17.1 C
New York
Wednesday, June 16, 2021
Home Special നദികൾ സ്നേഹപ്രവാഹങ്ങൾ:- ചാലക്കുടിപ്പുഴ.....

നദികൾ സ്നേഹപ്രവാഹങ്ങൾ:- ചാലക്കുടിപ്പുഴ…..

തയ്യാറാക്കിയത്: സുജ ഹരി, തൃപ്പൂണിത്തുറ

ചാലക്കുടിപ്പുഴ…..

ചാലക്കുടിപ്പുഴയിലെ ഓളപ്പരപ്പിലൂടെ വഞ്ചിയൂന്നി പാതിവഴിയിൽ
നമ്മെ വിട്ടുപോയ ‘ചാലക്കുടിക്കാരൻ
ചങ്ങാതി’ യെ ഓർത്തുകൊണ്ട് നമുക്കീ പുഴയോരത്തു കൂടി യാത്രയാരംഭിയ്ക്കാം…

തമിഴ്നാട്ടിലെ ആനമലയിൽ നിന്നുൽഭവിച്ച്,
കാടും മേടും ഗ്രാമങ്ങളും നഗരങ്ങളും താണ്ടി, ചിലപ്പോൾ ശാന്തയായും, മറ്റു ചിലപ്പോൾ സംഹാരരുദ്രയായും ഒഴുകിയൊഴുകി, അറബിക്കടലിൽ ചേരുന്ന, ചാലക്കുടിപ്പുഴയ്ക്ക് 145 കിലോമീറ്റർ നീളമുണ്ട്. കേരളത്തിലെ നദികളിൽ നീളം കൊണ്ട് അഞ്ചാം സ്ഥാനമാണിവൾക്ക്..

‘പെന്നൈ ‘ എന്നാണ് പുരാണങ്ങളിൽ ഈ നദി അറിയപ്പെടുന്നത്. ഷോളയാർ എന്നും പേരുണ്ട്.

പറമ്പിക്കുളം, കുരിയാർകുട്ടി, ഷോളയാർ, കാരപ്പാറ, ആനക്കയം എന്നിങ്ങനെ നിരവധി കൊച്ചരുവികൾ ചേർന്ന് രൂപം കൊള്ളുന്ന ചാലക്കുടിപ്പുഴ; പാലക്കാട്, തൃശൂർ, എറണാകുളം ജില്ലകളിലെ, പത്തു ലക്ഷത്തോളം പേർക്ക് ദാഹജലവും ജീവിതവുമേകുന്നു.

പരിസ്ഥിതി വൈവിധ്യം കൊണ്ടും അതിമനോഹരങ്ങളായ വെള്ളച്ചാട്ടങ്ങൾ കൊണ്ടും അനുഗൃഹീതമാണ് ചാലക്കുടിപ്പുഴ ഏഴാറ്റുമുഖം എന്ന സ്ഥലത്താണ്
പുഴ ഏറ്റവും മനോഹരിയാകുന്നത്

ആഗോള പ്രശസ്തിയാർജിച്ചതും, പ്രകൃതി മനോഹരവും, കേരളത്തിലെ ‘ നയാഗ്ര’ എന്നറിയപ്പെടുന്നതുമായ, അതിരപ്പിള്ളി – വാഴച്ചാൽ വെള്ളച്ചാട്ടം ചാലക്കുടിപ്പുഴയിലാണ്.

ഷോളയാർ, പെരിങ്ങൽക്കുത്ത് ജലവൈദ്യുത പദ്ധതികൾക്കു പുറമെ, നിർദ്ദിഷ്ട അതിരപ്പിള്ളി, ആനക്കയം പദ്ധതികൾ ചാലക്കുടിപ്പുഴയിലാണ്.

ജൈവ വൈവിധ്യങ്ങളുടെ കാര്യത്തിൽ ഇന്ത്യയിൽ ഒന്നാമതാണ് ഇവൾ. വംശനാശം സംഭവിച്ചു കൊണ്ടിരിക്കുന്ന അപൂർവ്വയിനം ജീവികളും ,സസ്യങ്ങളും, മൽസ്യങ്ങളുമുള്ള പുഴ കേരളത്തിൽ മൽസ്യസമ്പത്തിലും മുന്നിൽ നിൽക്കുന്നു. ആനത്താരകളും, കാടുകളും തുരുത്തുകളുമെല്ലാമുള്ള അതിവിശിഷ്ടമായ ആവാസവ്യവസ്ഥ ഇന്നും നിലനിൽക്കുന്നത് ചാലക്കുടിപ്പുഴയുടെ തീരങ്ങളിലാണ്. ‘കാടർ’ എന്ന ആദിവാസി വിഭാഗത്തിന്റെ ജീവനോപാധി ഈ പുഴയാണ്

കേരളത്തിലെ കൈത്തറി വ്യവസായത്തിന്റെ കേന്ദ്രവും പാലിയത്തച്ചന്റെ നാടുമായ ചേന്ദമംഗലം, അഞ്ഞൂറു വർഷത്തോളം പഴക്കമുള്ള ജൂതപ്പള്ളി, സിൽവർസ്റ്റോം… ഡ്രീം വേൾഡ്, വാട്ടർ തീം പാർക്കുകൾ എന്നിവയും ചാലക്കുടിപ്പുഴത്തീരത്താണ്.

മറ്റേതു പുഴയേപ്പോലെയും, മാലിന്യത്തിൽ മുങ്ങി ഒഴുക്കു നിലച്ച പുഴയെ സംരക്ഷിക്കുവാനായി, ‘ചാലക്കുടിപ്പുഴ സംരക്ഷണ സമിതി ‘ അഹോരാത്രം പ്രവർത്തിക്കുന്നുണ്ട്.

ആലുവയിൽ വച്ച് രണ്ടായി പിരിയുന്ന പെരിയാറിന്റെ, ഒരു കൈ വഴിയായ ‘മംഗലം പുഴ’ യിൽ, ‘ ഇലന്തിക്കര’ വച്ച്
ചാലക്കുടിപ്പുഴ ചേരുകയും, പതിനഞ്ചു കിലോമീറ്ററോളം പെരിയാറുമായി കൈകോർത്ത് ഒഴുകി, അറബിക്കടലിൽ ലയിക്കുകയും ചെയ്യുന്നു.

ചാലക്കുടിപ്പുഴയിൽ വള്ളംകളി നടത്തുന്നതിന് നേതൃത്വം നൽകിയ ; അന്തരിച്ച നമ്മുടെ പ്രിയ നടൻ കലാഭവൻ മണിയുടെ സ്മരണകളുമായി അവൾ ഒഴുകിക്കൊണ്ടേയിരിക്കുന്നു …..പ്രിയ ചങ്ങാതിയുടെ ഈരടികളെ നെഞ്ചേറ്റിക്കൊണ്ട്…

ചാലക്കുടിച്ചന്തക്കു പോകുമ്പം
ചന്ദനച്ചോപ്പുള്ള…….

സുജ ഹരി (കടപ്പാട്)

COMMENTS

3 COMMENTS

  1. പുഴപോലൊഴുകുന്ന വായനാസുഖംനൽകിയ മനോഹരമായ എഴുത്ത് ആശംസകൾ സുജ🙏♥️♥️♥️💐💐💐🌹🌹🌹

  2. പുഴയൊഴുകുന്ന വഴിയേ വായനക്കാരെ കൈപിടിച്ച് നടത്താൻ കഴിഞ്ഞ തൂലികയ്ക്ക് അഭിനന്ദനങ്ങൾ ❤️🙏

    സ്നേഹപൂർവ്വം ദേവു

LEAVE A REPLY

Please enter your comment!
Please enter your name here

- Advertisment -

Most Popular

ഫോമ നഴ്‌സസ് ഫോറം ഉദ്ഘാടനം ചെയ്തു.

ഫോമാ  നഴ്‌സസ് ഫോറം ഔദ്യോഗികമായി പ്രവർത്തനമാരംഭിച്ചു.  “ഫ്ലോറൻസ് നൈറ്റിംഗേലിന്റെ യുഗം മുതൽ ഇന്നുവരെയുള്ള  ആതുര ശുശ്രൂഷ സേവനത്തിന്റെ ചരിത്രത്തെക്കുറിച്ചുള്ള ഒരു ലഘുചിത്ര വിവരണത്തോടെയാണ് പരിപാടി ആരംഭിച്ചത്: ഫോമാ നഴ്സസ് ഫോറത്തിന്റെ ദേശീയ ചെയർപേഴ്‌സൺ ഡോ....

സംസ്ഥാനത്ത് ഇന്ന് 13,270 പേര്‍ക്ക് കോവിഡ്-19 സ്ഥിരീകരിച്ചു.

സംസ്ഥാനത്ത് ഇന്ന് 13,270 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 1793, തിരുവനന്തപുരം 1678, മലപ്പുറം 1350, കൊല്ലം 1342, പാലക്കാട് 1255, തൃശൂര്‍ 1162, കോഴിക്കോട് 1054, ആലപ്പുഴ 859, കോട്ടയം 704, കണ്ണൂര്‍...

ദൈവവുമായി സുദൃഢമായ സൗഹൃദം സ്ഥാപിക്കുകയും, അത് റ്റുള്ളവരുമായി പങ്കുവയ്ക്കുകയും വേണം: മാര്‍ ജോസഫ് സ്രാമ്പിക്കല്‍

ടൊറന്റോ, കാനഡ: മിസ്സിസ്സാഗ സീറോ മലബാര്‍രൂപതയില്‍ വിശ്വാസപരിശീലനം പൂര്‍ത്തീകരിച്ച 93 യുവതീയുവാക്കളുടെ വെര്‍ച്വല്‍ ഗ്രാജുവേഷന്‍ പുതുമകള്‍കൊണ്ട് ശ്രദ്ധേയമായി. നമ്മുടെ ഹൃദയം ദൈവത്തിനു സമര്‍പ്പിക്കുന്നതാണ് വിശ്വാസം എന്നതിന്റെ വാച്യാര്‍ത്ഥം. എന്നാല്‍ ദൈവവു മായി സ്‌നേഹത്തില്‍...

ഇസ്രായേലിലേക്ക് പുതിയ അംബാസഡറെ പ്രഖ്യാപിച്ച് ജോ ബൈഡൻ

വാഷിംഗ്ടൺ: ഇസ്രായേലിലേക്ക് പുതിയ അംബാസഡറെ പ്രഖ്യാപിച്ച് ജോ ബൈഡൻ. ഇസ്രായേൽ അനുകൂല സംഘടനകളും പ്രമുഖ വ്യക്തികളും നൈഡസിന്റെ നിയമനത്തിനെ അഭിനന്ദിച്ചു. വാൾ സ്ട്രീറ്റിലെ പ്രമുഖ ബാങ്കറും മുൻ വിദേശകാര്യവകുപ്പ് ഉദ്യോഗസ്ഥനുമായിരുന്ന തോമസ് ആർ...
WP2Social Auto Publish Powered By : XYZScripts.com
Share via
Copy link
Powered by Social Snap