17.1 C
New York
Wednesday, September 22, 2021
Home Special കല്ലടയാറ് - (നദികൾ സ്നേഹപ്രവാഹങ്ങൾ)

കല്ലടയാറ് – (നദികൾ സ്നേഹപ്രവാഹങ്ങൾ)

സുജ ഹരി✍

“കൊല്ലം കണ്ടവനില്ലം വേണ്ടെ”ന്നൊരു ചൊല്ലുണ്ട്. ഗുണത്തിനായാലും ദോഷത്തിനായാലും ഇത്തരത്തിൽ ഏതെങ്കിലുമൊരു പഴമൊഴി പക്ഷെ; കൊല്ലത്തിന്റെ പ്രിയ നദിയായ കല്ലടയാറിനെക്കുറിച്ച് നമ്മളാരും കേട്ടിട്ടില്ല.

പൊന്മുടിക്കടുത്തുള്ള മടത്തറ മലകളിലാണ് കല്ലടയാറിന്റെ പ്രഭവസ്ഥാനം.  പത്തനാപുരം, കുന്നത്തൂർ, കൊട്ടാരക്കര, കൊല്ലം താലൂക്കുകളിലൂടെ ഒഴുകി അഷ്ടമുടിക്കായലിൽ ചേരുന്ന നദിയ്ക്ക് 121 കിലോമീറ്റർ നീളമുണ്ട്.
പുനലൂരാർ എന്നും ഇതിന് പേരുണ്ട്

കൊല്ലംജില്ലയ്ക്ക് ജീവജലം നൽകുന്ന ഈ നദിയുടെ, പോഷക നദികൾ, കുളത്തൂപ്പുഴ,  ചെറുതോണിപ്പുഴ, കൽത്തുരുത്തിപ്പുഴ 
എന്നിവയാണ്.

നിരവധി ആരാധനാലയങ്ങളും, മറ്റനേകം പ്രമുഖ സ്ഥാപനങ്ങളും കല്ലടയാറിന്റെ തീരത്തുണ്ട്.

കൊല്ലം ജില്ലയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ പാലരുവിവെള്ളച്ചാട്ടം ഈ നദിയിലാണ് ഏതാണ്ട് 91 മീറ്റർ ഉയരമുള്ള ഈ വെള്ളച്ചാട്ടം വലുപ്പം കൊണ്ട് ഇന്ത്യയിലെ നാല്പതാമത്തെ വലിയ വെള്ളച്ചാട്ടമാണു്.  സഹ്യപർ‌വ്വതനിരകളിൽപ്പെട്ട രാജക്കൂപ്പ് മലകളിൽ നിന്ന് മുന്നൂറടി താഴ്ചയിലേക്ക് പാൽപോലെ പതിക്കുന്നതിനാലാണ് പാലരുവിയ്ക്ക് ഈ പേര് ലഭിച്ചത്.

ഇതിലെ വെള്ളത്തിന് പല വിധ ഔഷധഗുണങ്ങൾ ഉള്ളതായി പ്രദേശവാസികൾ കരുതുന്നു.

കൊല്ലം ജില്ലയിലെ മലയോര പട്ടണമായ  പുനലൂരിൽ, കല്ലടയാറിന്റെ  ഇരുകരകളെയും ബന്ധിപ്പിക്കുന്ന തൂക്കുപാലമാണ് പുനലൂർ തൂക്കുപാലം. തിരുവിതാംകൂർ രാജാവായിരുന്ന  ആയില്യം തിരുനാളിന്റെ  കാലത്ത് 1877 ൽ ആൽബർട്ട് ഹെൻറി എന്ന എഞ്ചിനീയറുടെ രൂപകൽപ്പനയിൽ നിർമ്മിക്കപ്പെട്ട; 120 മീറ്റർ നീളമുള്ള ഈ തൂക്കുപാലം തെക്കേ ഇന്ത്യയിൽ അക്കാലത്തെ അത്തരത്തിലെ ആദ്യ സംരംഭമായിരുന്നു.

കല്ലട ജലസേചന പദ്ധതിയുടെ ഭാഗമായുള്ളതും, കേരളത്തിലെ രണ്ടാമത്തെ വലിയ ജലസേചന അണക്കെട്ടുമായ തെന്മല അണക്കെട്ട് കല്ലടയാറ്റിലാണ്. കേരളത്തിലെ ആദ്യ ഇക്കോ ടൂറിസം കേന്ദ്രമെന്ന ഖ്യാതി; വിനോദസഞ്ചാര ഭൂപടത്തിൽ, സുപ്രധാനവും സവിശേഷവുമായ സ്ഥാനം തെൻമലയ്ക്ക് നേടിക്കൊടുത്തിട്ടുണ്ട്

തെന്മല ഇക്കോടൂറിസത്തിന്റെ കവാടം എന്നറിയപ്പെടുന്ന പ്രദേശമാണ് 
ഒറ്റയ്ക്കൽ ഔട്ട് ലുക്ക്. കല്ലടയാറ്റിൽ ഉണ്ടാക്കിയ ബണ്ട് മൂലം ഇവിടെ ഒരു ചെറിയ തടാകം രൂപപ്പെട്ടിട്ടുണ്ട്. വർണ്ണനാതീതമായ പ്രകൃതിഭംഗിയും അതു കാണാനുള്ള നിരീക്ഷണ ഗോപുരവും ഇവിടുത്തെ പ്രത്യേകതയാണ്

പ്രസിദ്ധമായ കല്ലട ജലോൽസവം, കല്ലടയാറിലെ മുതിരപ്പറമ്പ്-കറുവത്രക്കട് മേഖലയിലാണ് നടക്കുന്നത്.

വെള്ളച്ചാട്ടങ്ങളും, ടൂറിസം കേന്ദ്രങ്ങളും, അണക്കെട്ടുകളും അലുക്കുകൾ ചാർത്തുന്ന ഈ സുന്ദരി, കൊല്ലം നിവാസികൾക്ക് കുളിരേകി കുണുങ്ങിയൊഴുകിക്കൊണ്ടേയിരിക്കുന്നു.

സുജഹരി✍ (കടപ്പാട്)

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ആലുവയിലെ ഡ്രൈ ഫ്രൂട്ട്സ് ആൻറ് സ്പൈസസ് സ്ഥാപനത്തിൽ; 70 ലക്ഷം രൂപയുടെ സാധങ്ങൾ മോഷ്ടിച്ചു വിറ്റ കേസിൽ ഒരാൾകൂടി അറസ്റ്റിൽ.

ആലുവയിലെ ഡ്രൈ ഫ്രൂ ആട്ട്സ് ആൻറ് സ്പൈസസ് സ്ഥാപനത്തിൽ നിന്ന് പലപ്പോഴായി ഏകദേശം 70 ലക്ഷം രൂപയുടെ സാധങ്ങൾ മോഷ്ടിച്ചു വിറ്റ കേസിൽ ഒരാൾകൂടി അറസ്റ്റിൽ. കളമശ്ശേരി എച്ച് എംടി കോളനിയിലെ ഇബ്രാഹിംകുട്ടിയെയാണ്...

നാർക്കോട്ടിക്ക് ജിഹാദ് വിഷയത്തിൽ പാലാ ബിഷപ്പിന് പിന്തുണ; സിറോ മലബാർ സഭ

പാലാ ബിഷപ്പിനെ ഒറ്റപ്പെടുത്തി ആക്രമിക്കാൻ ബോധപൂർവ്വമായ ശ്രമങ്ങൾ നടക്കുന്നു. ഇത്തരം ശ്രമങ്ങളിൽ നിന്നു ബന്ധപ്പെട്ടവ൪ പിന്മാറണ൦. ബിഷപ്പ് പറഞ്ഞതിന്റെ ഉദ്ദേശശുദ്ധി വ്യക്തമായിട്ടു൦ നടപടി സ്വീകരിക്കണമെന്ന മുറവിളി ആസൂത്രിതം. കുറ്റപ്പെടുത്താനുള്ള നീക്കങ്ങൾ തുടർന്നാൽ ബിഷപ്പിനൊപ്പം ഒറ്റക്കെട്ടായി...

പന്തളം കുരമ്പാലയിൽ സ്‌കൂട്ടര്‍ മിനിലോറിയ്ക്കു പിന്നിലിടിച്ചു യുവതി മരിച്ചു

പൂഴിക്കാട് വടക്കേ കൊല്ലംപറമ്പില്‍ ബിനു ബാലകൃഷ്ണന്റെ ഭാര്യ ദിവ്യ (ദുഷാന്തി-26) ആണു മരിച്ചത്. ഭര്‍തൃമാതാവ് രാധാകുമാരി (58 യെ സാരമായ പരുക്കുകളോടെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. ഇന്ന് വൈകിട്ട് അഞ്ചേകാലോടെ എംസി റോഡില്‍...

ചിരിച്ചുകൊണ്ട് ജീവിക്കാം (ലേഖനം)ശ്രീകുമാർ പെരിങ്ങാല

മനുഷ്യരായി പിറന്ന നമ്മൾക്ക് പലപ്പോഴും പലതിനോടും പരിഭവങ്ങളും പരാതികളുമാണ്. സൗകര്യങ്ങൾ പോരാ, പണം പോരാ, വസ്ത്രങ്ങൾ പോരാ, ഭക്ഷണം പോരാ അങ്ങനെയങ്ങനെ നീളുന്നു പരാതിപ്പട്ടിക. കൂടുതൽ സുഖ സൗകര്യങ്ങൾ ആഗ്രഹിക്കുന്നു, മറ്റുള്ളവരുടെ ജീവിതം...
WP2Social Auto Publish Powered By : XYZScripts.com
error: