17.1 C
New York
Thursday, August 18, 2022
Home Special ഒരു എൻജിനിയറുടെ സർവീസുത്സവം –34.

ഒരു എൻജിനിയറുടെ സർവീസുത്സവം –34.

ജോണി തെക്കേത്തല, ഇരിങ്ങാലക്കുട. trjohny@gmail.com


34.കല്ലാറുകുട്ടി :-

മുതിര പുഴയിലെ മൂന്നാമത്തെ പദ്ധതിയാണ് നേര്യമംഗലം. അതിൻറെ പണി പലയിടങ്ങളിലായി തകൃതിയിൽ നടക്കുമ്പോൾ ഞാൻ മൂന്നാറിലെത്തി.ആ പദ്ധതിയിലെ അണക്കെട്ടിന്‍റെ ചെലവ് എസ്റ്റിമേറ്റിനേക്കാൾ വളരെയേറെ വർധിച്ചു. അതുകൊണ്ട് എസ്റ്റിമേറ്റ് പുതുക്കേണ്ടി വന്നു. ആ ജോലിയിൽ സഹായിക്കാനായി മൂന്നാർ ഓഫീസിൽ നിന്ന് എന്നെയും കൂടി നിയോഗിച്ചു. കാലത്ത് കല്ലാറുകുട്ടിയിലെ ഓഫീസിൽ ഞാൻ എസ്റ്റിമേറ്റ് ഉണ്ടാക്കാൻ സഹായിക്കും. ഉച്ചതിരിഞ്ഞ് എൻറെ സെക്ഷൻ ഓഫീസിൽ പോകും. അടിമാലി മുതൽ കല്ലാറുകുട്ടി കോളനി വരെ വൈദ്യുതി ബോർഡ് ഒരു റോഡ് വെട്ടി ടാർ ചെയ്തിട്ടുണ്ട്. കൃഷിക്കാർക്ക് സർക്കാർ സ്ഥലം ഏത്, ബോർഡ് സ്ഥലം ഏത് എന്നറിഞ്ഞുകൂടാ. അവർ റോഡിൻറെ വശങ്ങൾ കയ്യേറും. കൃഷി ചെയ്യും. ചിലപ്പോൾ കുടിലും കെട്ടും. കയ്യോടെ തന്നെ അവരെ ഒഴിപ്പിക്കണം, കൃഷി നശിപ്പിക്കണം, കുടിൽ തകർക്കണം. വില്ലേജ് ഓഫീസറുടെ സഹായത്തോടെയാണ് അത് ചെയ്യിക്കുന്നത്. ഇതൊക്കെ കണ്ടു പിടിക്കാനും നടപടിയെടുക്കാനും കൃഷിക്കാരെ നിലക്ക് നിർത്താനും കഴിവുള്ള ഉദ്യോഗസ്ഥർ കൂടെ ഉണ്ടായിരുന്നു. അതുകൊണ്ട് എൻറെ ജോലി എളുപ്പമായി.

താമസം പദ്ധതിക്കാർക്ക് പണിതിട്ടുള്ള സ്ഥിരം കെട്ടിടത്തിലാണ്.നേരമ്പോക്കിന് ക്ലബും കളിക്കളവും വായനശാലയും ഉണ്ട്.പല ഡിപ്പാർട്ട്മെന്റുകളിൽ ജോലി ചെയ്യുന്ന ഒരുപാട് പേരെ പരിചയപ്പെടാൻ കഴിഞ്ഞു. ഔദ്യോഗിക ജീവിതത്തിൽ ഇത് വളരെയധികം സഹായിച്ചിട്ടുണ്ട്.

ഒരുപാടുപേർ ഒരേ റാങ്കിലുള്ള അസിസ്റ്റൻറ് എൻജിനീയർ മാരായിരുന്നു.അതുകൊണ്ട് ഹോസ്റ്റൽ ജീവിതം പോലെ അടിപൊളിയായി കഴിഞ്ഞു. പലരും അവിവാഹിതരാണ്. അവരോട് അതുകൊണ്ട് ഓഫീസർമാരിൽ ചിലർക്ക്‌ ഒരു പ്രത്യേക സ്നേഹം അല്ലെങ്കിൽ കരുതൽ. അവരുടെ ബന്ധത്തിൽ പെട്ട പെൺകുട്ടികൾക്ക് പറ്റിയ ചെറുക്കൻമാരെ നോക്കി വയ്ക്കുകയാണ്.അപ്പോൾ ആകാശവും മേഘങ്ങളും ഇളംകാറ്റും അനുഭവിച്ചു സ്വതന്ത്രമായി പറന്നു നടക്കുന്നതാണ് ഇഷ്ടം എന്ന് പറയാതെ പറയുന്നവരുമുണ്ട്.ഞാൻ നേരത്തെ തന്നെ വിവാഹ ക്കെണിയിൽ വീണിരുന്നു. അതുകൊണ്ട് എനിക്ക് ഈ ഭാഗ്യം ലഭിച്ചില്ല.

ജോണി തെക്കേത്തല,
ഇരിങ്ങാലക്കുട.

trjohny@gmail.com✍

Facebook Comments

COMMENTS

- Advertisment -

Most Popular

ഗൂഗിൾ പേ, ഫോൺപേ ഇനി സൗജന്യമല്ല; യുപിഐ ഇടപാടുകൾക്ക് ചാർജ് ആലോചനയിൽ.

യുപിഐ (ഗൂഗിൾ പേ, ഫോൺപേ തുടങ്ങിയവ) ഇടപാടുകൾക്കു ചാർജ് നിശ്ചയിക്കുന്നതു സംബന്ധിച്ച് റിസർവ് ബാങ്ക് ഡിസ്‍കഷൻ പേപ്പർ പുറത്തിറക്കി. നിലവിൽ യുപിഐ ഇടപാടുകൾക്ക് ഉപയോക്താവ് ചാർജ് നൽകേണ്ടതില്ല. എന്നാൽ, മൊബൈൽ ഫോണിൽ അതിവേഗ...

എഐഎഡിഎംകെ അധികാരത്തര്‍ക്കം ; എടപ്പാടിക്ക് വന്‍തിരിച്ചടി.

ചെന്നൈ എഐഎഡിഎംകെ ജനറല്‍ സെക്രട്ടറിയായി എടപ്പാടി പളനിസ്വാമിയെ നിയമിച്ചത് നിലനില്‍ക്കില്ലെന്ന് മദ്രാസ് ഹൈക്കോടതി. പാര്‍ടിയില്‍ ജൂലൈ 23ന് മുമ്പുള്ള സ്ഥിതി തുടരാനും ജനറല്‍ കൗണ്‍സില്‍ യോഗം വീണ്ടുംചേരാനും ഉത്തരവിട്ടു. കോ–-ഓര്‍ഡിനേറ്ററായിരുന്ന ഒ പനീർശെൽവത്തെ പുറത്താക്കിയ...

ഹരാരെ ഏകദിനം; സിംബാബ്‌വെയെ ബാറ്റിങ്ങിനയച്ച് ഇന്ത്യ, സഞ്ജു ടീമില്‍.

ഹരാരെ:സിംബാബ്‌വെക്ക് എതിരായ പരമ്പരയിലെ ആദ്യ ഏകദിനത്തില്‍ ടോസ് ഇന്ത്യക്ക്. ടോസ് നേടിയ ഇന്ത്യ ബൗളിങ് തെരഞ്ഞെടുത്തു. സഞ്ജു സാംസണ്‍ പ്ലേയിങ് ഇലവനില്‍ ഇടം നേടി. ഇഷാന്‍ കിഷനും പ്ലേയിങ് ഇലവനില്‍ ഉണ്ടെങ്കിലും സഞ്ജുവാണ് വിക്കറ്റ്...

സിംബാബ്വെക്കെതിരെയുള്ള ഏകദിന പരമ്പരക്ക് ഇന്ന് തുടക്കമാകും.

സിംബാബ്വെക്കെതിരെയുള്ള ഏകദിന പരമ്പരക്ക് ഇന്ന് തുടക്കമാകും. മൂന്നു മത്സരങ്ങളാണ് ഹരാരയില്‍ നടക്കുന്ന പരമ്പരയില്‍ ഒരുക്കിയട്ടുള്ളത്. ഏഷ്യാ കപ്പിനു മുന്നോടിയായി നടക്കുന്ന മത്സരത്തില്‍ പ്രധാന താരങ്ങള്‍ ഇല്ലാതെയാണ് ഇന്ത്യ എത്തുന്നത്. സ്ഥിരം ക്യാപ്റ്റന്‍ രോഹിത്...
Facebook Comments
WP2Social Auto Publish Powered By : XYZScripts.com
error: