17.1 C
New York
Wednesday, June 29, 2022
Home Special ദേശീയ ശാസ്ത്ര ദിനവും രാമൻ പ്രഭാവവും (ലേഖനം)

ദേശീയ ശാസ്ത്ര ദിനവും രാമൻ പ്രഭാവവും (ലേഖനം)

സുമ റോസ്, ഇടുക്കി

  വിഖ്യാത ഭൗതിക ശാസ്ത്രജ്ഞൻ ഡോ.സി.വി രാമൻ 'രാമൻ പ്രഭാവം' എന്ന വിസ്മയാവഹമായ കണ്ടുപിടുത്തം ലോകത്തിന് സമർപ്പിച്ചത് 1928 ഫെബ്രുവരി 28ന് ആയിരുന്നു. അദ്ദേഹത്തോടുള്ള ആദരസൂചകമായി 1987 മുതൽ ഫെബ്രുവരി 28 ദേശീയ ശാസ്ത്ര ദിനമായി നാഷണൽ കൗൺസിൽ ഫോർ സയൻസ് ആൻഡ് ടെക്നോളജി കമ്മ്യൂണിക്കേഷൻ്റെ (NCSTC) ആഭിമുഖ്യത്തിൽ രാജ്യമൊട്ടാകെ ആഘോഷിക്കുന്നു. തമിഴ്നാട്ടിലെ തിരുച്ചിറപ്പള്ളിയിൽ  ചന്ദ്രശേഖര അയ്യർ -

പാർവതി അമ്മാളു ദമ്പതികളുടെ മകനായി 1888 നവംമ്പർ 7 നാണ് ചന്ദ്രശേഖര വെങ്കിട്ടരാമൻ ജനിച്ചത്.

     നമ്മുടെ രാജ്യത്തിൻ്റെ യശസ്സ് ആഗോളതലത്തിലുയർത്തിയ കണ്ടെത്തലായിരുന്നു രാമൻ പ്രഭാവം. ഒരു  കപ്പൽയാത്രയിൽ കടൽവെള്ളത്തിന് നീല നിറമുണ്ടായതെങ്ങനെ? എന്ന സി.വി രാമൻ്റെ സംശയമാണ് വർഷങ്ങൾ നീണ്ട പരീക്ഷണങ്ങളിലേയ്ക്കും മഹത്തായ ഈ കണ്ടെത്തലിലേയ്ക്കും അദ്ദേഹത്തെ നയിച്ചത്. സുതാര്യമായ ഒരു ദ്രാവകത്തിലൂടെ ഏക വർണപ്രകാശം കടത്തിവിട്ടാൽ പുറത്തു വരുന്ന പ്രകാശത്തിൻ്റെ തരംഗദൈർഘ്യം വ്യത്യസ്തമായിരിക്കുമെന്ന് സി.വി രാമൻ തെളിയിച്ചു. ഇതാണ് രാമൻ പ്രഭാവം എന്ന പേരിൽ അറിയപ്പെടുന്നത്. ഈ കണ്ടുപിടുത്തം 1930ൽ ഭൗതിക ശാസ്തത്തിലെ അത്യുന്നത ബഹുമതിയായ നോബൽ സമ്മാനത്തിന് അദ്ദേഹത്തെ അർഹനാക്കി. ഭൗതിക ശാസ്ത്രത്തിൽ  ഈ ബഹുമതി നേടുന്ന  ആദ്യ ഏഷ്യക്കാരനാണ് ഡോ.സി.വി രാമൻ.

     ഒരോ വർഷവും പ്രാമുഖ്യമുള്ള പ്രത്യേക വിഷയം കേന്ദ്രീകരിച്ചായിരിക്കും ദേശീയ ശാസ്ത്ര ദിന പരിപാടികൾ ആസൂത്രണം ചെയ്യപ്പെടുക. 2021 ലെ ദേശീയ ശാസ്ത്ര ദിനത്തിൻ്റെ വിഷയം "ഫ്യൂച്ചർ ഓഫ് സയൻസ് ടെക്നോളജി ആൻഡ്' ഇന്നൊവേഷൻ (STI): ഇംപാക്റ്റ്സ്  ഓൺ എജ്യൂക്കേഷൻ, സ്കിൽസ് ആൻഡ് വർക്ക് " എന്നതാണ്.

     മനുഷ്യൻ്റെ സാമൂഹ്യക്ഷേമത്തിനും നന്മക്കും ശാസ്ത്ര രംഗത്തെ പ്രവർത്തനങ്ങളും ശ്രമങ്ങളും നേട്ടങ്ങളും പൊതു സമൂഹത്തിന് പരിചയപ്പെടുത്തുക, നമ്മുടെ ദൈനംദിന ജീവിതത്തിൽ ശാസത്രത്തിൻ്റെ ആവശ്യകതയും പ്രായോഗികതയുമായി ബന്ധപ്പെട്ട സന്ദേശങ്ങൾ പ്രചരിപ്പിക്കുക, തുടങ്ങിയവ ശാസ്ത്ര ദിനാചരണം ലക്ഷ്യമിടുന്നുണ്ട്.

ഇതിൻ്റെ ഭാഗമായി സ്കൂൾ, കോളേജ്, ദേശീയ- സംസ്ഥാന ഗവേഷണ സ്ഥാപനങ്ങൾ എന്നിവങ്ങളിൽ സെമിനാർ, ശാസത്രപ്രദർശനം, ഡിബേറ്റ്, ക്വിസ് മത്സരം തുടങ്ങിയ വിവിധ പരിപാടികൾ നടത്തപ്പെടുന്നു

   രാജ്യത്തെ ഏറ്റവും പ്രധാനപ്പെട്ട ശാസ്ത്ര മേളയായാണ് ദേശീയ ശാസത്ര ദിനം ആചരിക്കുന്നത്.

ഓരോ ശാസ്ത്ര ദിനവും അനുബന്ധ പ്രവർത്തനങ്ങളും നമ്മുടെ രാജ്യത്തിൻ്റെ ശാസ്ത്ര മേഖലയെ കൂടുതൽ ഉയരങ്ങളിലേയ്ക്ക് നയിക്കട്ടെ.

സുമ റോസ്
ഇടുക്കി

Facebook Comments

COMMENTS

- Advertisment -

Most Popular

ജൂലൈ 1 മുതൽ പത്തനംതിട്ട നഗരത്തിൽ പ്ലാസ്റ്റിക് ക്യാരി ബാഗുകൾക്ക് നിരോധനം

'ജീവന്റെ തുടിപ്പ് നിലനിർത്താൻ ഒഴിവാക്കാം പ്ലാസ്റ്റിക് ഉൽപ്പനങ്ങൾ ' എന്നാ ക്യാമ്പയ്ന്റെ ഭാഗമായി പത്തനംതിട്ട നഗരത്തിൽ ജൂലൈ 1 മുതൽ പ്ലാസ്റ്റിക് ക്യാരി ബാഗുകൾ നിരോധിച്ചു. ഇത്തരം ഉൽപ്പന്നങ്ങൾ വില്പന നടത്തുന്നതും കൈവശം...

കാര്‍ഷിക മുന്നേറ്റത്തിന് നേതൃത്വം നല്‍കി പന്തളം തെക്കേക്കര പഞ്ചായത്ത്

പത്തനംതിട്ട    ജില്ലയില്‍ കാര്‍ഷിക മുന്നേറ്റത്തിന് നേതൃത്വം നല്‍കുന്ന പഞ്ചായത്താണ് പന്തളം തെക്കേക്കര. പഞ്ചായത്തിലെ കാര്‍ഷിക മുന്നേറ്റത്തെപ്പറ്റിയും വികസന, ക്ഷേമ പ്രവര്‍ത്തനങ്ങളെ കുറിച്ചും പന്തളം തെക്കേക്കര ഗ്രാമപഞ്ചായത്ത് പ്രസിഡന്റ് എസ്. രാജേന്ദ്രപ്രസാദ് സംസാരിക്കുന്നു. തരിശുപാടങ്ങള്‍...

പത്തനംതിട്ട ജില്ലയില്‍ കോവിഡ് കേസുകള്‍ കൂടുന്നു; വാക്സിനേഷന് വിമുഖത പാടില്ല

പത്തനംതിട്ട ജില്ലയില്‍ ഒരു ഇടവേളക്ക് ശേഷം കോവിഡ് കേസുകള്‍ കൂടി വരുന്ന സാഹചര്യത്തില്‍ ഇനിയും വാക്സിന്‍ എടുക്കാത്തവരും, കരുതല്‍ ഡോസ് വാക്സിന് അര്‍ഹരായവരും, വാക്സിന്‍ സ്വീകരിക്കണമെന്ന് ജില്ലാ മെഡിക്കല്‍ ആഫീസര്‍ (ആരോഗ്യം) ഡോ.എല്‍.അനിതകുമാരി...

ട്വിറ്ററിന് അന്ത്യശാസനം: ജൂലായ് നാലിനുള്ളില്‍ ഐടി ചട്ടങ്ങള്‍ പാലിച്ചില്ലെങ്കില്‍ പരിരക്ഷ നഷ്ടമാകും.

ഐടി ചട്ടങ്ങള്‍ പാലിക്കാന്‍ ട്വിറ്ററിന് കേന്ദ്ര സര്‍ക്കാര്‍ അന്ത്യശാസനം നല്‍കി. ജൂലൈ നാലിനുള്ളില്‍ ഐടി ചട്ടങ്ങള്‍ പാലിച്ചില്ലെങ്കില്‍ സാമൂഹിക മാധ്യമം എന്ന നിലയില്‍ ലഭിക്കുന്ന പരിരക്ഷ നഷ്ടമാകുമെന്ന് കേന്ദ്രസര്‍ക്കാര്‍ ട്വിറ്ററിന് മുന്നറിയിപ്പ് നല്‍കി. ഐടി...
Facebook Comments
WP2Social Auto Publish Powered By : XYZScripts.com
error: