17.1 C
New York
Sunday, February 5, 2023
Home Special പുസ്തകങ്ങളിലൂടെ - എം.ടി. യുടെ 'മഞ്ഞ് ' (ആസ്വാദനക്കുറിപ്പുകൾ)

പുസ്തകങ്ങളിലൂടെ – എം.ടി. യുടെ ‘മഞ്ഞ് ‘ (ആസ്വാദനക്കുറിപ്പുകൾ)

Bootstrap Example

തയ്യാറാക്കിയത്: ദിവ്യ എസ്. മേനോൻ.

വായിച്ചിട്ടുള്ളതിൽ വച്ച് എനിക്ക് വളരെ പ്രിയമുള്ള ‘മഞ്ഞ് ‘ എന്ന നോവലിനെ കുറിച്ചാണ് ഞാൻ ഇവിടെ എഴുതുന്നത്.

എം ടി യുടെ തൂലികയിൽ വിടർന്ന ഒരു മനോഹര പുഷ്പമാണ് മഞ്ഞ് എന്ന നോവൽ. നൈനിറ്റാളിന്റെ മനോഹാരിത മുഴുവനും ആവാഹിച്ചിട്ടുള്ള, കാത്തിരിപ്പിന്റെ കഥ പറയുന്ന നോവൽ. മടങ്ങി വരുമെന്ന് ഒരു ഉറപ്പുമില്ലെങ്കിലും കാമുകനായ സുധീർ കുമാർ മിശ്രയെ കാത്തിരിക്കുന്ന വിമലാദേവിയും, ജീവിതത്തിൽ ഒരിക്കൽ പോലും കണ്ടിട്ടില്ലാത്ത അച്ഛനെ കാത്തിരിക്കുന്ന തോണിക്കാരനായ ബുദ്ദുവും രംഗബോധമില്ലാത്ത കോമാളിയായ മരണത്തെ തന്നെ കാത്തിരിക്കുന്ന സർദാർജിയും കാത്തിരിപ്പിന്റെ വ്യത്യസ്ത മുഖങ്ങളുമായി വായനക്കാരന്റെ മനസ്സിൽ സ്ഥാനം പിടിക്കുന്നു. പ്രണയത്തിനും വിരഹത്തിനുമൊപ്പം തന്നെ പച്ചയായ മനുഷ്യജീവിതങ്ങളുടെ നിസ്സഹായതയും വരച്ചു കാണിക്കുന്ന ഒരു നോവലാണ് മഞ്ഞ്.

കാത്തിരിപ്പിന്റെ വ്യത്യസ്ത മുഖങ്ങൾ പോലെത്തന്നെ പ്രണയത്തിന്റെ വ്യത്യസ്ത മുഖങ്ങളും വായനക്കാരന്റെ മനസ്സിൽ മായാതെ പതിഞ്ഞു കിടക്കുന്നു. തന്റെ മനസ്സും ശരീരവും കവർന്ന് തന്നെ വിട്ടുപോയ കാമുകനെ ഒരിക്കൽ പോലും വഞ്ചകനായോ ദുഷ്ടനായോ കാണാൻ കഴിയാത്ത വിമലയ്ക്ക് അനശ്വര പ്രണയത്തിന്റെ മുഖമാണ്. “വരും, വരാതിരിക്കില്ല ” എന്ന പ്രതീക്ഷയോടെ അവൾ കാമുകനെ കാത്തിരിക്കുമ്പോൾ വായനക്കാരന്റെ മനസ്സിലും പണ്ടെന്നോ മറന്നുവച്ച പ്രണയത്തിന്റെ മധുരനൊമ്പരങ്ങളുടെ മഞ്ഞ് പെയ്യുന്നു.

ജീവിതസായാഹ്നത്തിൽ, മരണത്തെ കാത്തിരിക്കുമ്പോൾ “എനിക്ക് നിങ്ങളെ ഇഷ്ടമാണ്. കരണമൊന്നുമില്ല…വഴിയിൽ തടഞ്ഞുനിർത്തില്ല, പ്രേമലേഖനം എഴുതില്ല, ഒന്നും ചെയ്യില്ല. ഒരു ബന്ധവും സങ്കല്പിക്കാതെ… വെറുതെ… എനിക്ക് നിങ്ങളെ ഇഷ്ടമാണ്” എന്ന് വിമലയോടു പറയുന്ന സർദാർജിക്കു ഉപാധികളില്ലാത്ത, ആത്മാവിൽ നിന്നുള്ള പ്രണയത്തിന്റെ മുഖമാണ്. ഹൃദയത്തിലെന്നും പ്രണയത്തിന്റെ മഞ്ഞ് പെയ്യുന്നവർക്ക് ശരീരത്തിന്റെ ചുളിവുകൾ ഒരിക്കലും മരുഭൂമികളാവാറില്ല. ജീവിതത്തിലെ കഠിനമായ പ്രതിസന്ധിഘട്ടത്തിലും അദ്ദേഹത്തിന്റെ മനസ്സിൽ പ്രണയമുണ്ട്. നിലനില്പിനുള്ള ഊർജ്ജവും പ്രതീക്ഷയുമാണ് പ്രണയം എന്നാണ് വിമലയും സർദാർജിയും വായനക്കാരോട് പറയാതെ പറയുന്നത്. ഓരോ മനുഷ്യന്റെയും ഉള്ളിൽ വിമലയുടെയും സർദാർജിയുടെയും ചെറിയൊരു അംശമെങ്കിലുമുണ്ടാവും.അതില്ലെന്നു പറയുന്നത് കളവാണ്.

ഒരു ഗദ്യകവിത പോലെ മനോഹരമാണ് മഞ്ഞ്. കാവ്യാത്മകമായ ശൈലിയിൽ എഴുതിയിട്ടുള്ള കാലാതിവർത്തിയായ നോവൽ. മഞ്ഞ് വായിച്ചു തീരുമ്പോൾ മനസ്സിൽ തങ്ങി നിൽക്കുന്നത് അതിലെ കഥാപാത്രങ്ങൾ മാത്രമല്ല, മഞ്ഞിൻ പുതപ്പ് മൂടിപ്പുതച്ചു കിടക്കുന്ന അതിമനോഹരിയായ നൈനിറ്റാൾ കൂടിയാണ്… നൈനി ദേവിയുടെ ക്ഷേത്രവും തടാകവും മാൾ റോഡും എല്ലാം മനസ്സിൽ പതിഞ്ഞു കിടക്കുന്ന മനോഹര ദൃശ്യങ്ങളാണ്.

ഹൃദയങ്ങളിൽ പ്രണയത്തിന്റെ മഞ്ഞ് പെയ്തിറങ്ങുന്ന ഒരു അനുഭവമാണ് മഞ്ഞ് എന്ന നോവൽ. വായിച്ചു നിർത്തുമ്പോൾ ഏതൊരു വായനക്കാരന്റെയും മനസ്സ് മന്ത്രിച്ചു പോകും “വരും, വരാതിരിക്കില്ല!”

ദിവ്യ എസ് മേനോൻ.

Facebook Comments

COMMENTS

- Advertisment -

Most Popular

മലയാളി മനസ്സിനൊപ്പം നിറഞ്ഞ മനസ്സുമായ്..✍ബൈജു തെക്കുംപുറത്ത്

പുതിയ കാലത്തിൻ്റെ വാർത്താ സ്പന്ദനമായ് അക്ഷരാർത്ഥത്തിൽ മാറിയ, ലോകമൊട്ടുക്കുമുള്ള മലയാളികളുടെ വിരൽത്തുമ്പിൽ എന്നും എത്തുന്ന മലയാളി മനസ്സിൻ്റെ സഹയാത്രികനായിട്ട് രണ്ടു വർഷങ്ങൾ പിന്നിട്ടു. വിവിധ സാഹിത്യ കൂട്ടായ്മകളിലും സ്വന്തം പേജിലും എഴുതി മുന്നോട്ട് പോകുന്ന...

സിനിമ ലോകം ✍സജു വർഗീസ് (ലെൻസ്മാൻ)

🟥ആരാധകരുടെ കാത്തിരിപ്പിന് വിരാമമിട്ട് ലോകേഷ് കനകരാജ് സംവിധാനം ചെയ്യുന്ന വിജയ് ചിത്രത്തിന്റെ പേര് പ്രഖ്യാപിച്ചു. 'ലിയോ' എന്നാണ് ചിത്രത്തിന് പേരിട്ടിരിക്കുന്നത്. ബ്ലഡി സ്വീറ്റ് എന്നാണ് ടാഗ് ലൈന്‍ നല്‍കിയിരിക്കുന്നത്. ആകാംക്ഷ ജനിപ്പിക്കും വിധം...

മലയാളി മനസ്സ് .. “ആരോഗ്യ വീഥി”

ശരീരത്തിലെ എതെങ്കിലും ഒരു ഭാഗത്തുണ്ടാകുന്ന അനിയന്ത്രിതമായ കോശവളര്‍ച്ചയാണ് ക്യാന്‍സര്‍ രോഗത്തിന്റെ തുടക്കം. ക്യാന്‍സര്‍ കേസുകളില്‍ പകുതിയും അനാരോഗ്യകരമായ ജീവിതശൈലി, പുകവലി, വ്യായാമമില്ലായ്മ, മദ്യപാനം, അമിത ശരീരഭാരം മുതലായവ മൂലം ഉണ്ടാകുന്നതാണ്. തുടക്കത്തില്‍ കണ്ടെത്തിയാല്‍...

ഇന്നത്തെ ചിന്താവിഷയം ✍പ്രൊഫസ്സർ എ.വി. ഇട്ടി

മികവിന്റെ പിന്നിലെ പ്രയത്നം ഏറെ പ്രധാനം. ...................................................................................................... ഒരു രാജാവ്, തന്റെ രാജ്യത്തെ ഏറ്റവും മികച്ച ചിത്രകാരനെ, വളരെ അപൂവ്വമായി മാത്രം കാണപ്പെടാറുള്ള ഒരു പക്ഷിയുടെ ചിത്രം വരയ്ക്കാനേൽപിച്ചു. മാസങ്ങൾ കഴിഞ്ഞിട്ടും ചിത്രം പൂർത്തിയായില്ല. ചോദിക്കുമ്പോൾ...
Facebook Comments
WP2Social Auto Publish Powered By : XYZScripts.com
error: