17.1 C
New York
Tuesday, May 30, 2023
Home Special ഒരു എൻജിനിയറുടെ സർവീസുത്സവം – 21&22.

ഒരു എൻജിനിയറുടെ സർവീസുത്സവം – 21&22.

ജോണി തെക്കേത്തല, ഇരിങ്ങാലക്കുട.

  1. ഡാം പണി തുടങ്ങുന്നു:-

മണ്ണുഡാം മാത്രമെ ആനയിറങ്കലിൽ പണിയാൻ കഴിയൂ എന്നുറപ്പായി. അപ്പോൾ പ്രാരംഭ പണികൾ തുടങ്ങി. ചില മണ്ണുമാന്തിയന്ത്രങ്ങൾ വാങ്ങി. അവ ഓടിക്കാൻ ആളുകൾക്കു പരിശീലനം കൊടുത്തു. പുഴയുടെ ഒരു ഭാഗത്ത് ഒരു കാന നിർമ്മിച്ചു.പുഴയിലെ ഒഴുക്ക് അതിലെയാക്കി. പുഴഭാഗത്തെ ചെളിനീക്കാൻ ആരംഭിച്ചു.

  1. ഗ്രോ മോർ ഫുഡ് (GMF) സ്കീം :-

കേരളം പണ്ടുണ്ടായിരുന്നതിന്റെ തലയും വാലും പോയി തലപ്പാടി മുതൽ കളിയ്‌ക്കാവിളവരെയല്ലേ ഉള്ളൂ. അതുതന്നെ ലഭിച്ചത് സ്റ്റേറ്റ്സ് റീ ഓർഗനൈസേഷൻ കമ്മീഷന്റെ (states re-organization commission) ഔദാര്യം കൊണ്ടാണ്. കാരണം ദേവികുളം-പീരുമേട് താലൂക്കുകളിലെ തമിഴരുടെ എണ്ണം അന്ന് മലയാളികളുടെ എണ്ണത്തേക്കാൾ കൂടുതൽ ആയിരുന്നു. ഈ കമ്മീഷനിലെ ഒരു അംഗം സർദാർ കെ.എം. പണിക്കർ എന്ന മലയാളി. അദ്ദേഹത്തിൻറെ ഉറ്റ ബന്ധുവാണ് തിരുവിതാംകൂർ-കൊച്ചി സംസ്ഥാനത്തെ പ്രമുഖ രാഷ്ട്രീയക്കാരനായ എം. എൻ. ഗോവിന്ദൻ നായർ. അവർ തമ്മിലുള്ള കൂടിക്കാഴ്ചക്ക് ശേഷമാണ് ഈ തീരുമാനമെടുത്തത്.

മലയാളികളുടെ എണ്ണം കൂട്ടാനായി തിരുവിതാംകൂർ-കൊച്ചി ഭരണാധികാരികൾ അവിടത്തെ വനം മുഴുവൻ മലയാളികൾക്ക് കൃഷിക്കായി തുറന്നുകൊടുത്തു. ജിഎംഎഫ് (GMF) എന്നായിരുന്നു ആ സ്കീമിന്റെ പേര്. വനത്തിനിടയിൽ പ്ലാവ്, മാവ് തുടങ്ങീ നാട്ടിൽ വളരുന്ന മരങ്ങൾ നടാൻ പാടില്ല എന്നായിരുന്നു അന്നത്തെ നിയമം. അതിന് നേരെ അധികാരികൾ കണ്ണടച്ചു.പാല, ഭരണങ്ങാനം ഭാഗങ്ങളിൽനിന്ന് അന്ന് മലബാറിലേക്ക് ആണ് ആൾക്കാർ ചേക്കേറിയിരുന്നത്. അവർ കൂട്ടത്തോടെ ദേവികുളം- പീരുമേട് താലൂക്കുകളിലേക്ക് വച്ചുപിടിച്ചു. അതൊരു ഒഴുക്കായിരുന്നു;

മലവെള്ളപ്പാച്ചിൽ പോലെ. സർക്കാർ അനുവദിച്ചത് ഏത്, അല്ലാത്തത് ഏത് എന്നൊന്നും നോക്കിയില്ല. കാണുന്നതൊക്കെ കയ്യേറി. മരം വെട്ടുന്നതിന് വനപാലകർ തടസ്സം നിന്നു. പക്ഷേ അവരുടെ കൈവശവും മരങ്ങളുടെ കൃത്യമായ കണക്ക് ഉണ്ടായിരുന്നില്ല. മരം വെട്ടുന്നതിനെ തടസ്സം ഉള്ളൂ. നാട്ടുകാർ മരത്തിന് ചുറ്റും തീയിട്ടു അതിനെ മറിച്ച് വീഴ്ത്തി. അന്ന് മരത്തിന് വലിയ വിലയുള്ള കാലമല്ല. ഇലക്ട്രിസിറ്റി ബോർഡിൽ ജോലിചെയ്യുന്നവരും പിന്തിരിഞ്ഞു നിന്നില്ല. അവർക്ക് വേണ്ട സ്ഥലങ്ങളിൽ അവരും വനഭൂമി കയ്യേറി. ആനയിറങ്കൽ ഡാമിൻറെ അടുത്തുള്ള ഒരു സ്ഥലത്ത് തൊഴിലാളികൾക്കുള്ള കെട്ടിടങ്ങൾ പണിതു. ഏതാണ്ട് രണ്ട് കിലോമീറ്ററിനകത്തുള്ള മൊട്ടക്കുന്ന് സ്റ്റാഫിന് എന്ന് സ്വയം നിശ്ചയിച്ചു അവിടെയും പണി തുടങ്ങി.

FACEBOOK - COMMENTS

WEBSITE - COMMENTS

LEAVE A REPLY

Please enter your comment!
Please enter your name here

- Advertisment -

Most Popular

👬👫കുട്ടീസ് കോർണർ 👬👫 (അഞ്ചാം വാരം)

ഹായ് കുട്ടീസ്.. ഇന്ന് നമുക്ക് ജൂൺ മാസത്തെ ആദ്യ രണ്ടാഴ്ചത്തെ (A)ദിന വിശേഷങ്ങളും(B)കുറച്ചു പഴഞ്ചൊല്ല്കളും അതിന്റെ വ്യാഖ്യാനങ്ങളും (C)ഒരു പൊതു അറിവും പിന്നെ (D) ഒരു സ്റ്റാമ്പിന്റെ കഥ കൂടി അറിയാം. എന്ന് സ്വന്തം ശങ്കരിയാന്റി. 👫A) ദിനവിശേഷങ്ങൾ(4) ജൂൺ...

*കൗതുക വാർത്തകൾ* ✍റാണി ആന്റണി മഞ്ഞില

🌻ബർമുഡ ട്രയാംഗിൾ'🌻 കപ്പലുകളെയും വിമാനങ്ങളെയും ഒരു തെളിവുപോലും അവശേഷിപ്പിക്കാതെ വിഴുങ്ങുന്നയിടം, പ്രേതക്കപ്പലുകൾ നിശ്ശബ്ദം സഞ്ചരിച്ചുകൊണ്ടിരിക്കുന്നയിടം, റേഡിയോകൾ നിശ്ചലമാകുന്ന, വടക്കുനോക്കിയന്ത്രങ്ങൾ ഭ്രാന്തമായി വട്ടംകറങ്ങുന്ന, ഇലക്ട്രോണിക് ഉപകരണങ്ങൾ പ്രവർത്തിക്കാതെയാകുന്ന ദുരൂഹമായയിടം.ബർമുഡ ദ്വീപുകളെയും അമേരിക്കയിലെ ഫ്ലോറിഡയുടെ തെക്കൻതീരത്തെയും പ്യൂർട്ടൊറീക്കോയിലെ...

മലയാളി മനസ്സ് — 👨‍👨‍👦‍👦ആരോഗ്യ വീഥി 👨‍👨‍👦‍👦

ഐസ്‌ക്രീം കഴിച്ച് കുറച്ചുകഴിയുമ്പോള്‍ തലവേദന അനുഭവപ്പെടാറുണ്ടോ? ഐസ്‌ക്രീം കഴിച്ചതിന് ശേഷമുള്ള കടുത്ത തലവേദന പലര്‍ക്കുമുള്ള ബുദ്ധിമുട്ടാണ്. ഐസ്‌ക്രീം തലവേദന എന്ന് ഇതിനെ വിശേഷിപ്പിക്കാറുണ്ടെങ്കിലും തണുപ്പുള്ള എന്തെങ്കിലും കഴിക്കുമ്പോള്‍ അനുഭവപ്പെടുന്ന തലവേദനയാണിത്. ബ്രെയിന്‍ ഫ്രീസ് എന്നാണ്...

🌸”ഇന്നത്തെ ചിന്താവിഷയം”🌸 ✍പ്രൊഫസ്സർ എ.വി. ഇട്ടി മാവേലിക്കര

സമയമെന്ന സൗഖ്യ ദായകൻ/ദായക! .............................................................................. അറിയപ്പെടുന്ന ഒരു പ്രഭാഷകനുണ്ടായിരുന്നു. ഒരിക്കലൊരു പ്രഭാഷണത്തിനു ശേഷം, അദ്ദേഹത്തിന് ഒരു കത്തു ലഭിച്ചു. അതിൽ നിറയെ രൂക്ഷ വിമർശനങ്ങളായിരുന്നു. പ്രഭാഷണത്തിലെ തെറ്റുകൾ, അക്കമിട്ടു നിരത്തിയിരുന്നു. കോപാകുലനായ അദ്ദേഹം, അപ്പോൾ തന്നെ...
WP2Social Auto Publish Powered By : XYZScripts.com
error: