17.1 C
New York
Thursday, September 29, 2022
Home Special പരീക്ഷകളെ പേടിക്കണമോ ..(ലേഖനം)

പരീക്ഷകളെ പേടിക്കണമോ ..(ലേഖനം)

തയ്യാറാക്കിയത്: ജിതാ ദേവൻ

ഇനി പരീക്ഷകളുടെ നാളുകൾ ആണ്. മാതാപിതാക്കളുടെയും കുട്ടികളുടെയും മനസിൽ പേടിയും ആധിയും ഒക്കെ ആഴത്തിൽ വേരോടുന്ന കാലം. പരീക്ഷകളെ ഇത്രക്ക് പേടിക്കേണ്ടതുണ്ടോ. ഈ ആകുലതകളുടെയും ആശങ്കകളുടെയും ആവശ്യമുണ്ടോ ? ചിന്തിക്കേണ്ട വിഷയമല്ലേ ?

മുമ്പത്തേക്കാൾ ഏറെ പരീക്ഷയെ പേടിക്കുന്നു കുട്ടികൾ. കാരണം എന്തെന്ന് ചോദിച്ചാൽ പണ്ട്, അതായതു കുറച്ച് വർഷങ്ങൾക്കു മുൻപ് വരെ SSLC പരീക്ഷയെ ആണ് കുട്ടികളും മാതാപിതാക്കളും ഏറെ ഭയന്നത്. എന്നാൽ ഇന്ന് KGമുതൽ മത്സരം തുടങ്ങുന്നു. KGയിൽ പ്രവേശനം നേടാൻ പോലും പ്രവേശനപരീക്ഷയിൽ ജയിക്കണം.
മാതാപിതാക്കളുടെ പേടി ഇളം മനസുകളിലേക്കും പകരുന്നുണ്ട്. അവർ ഓരോ ദിവസവും കുഞ്ഞുങ്ങളിലേക്ക് പഠന ഭാരവും ഒപ്പം പേടിയും കുത്തിനിറക്കും. ആവശ്യത്തിന് വിശ്രമിക്കാനോ കളിക്കാനോ കൂട്ട് കൂടാനോ അനുവദിക്കാതെ കൂട്ടിലിട്ട കിളികളെ പോലെ വളർത്തുന്നു. മാതാപിതാക്കളുടെ അമിതമായ പേടിയും ആശങ്കയും കുട്ടികളെ കൂടുതൽ സമ്മർദ്ദത്തിൽ ആക്കും.

എന്താണ് പഠിക്കേണ്ടത് എങ്ങനെ പഠിക്കണം എന്ന്‌ ഒരു ബോധമില്ലാതെ എന്തൊക്കെയോ വാരിവലിച്ചു പഠിക്കാൻ ശ്രമിക്കും.വെപ്രാളവും സ്ട്രെസ്സും കൊണ്ട് പഠിക്കുന്നതു തലയിൽ കയറുകയുമില്ല. ഇത്‌ അവരെ വല്ലാത്ത മാനസിക സംഘർഷത്തിലേക്ക് നയിക്കും.

കുഞ്ഞുങ്ങൾ മാതാപിതാക്കളുടെ സ്വപ്‌നങ്ങൾ പൂവണിയിക്കാനുള്ള ഉപകരണങ്ങൾ അല്ല. തങ്ങൾക്ക്‌ കിട്ടാതെ പോയത് അവരിൽ കൂടി നേടണം എന്ന വാശി, കൂടുതൽ മാർക്ക് വാങ്ങി സ്റ്റാറ്റസ് കീപ് ചെയ്യണം എന്ന അതിമോഹം, നല്ല ജോലി കിട്ടി സാമ്പത്തിക സുരക്ഷിതത്വം നേടണം എന്ന ആഗ്രഹം ഇതെല്ലാം കുട്ടികളുടെ മനസിലേക്ക് എപ്പോഴും ഇൻജെക്ട ചെയ്തു കൊണ്ടിരുന്നാൽ അവർ ക്കു പേടി കൂടിക്കൊണ്ടിരിക്കും. ഇതെല്ലാം ആവശ്യമാണ്. പക്ഷെ പരിധിയും പരിമിതിയും ഉണ്ട്‌. ഒരു കുഞ്ഞിന്റെ പഠന നിലവാരം തീർച്ചയായും മാതാപിതാക്കൾ അറിഞ്ഞിരിക്കണം. തുമ്പിയെ കൊണ്ട് കല്ലെടുപ്പിക്കുമ്പോൾ വളരെ ശ്രദ്ധിക്കണം.നിരന്തരമായ കുറ്റപ്പെടുത്തലുകളും മാനസിക പീഡനവും ഒക്കെ തീർച്ചയായും ഒഴിവാക്കണം.

ഉന്നത വിജയം മക്കൾ വാങ്ങണം എന്ന്‌ ആഗ്രഹിക്കുമ്പോൾ തന്നെ അവർക്കു എത്രമാത്രം കഴിവ് ഉണ്ടെന്നു കൂടി മനസിലാക്കണം. ചില കുട്ടികൾക്ക് ചില വിഷയങ്ങൾ പെട്ടെന്നു ദഹിക്കുന്നതല്ല. ചിലവിഷയങ്ങൾ വളരെ വേഗം പഠിക്കുകയും ചെയ്‌യും. പ്രയാസമുള്ള വിഷയങ്ങൾ കൂടുതൽ സമയം പഠിക്കാൻ അനുവദിക്കണം.

പിന്നെ മാർക്ക് കുറഞ്ഞു പോയാൽ അവരെ കുറ്റപ്പെടുത്താതെ സാരമില്ല അടുത്ത പരീക്ഷ നന്നായി എഴുതാം എന്ന്‌ പറഞ്ഞു അവരെ സമാധാനിപ്പിച്ചാൽ അവർ തീർച്ചയായും അടുത്ത പരീക്ഷക്ക്‌കുടുതൽ മാർക്ക്‌ വാങ്ങിയിരിക്കും. ഏത് വീഴ്ചയിലും മാതാപിതാക്കൾ കൂടെ ഉണ്ട്‌ എന്ന സന്ദേശം കൂടിയാണ് അത്. അത് അവരുടെ മനോബലവും ആത്മവിശ്വാസവും കൂട്ടും.

മാതാപിതാക്കൾ കൂട്ടുകാരെ പോലെ ആയിരിക്കണം.
കുട്ടികൾക്ക് പഠിക്കാനുള്ള ഗൃഹാന്തരീക്ഷം ഒരുക്കി കൊടുക്കണം. ശാന്തമായും സമാധാനമായും പിടിക്കാനുള്ള അവസരം വേണം.

മാതാപിതാക്കളുടെ മദ്യപാനവും വഴക്കും ഒക്കെ കുട്ടികളെ വളരെയധികം മോശമായി ബാധിക്കും. നിരന്തരം കലഹമുണ്ടാക്കുന്ന മാതാപിതാക്കളുടെ കുട്ടികൾക്ക് നന്നായി പഠിക്കാൻ കഴിയില്ല. അവരുടെ മനോനില പോലും ശരിയായിരിക്കില്ല. അത് പോലെ കാറ്റും വെളിച്ചവും നന്നായി കിട്ടുന്ന മുറികളിൽ പഠിക്കാൻ ഇരുത്തണം.

ഇന്ന് മൊബൈൽ ഫോൺ ഇല്ലാത്ത കുട്ടികൾ കാണില്ല. അത് ഒരു നിശ്ചിത സമയത്തു ഉപയോഗിക്കാൻ പറയുക. ഒപ്പം മാതാപിതാക്കളും അവരുടെ ഫോണിന്റെയും tvയുടെയും ഉപയോഗം പരിമിതപ്പെടുത്തുക. ധാരാളം ശുദ്ധജലം കുടിക്കാൻ നൽകണം. കോളകൾ പരമാവധി കൊടുക്കാതിരിക്കുക. സിസ്റ്റമാറ്റിക് ആയി പഠിക്കാൻ സൗകര്യം ഒരുക്കണം. നിശ്ചിത സമയത്തിനുള്ളിൽ പരീക്ഷ എഴുതി കഴിയാൻ പരിശീലിപ്പിക്കണം.

ചെറുപ്പം മുതൽ പേടി ഉള്ളിൽ വളർത്താതെ തന്നെ വിദ്യാഭ്യാസത്തിന്റെ പ്രാധാന്യം അവരെ മനസിലാക്കി മുന്നോട്ടു പോയാൽ കുട്ടികളുടെ പേടിയും മാതാപിതാക്കളുടെ ആധിയും പമ്പ കടക്കും. നമ്മൾ അവർക്കൊപ്പം ഉണ്ടെന്നു അവർക്കു ബോധ്യം ഉണ്ടെങ്കിൽ അവർ നന്നായി പഠിക്കും പരീക്ഷ എഴുതും
അഥവാ തോറ്റു പോവുകയോ, മാർക്കു കുറയുകയോ ചെയ്താൽ ഒരു കുഞ്ഞും ആത്മഹത്യയിൽ അഭയം തേടില്ല. എല്ലാ കുഞ്ഞുങ്ങൾക്കും വിജയാശംസകൾ.

Facebook Comments

COMMENTS

- Advertisment -

Most Popular

സമയം (കഥ) ✍സുനിത സുകുമാരൻ അടാട്ട്

ഇന്ന് ഉണർന്നതേ മഴയിലേക്കാണ്. ജനലഴികളിൽ തട്ടിത്തെറിച്ച മഴത്തുള്ളികളാണ് ഉണർത്തിയത് എന്ന് പറയുന്നതാവും ശരി. അതോ മഴയെ സ്നേഹിച്ച മാലതിയുടെ ഈറൻ വിരലുകളോ? പുറത്ത് മഴ താളം നിർത്തി, പതിയെ ഹൃദയത്തിലേക്ക് പെയ്തിറങ്ങുകയാണ്. കാലം നൽകിയ, സ്നേഹവും...

ജീവിത ഭാരവും പേറി (കവിത) ✍ഷീജ ഡേവിഡ്

ജീവിതദുഃഖങ്ങൾ തൻ ബ്രഹത് ഭാണ്ഡവും പേ റി എത്രയോ നിസ്സഹായർ ചരിപ്പൂ ലോകാന്തരെ താങ്ങുവാനാരുമില്ല, സഹായഹ- സ്തമില്ല ഉള്ളവർ എരിതീയിൽ എണ്ണ കോരു- വാൻ മാത്രം. കുടുംബ ബന്ധങ്ങൾ തൻ കെട്ടുകളുലയുന്നു മാതാപിതാക്കൾ, മക്കൾ അകന്നു മാറീടുന്നു ബാല്യ, കൗമാരങ്ങൾ തൻ ചാരുത മങ്ങിടുന്നു ചുറ്റിലും നിലകൊള്ളും സൗന്ദര്യം നശിക്കുന്നു യുവചേതനകളോ സ്വാർത്ഥരായ് മടിയരായ് ജീവിത താളം തെറ്റി...

മായാലോകത്തെ സഞ്ചാരികൾ (കഥ)

രാമദാസ്‌ ഒരു വിമുക്ത ഭടനാണ്. ശത്രുക്കളുമായുള്ള എടുമുറ്റലിനിടയിൽ കാലിനു വെടിയേറ്റ അയാൾക്ക് നാൽപ്പതാമത്തെ വയസ്സിൽ തന്റെ ഔദ്യോഗിക ജീവിതത്തിൽ നിന്നും വിരമിക്കേണ്ടി വന്നു. അതുവരെയും ഒരു വിവാഹ ജീവിതത്തെ പറ്റി ചിന്തിക്കാതിരുന്ന അയാൾക്ക്‌,...

പ്രണയ മഴയിൽ കുളിക്കുമ്പോൾ ….(കവിത)

മഴ തെല്ലൊന്നൊതുങ്ങി ഞാൻ കാതോർത്ത മഴയുടെ സംഗീതത്തിന് നിൻ്റെ പേരായിരുന്നു. എത്ര വിചിത്രം അല്ലേ? നമ്മളെന്നോർമ്മയിൽ നിത്യവുംഞാനും നീയും മുങ്ങിമരിക്കുന്ന-- തെനിക്കറിയാം..... പ്രണയവഴികളെല്ലാം ലക്ഷ്യത്തിലെത്തണം എന്നു ശഠിക്കരുതല്ലോ ...? കൈകൾ കോർത്തുപിടിച്ച ലക്ഷ്യമായുള്ള ചില യാത്രകൾ എത്രയോ മനോഹരമാണെന്നോ.. പ്രണയമെന്തെന്നറിയുന്ന നിമിഷങ്ങളാണവ.. സ്വന്തമായിട്ടും സ്വന്തമാവാതെ പോയ നമ്മുടെ പ്രണയം ...! എന്നിട്ടും നിന്നിൽ നിറഞ്ഞു തുളുമ്പി എന്നിലേക്കൊഴുകുന്ന പ്രണയനീലിമയിൽ ഞാനും നീയും മുങ്ങിത്താഴുന്നു... കൃഷ്ണനിൽ നിറഞ്ഞ രാധയെപ്പോലെ... രാധയിൽ മുങ്ങിയ കൃഷ്ണനെ പോലെ .... രചന...
Facebook Comments
WP2Social Auto Publish Powered By : XYZScripts.com
error: