17.1 C
New York
Sunday, June 26, 2022
Home Special ഓർമ്മകൾക്കു എന്ത് സുഗന്ധം - (ഭാഗം 6)

ഓർമ്മകൾക്കു എന്ത് സുഗന്ധം – (ഭാഗം 6)

തയ്യാറാക്കിയത്: സൈമ ശങ്കർ

പാള

കവുങ്ങിന്റെ പാള ഓർമ്മ ഉണ്ടോ? പണ്ട് കാലത്തു അടയ്ക്കാ (പാക്ക് ) മരത്തിലെ പാള നിത്യജീവിതത്തിൽ ആവശ്യമായ അനേകം വസ്തുക്കൾ ഉണ്ടാക്കാൻ പൂർവ്വികർ ഉപയോഗി ച്ചിരുന്നു.കൃഷിക്കാർ തൊപ്പി ആയി ഉപയോഗിച്ചിരുന്നു. ഒരു പ്രത്യേകരീതിയിൽ പാള നാരു കൊണ്ട് തന്നെ തുന്നി കെട്ടിയ തൊപ്പി അണിഞ്ഞു വയൽ വരമ്പിൽ നിൽക്കുന്ന കൃഷിക്കാരുടെ ഓർമ്മ ഇന്നും മലയാളികളുടെ മനസ്സിൽ ഗൃഹാതുരത്വ മുണർത്തും.
പാള ശുചിത്വ മുള്ള തും, ഭാരം കുറഞ്ഞതും,ദുർഗന്ധ മില്ലാത്തതും, വിഷം ഇല്ലാത്തതുമാണ്.

കിണറ്റിൽ നിന്നും വെള്ളം കോരൻ ഈ പാള പാത്രം രൂപത്തിൽ ആക്കി ഉപയോഗിച്ചിരുന്നു.പാള പാത്രത്തിൽ കോരി എടുക്കുന്ന വെള്ളം കൂടുതൽ പരിശുദ്ധ മാണെന്ന് വിശ്വസിക്കുന്നു.

കിണറ്റിലും കുളത്തിലും പുതുവെള്ളം ഊറ്റായി ഉറവയിൽ എത്തുമ്പോൾ ഒരു നിശ്ചിത കാലയളവിൽ പാള യും അതിന്റെ ഓലയും ചേർത്ത് കിണറ്റിലും, കുളത്തിലും കെട്ടി ഇടുന്ന പതിവ് ഉണ്ടായിരുന്നു. ശുചീകരണം ആയിരിക്കാം പഴമക്കാർ അതുകൊണ്ട് ഉദ്ദേശിച്ചത്.

പാള കുഞ്ഞുങ്ങളെ കുളിപ്പിക്കാൻ ഉപയോഗിച്ചിരുന്നു.നവജാത ശിശുക്കളുടെ നല്ലൊരു ബാത്ത്ടബ് ആയിരുന്നു. ഫ്രിഡ്ജ് ഒക്കെ വരും മുൻപ് മാംസം ഒക്കെയും പാളയിൽ കെട്ടി തൂക്കി നാലഞ്ച് ദിവസം കേടു കൂടാതെ സൂക്ഷിച്ചിരുന്നു.
പാള മുറിച്ചു വിശറി ആയി ഉപയോഗിച്ചിരുന്നു. വൈദ്യുതി വരും മുന്നേ വീടുകളി ലെ ഫാൻ ഈ പാള തന്നെ ആയിരുന്നു.

കുട്ടികൾ പാളയിൽ ഇരുത്തി വലിച്ചു കൊണ്ട് പോകുന്ന ഒരു കളി പണ്ട് കാലത്തു ഉണ്ടായിരുന്നു.പാള വണ്ടി എന്ന് പേരിട്ടു വിളിക്കുന്ന വണ്ടി വലിച്ചു വലിച്ചു പാളയും കീറി നിക്കറും കീറി അടിവാങ്ങിയ ഓർമ്മ ഉള്ളവരും ഇത് വായിക്കുന്നവരിൽ കാണും.ആ കളി ഗ്രാമത്തിലെ മുഖ്യ വിനോദം ആയിരുന്നു.
പാളയുടെ പരംമ്പരാഗത ഉപയോഗം പലതും ഇപ്പൊ കുറഞ്ഞു എങ്കിലും കുത്തുപാള എടുക്കുക എന്ന ശൈലിപ്രയോഗം ഇപ്പോഴും നിലനിൽക്കുന്നു. കുത്തുപാള എന്നാൽ ഭിക്ഷ പാത്രം എന്ന് അർത്ഥം ഉണ്ട്.

പ്ലാസ്റ്റിക്‌ ഉൽപന്നങ്ങൾ നിരോധിച്ചു കൊണ്ടിരിക്കുന്ന സാഹചര്യത്തിൽ പാള കൊണ്ടു ഡിസ്പോസിബിൾ പ്ളേറ്റുകൾ, കരണ്ടികൾ, തുടങ്ങിയവ വ്യവസായിക അടിസ്ഥാനത്തിൽ ഉണ്ടാക്കാൻ തുടങ്ങിയി ട്ടുണ്ട്. കരകൗശല വസ്തുക്കൾ ഉണ്ടാക്കാനും ഉപയോഗിച്ച് വരുന്നു.

Facebook Comments

COMMENTS

- Advertisment -

Most Popular

പ്ലസ് വണ്‍ പ്രവേശനം: എല്ലാ വിദ്യാര്‍ത്ഥികൾക്കും ജാതി സര്‍ട്ടിഫിക്കറ്റ് വേണ്ടെന്ന് വിദ്യാഭ്യാസവകുപ്പ് ഡയറക്ടര്‍.

പ്ലസ് വണ്‍ പ്രവേശനത്തിന് പ്രത്യേക ജാതി സര്‍ട്ടിഫിക്കറ്റ് എല്ലാ വിദ്യാര്‍ത്ഥികൾക്കും ആവശ്യമില്ലെന്ന് പൊതുവിഭ്യാഭ്യാസവകുപ്പ് ഡയറക്ടര്‍ അറിയിച്ചു. എസ്എസ്എൽസി പാസ്സായ വിദ്യാര്‍ത്ഥികൾ കൂട്ടത്തോടെ ജാതി സര്‍ട്ടിഫിക്കറ്റ് അപേക്ഷയുമായി വില്ലേജ് ഓഫീസുകളെ സമീപിക്കുന്ന സാഹചര്യത്തിലാണ് പൊതുവിദ്യാഭ്യാസ...

കൊല്ലത്ത് 10,750 കിലോ പഴകിയ മത്സ്യം പിടിച്ചെടുത്തു.

കൊല്ലം ആര്യങ്കാവിൽ നിന്ന് വൻതോതിൽ പഴകിയ മത്സ്യങ്ങൾ പിടികൂടി. ഇന്നലെ രാത്രി നടത്തിയ പരിശോധനയിലാണ് 10,750 കിലോ മത്സ്യം പിടിച്ചെടുത്തത്. ഭക്ഷ്യസുരക്ഷാ വകുപ്പിന്റെ നേതൃത്വത്തിലാണ് മിന്നൽ പരിശോധന നടന്നത്. ഇന്നലെ അർദ്ധരാത്രിയായിരുന്നു ഭക്ഷ്യസുരക്ഷാ വകുപ്പിന്റെ...

‘ദുരിതമനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ’.

ഭക്ഷ്യക്ഷാമവും ഭൂകമ്പത്തിന്റെ കെടുതികളും അനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ. പാകിസ്താൻ വഴി കടൽമാർഗം 3000 മെട്രിക് ടൺ ഗോതമ്പാണ് ശനിയാഴ്ച ഇന്ത്യ അഫ്ഗാനിസ്ഥാനിലേക്ക് അയച്ചത്. അഫ്ഗാൻ ഭൂചലനത്തിന്റെ പശ്ചാത്തലത്തിൽ എല്ലാ വിധ...

വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി.

തിരുവനന്തപുരം: വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. വെഞ്ഞാറമൂട് മേലാറ്റ്മൂഴി സ്വദേശികളായ ശശിധരൻ (65), ഭാര്യ സുജാത (60) എന്നിവരെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. അയൽവാസികൾ ആണ് മൃതദേഹം കണ്ടെത്തിയത്....
Facebook Comments
WP2Social Auto Publish Powered By : XYZScripts.com
error: