

COMMENTS

- Advertisment -

Most Popular

മനഃശാസ്ത്ര സംബന്ധമായ തുടർ ലേഖനവുമായി മലയാളി മനസ്സിൽ എത്തുന്നു പ്രശസ്ത സാഹിത്യകാരനായ ശ്രീ KG ബാബുരാജ്.

"വീക്ഷണങ്ങളുടെ മനഃശാസ്ത്രം" എന്ന മനഃശാസ്ത്ര സംബന്ധമായ തുടർ ലേഖനവുമായി വെള്ളിയാഴ്ചതോറും മലയാളി മനസ്സിൽ എത്തുന്നു.. പ്രശസ്ത സാഹിത്യകാരനായ ശ്രീ KG ബാബുരാജ്. എറണാകുളം ജില്ലയിൽ ആലുവായ്ക്കടുത്ത് വെസ്റ്റ് കൊടുങ്ങല്ലൂർ സ്വദേശി യായ ശ്രീ കെ ജി...

മലയാളിമനസ്സ്.. ആരോഗ്യ വീഥി

ഇയര്‍ ഫോണുകള്‍ ഉപയോഗിക്കുന്നത് വിവിധ ആരോഗ്യപ്രശ്നങ്ങള്‍ക്ക് കാരണമാകുമെന്ന് വിദഗ്ധര്‍. ഇയര്‍ഫോണുകളില്‍ നിന്ന് വരുന്ന ശബ്ദം ചെവിയില്‍ വലിയ സ്വാധീനം ചെലുത്തുന്നു. ഇത് സ്ഥിരമായ കേടുപാടുകളിലേക്ക് നയിക്കുന്നു. സുരക്ഷിതമല്ലാത്ത ശ്രവണ രീതികള്‍ മൂലം ലോകമെമ്പാടുമുള്ള ഒരു...

ഇന്നത്തെ ചിന്താവിഷയം ✍പ്രൊഫസ്സർ എ.വി. ഇട്ടി

തെറ്റു തിരുത്താനുള്ള ആർജ്ജവം നേടിയെടുക്കാം .......................................................................................................... സന്യാസി പതിവുപോലെ, തൻ്റെ പൂജാമുറിയിൽ കയറിയപ്പോൾ, അവിടിരുന്ന തൻ്റെ സ്വർണ്ണത്തളിക കാണാനില്ല! തൻ്റെ ശിഷ്യരിൽ ആരെങ്കിലുമായിരിക്കും അതെടുത്തതെന്ന് അദ്ദേഹത്തിനുറപ്പായിരുന്നു. എടുത്തത് ആരാണെങ്കിലും, തന്നോടു രഹസ്യമായി പറയുവാൻ ഗുരു ശിഷ്യരോടു...

ശുഭദിനം | 2023 | ഫെബ്രുവരി 9 | വ്യാഴം ✍കവിത കണ്ണന്‍

വീട്ടിലേക്ക് പച്ചക്കറി വില്‍ക്കാന്‍ വന്ന സ്ത്രീ ഒരു കെട്ട് ചീരയ്ക്ക് 20 രൂപ വില പറഞ്ഞു. അമ്മ അതിന്റെ പകുതി വില പറഞ്ഞു. 18 രൂപ വരെ വില്‍പനക്കാരി പറഞ്ഞെങ്കിലും അമ്മ സമ്മതിച്ചില്ല....
Facebook Comments
WP2Social Auto Publish Powered By : XYZScripts.com
error: