17.1 C
New York
Sunday, June 4, 2023
Home Special “കാലികം” – ഒ വി വിജയൻ

“കാലികം” – ഒ വി വിജയൻ

തയ്യാറാക്കിയത്: ജിത ദേവൻ

മലയാളിയുടെ എക്കാലത്തെയും പ്രിയപ്പെട്ട എഴുത്തുകാരൻ ആണ് ശ്രീ ഒ വി വിജയൻ. അസാധാരണമായ സൗന്ദര്യം നിറഞ്ഞ, ഭാഷാശൈലി കൊണ്ട് അദ്ദേഹത്തിന്റെ കൃതികൾ എല്ലാം മുക്തകണ്ഠമായ പ്രശംസ ഏറ്റുവാങ്ങി ഈ ബഹുമുഖപ്രതിഭ.

നോവലിസ്റ്റ്, ചെറുകഥാകൃത്ത്, കാർട്ടൂണിസ്റ്, കോളമിസ്റ്, പത്രപ്രവർത്തകൻ, ദാർശനികൻ, ആക്ഷേപഹാസ്യകാരൻ, എന്നീ നിലകളിൽ എല്ലാം തന്റേതായഒരു സ്‌ഥാനം ഉറപ്പിച്ചു അദ്ദേഹം. മലയാളത്തിൽ ഇതുവരെ എഴുതപ്പെട്ട നോവലുകളിൽ ഏറ്റവും ശ്രേഷ്ഠമായ, ഏറ്റവും ജനപ്രീതിയുള്ള നോവലുകളിൽ ഒന്നായ “ഖസാക്കിന്റെ ഇതിഹാസം,” മലയാളത്തിലെ ഏറ്റവും മികച്ച ചെറുകഥകളിൽ ഒന്നായ “കടൽത്തീരം” ഇവയൊക്കെ ശ്രീ ഒ വി വിജയന്റെ അതുല്യ സാഹിത്യ സൃഷ്ടികൾ ആണ്.

മലബാർ സ്പെഷ്യൽ പോലീസിൽ ഉദ്യോഗസ്ഥൻ ആയിരുന്ന ശ്രീ വേലുക്കുട്ടിയുടെയും കമലാക്ഷിയമ്മയുടെയും മകനായി 1931 ൽ പാലക്കാട്ടു ജില്ലയിലെ വിളയൻ ചത്തനൂരിൽ ഒ വി വിജയൻ ( ഓട്ടുപുലാക്കൽ വേലുക്കുട്ടി വിജയൻ ) ജനിച്ചു. പ്രശസ്ത കവയിത്രി ഒ വി ഉഷ യും ഒ വി ശാന്തയും സഹോദരിമാർ. നന്നേ ചെറുപ്പത്തിൽ തന്നെ ചിത്രങ്ങൾ വരക്കുമായിരുന്നു. പാലക്കാട് വിക്ടോറിയ കോളേജ്, മദ്രാസ് പ്രസിഡൻസി കോളേജ് എന്നിവിടങ്ങളിൽ ആയിരുന്നു ഉന്നത വിദ്യാഭ്യാസം.

കോളേജ് അദ്ധ്യാപകൻ ആയി ജോലി നോക്കിയെങ്കിലും ആ ജോലി ഉപേക്ഷിച്ചു. സഹോദരി ഒ വി ശാന്ത അധ്യാപികയായി ജോലി ചെയ്തിരുന്ന തസ്രാക്ക്‌ എന്ന ഗ്രാമത്തിൽ എത്തി. തസ്രക്കിലെ ജീവിതമാണ് ഖസാക്കിന്റെ ഇതിഹാസം എന്ന നോവലിൽ അനാവരണം ചെയ്യപ്പെടുന്നത്.

1958 ൽ ഖസാക്കിന്റെ ഇതിഹാസം എഴുതി തുടങ്ങി.1969 ൽ പുറത്തിറങ്ങിയ മലയാളത്തിലെ ഏറ്റവും ജനപ്രീതിയുള്ള നോവൽ ആയി “ഖസാക്കിന്റെ ഇതിഹാസം “. അര നൂറ്റാണ്ടിനിടയിൽ ഈ നോവലിന്റെ 75 പതിപ്പുകൾ ഇറങ്ങി. അതിന് ശേഷവും അദ്ദേഹം എഴുതിയ ഓരോ നോവലും കഥകളും മലയാളിയുടെ ചിന്താശേഷിയെ പിടിച്ചുലക്കുന്നതായിരുന്നു. ദാർശനിക ഗാഭീര്യം നിറഞ്ഞ ഓരോ കൃതികളും മലയാള സാഹിത്യത്തിന്റെ അമൂല്യ മുതൽകൂട്ടുകൾ ആയി.

കാർട്ടൂണിസ്റ് ശങ്കരിന്റെ ക്ഷണം അനുസരിച്ചു 1958 ൽ ഡൽഹിയിൽ എത്തിയ അദ്ദേഹം ശങ്കേഴ്സ് വീക്കിലിയിൽ ചേർന്നു. കാർട്ടൂണിസ്റ്, പത്രപ്രവർത്തകൻ, രാഷ്ട്രീയ നിരീക്ഷകൻ, എന്നീ നിലകളിൽ അദ്ദേഹം പ്രവർത്തിച്ചു. ഇക്കാലത്താണ് രാഷ്‌ടീയ ദർശനങ്ങളും, ചിന്തയും, നിരീക്ഷണവും നിറഞ്ഞുനിന്ന അദ്ദേഹത്തിന്റെ ലേഖനങ്ങളും, കാർട്ടൂണുകളും ലോക പ്രശസ്തമായി.

പ്രധാന കൃതികൾ

നോവലുകൾ

ഖസാക്കിന്റെ ഇതിഹാസം (1969),
ധർമ്മപുരണം (1987 )
ഗുരുസാഗരം (1987)
മധുരം ഗായത്രി (1990)
പ്രവചനകന്റെ വഴി (1992)
തലമുറകൾ (1997

ചെറുകഥകൾ

കടൽത്തീരത്ത്, കാറ്റ് പറഞ്ഞ കഥ, പാറകൾ, പൂതപ്രബന്ധം , അശാന്തി അരിമ്പാറ, ഒരു നീണ്ട രാത്രിയുടെ ഓർമ്മക്ക്.

ഒ വി വിജയന്റെ പ്രശസ്തമായ കാർട്ടൂൺ പരമ്പര “ഇത്തിരി നേരംപോക്ക് ഇത്തിരി ദർശനം ” കലാകൗമുദി വാരികയിൽ വന്നിരുന്നു. അവഎല്ലാം സമാഹരിച്ചു ഒരു പുസ്തകം ആക്കി.

പുരസ്‌കാരങ്ങൾ

എഴുത്തച്ഛൻ പുരസ്‌കാരം (2001 )
പദ്മശ്രീ പുരസ്‌കാരം ( 2001)
പദ്മഭൂഷൻ (2003)
ഓടക്കുഴൽ പുരസ്‌കാരം (1970)
മുട്ടത്ത് വർക്കിപുരസ്ക്കാരം 1992)
കേന്ദ്രസാഹിത്യ അക്കാദമി അവാർഡ് (1990 )
കേരളസാഹിത്യ അക്കാദമി അവാർഡ് (1991)
മാതൃഭൂമി സാഹിത്യ പുരസ്‌കാരം.

ജീവിതത്തിന്റെ സിംഹഭാഗവും കേരളത്തിന് പുറത്താണ് അദ്ദേഹം ജീവിച്ചത് കൂടുതലും ഡൽഹിയിൽ. പിന്നെ അദ്ദേഹത്തിന്റെ ഭാര്യയുടെ വീട് അയ ഹൈദരാബാദിലേക്ക് പോകുകയും അവിടെ വച്ച് മരണപ്പെടുകയും ചെയ്തു.2005 മാർച്ച്‌ 30ന് മരണപ്പെട്ട അദ്ദേഹത്തിന്റെ ശവസംസ്കാരം ഭാരതപ്പുഴയുടെ തീരത്ത് ഐവർമഠത്തിൽ സംസ്ഥാന ബഹുമതികളോടെ നടത്തി.
കേരളത്തിന്റെ പ്രിയ സാഹിത്യകാരന് പ്രണാമം !!

ജിത ദേവൻ

FACEBOOK - COMMENTS

WEBSITE - COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പുതിയ അധ്യയന വർഷം കൂടുതൽ പ്രൈമറി സ്കൂളുകളെ ആധുനികവൽക്കരിക്കും: മന്ത്രി വി. ശിവൻകുട്ടി.

തിരുവനന്തപുരം : പ്രീ പ്രൈമറി, പ്രൈമറി മേഖലകളെ കൂടുതൽ ആധുനിക വൽക്കരിക്കുന്നതിനാണ് പൊതുവിദ്യാഭ്യാസ വകുപ്പ് പുതിയ അക്കാദമിക വർഷം ലക്ഷ്യമിടുന്നതെന്ന് മന്ത്രി വി ശിവൻ കുട്ടി പറഞ്ഞു. പൊതുവിദ്യാഭ്യാസ വകുപ്പ് സമഗ്ര ശിക്ഷാ കേരളം...

ഒഡീഷ ട്രെയിൻ അപകടം: രക്ഷാ പ്രവർത്തനം അവസാനിച്ചു ,”കവച് സിസ്റ്റം”ഇല്ലാത്തത് അപകടകാരണമെന്ന് പ്രാഥമിക നിഗമനം.

ഭൂബനേശ്വര്‍: ഒഡീഷയിലെ ബാലസോറില്‍ നടന്ന ട്രെയിന്‍ അപകടത്തില്‍ രക്ഷാപ്രവര്‍ത്തനം അവസാനിച്ചതായി റെയില്‍വെ. ഗതാഗതം പുനസ്ഥാപിക്കാനുള്ള നടപടികള്‍ ആരംഭിച്ചതായി ഇന്ത്യന്‍ റെയില്‍വെ വക്താവ് അമിതാഭ് ശര്‍മ അറിയിച്ചു. അപകടത്തില്‍ റെയില്‍വെ അന്വേഷണം പ്രഖ്യാപിച്ചു. സൗത്ത് ഈസ്റ്റേണ്‍...

ജോലിയിൽ പ്രവേശിച്ച് രണ്ടാം ദിവസം മുതൽ കൈക്കൂലി വാങ്ങി തുടങ്ങി, ആദ്യം ലഭിച്ചത് 500 രൂപ.

പാലക്കയം: ജോലിയിൽ പ്രവേശിച്ച് രണ്ടാം ദിവസം മുതൽ കൈക്കൂലി വാങ്ങി തുടങ്ങിയതായി പാലക്കയം വില്ലേജ് അസിസ്റ്റന്‍റ് സുരേഷ് കുമാറിന്‍റെ മൊഴി. 2001 ൽ അട്ടപ്പാടി പാടവയൽ വില്ലേജ് ഓഫീസിൽ ജോലിയ്ക്ക് കയറി രണ്ടാം...

നെടുമങ്ങാട് ടൗൺ മാർക്കറ്റിൽ 1850 കിലോ പഴകിയ മത്സ്യം പിടികൂടി.

നെടുമങ്ങാട്: തിരുവനന്തപുരം നെടുമങ്ങാട് ടൗൺ മാർക്കറ്റിൽ പഴകിയ മത്സ്യം പിടികൂടി. ഇന്നലെ രാത്രി നെടുമങ്ങാട് നഗരസഭ ആരോഗ്യ സ്ക്വാഡും ഭക്ഷ്യ സുരക്ഷാ അതോറിറ്റിയും ചേർന്ന് നടത്തിയ പരിശോധനയിലാണ് 1850 കിലോ മത്സ്യം പിടികൂടിയത്....
WP2Social Auto Publish Powered By : XYZScripts.com
error: