റിപ്പോർട്ട്: നിരഞ്ജൻ അഭി, മസ്‌ക്കറ്റ്
ദുബായ്: യു.എ.ഇ യിൽ ബലാത്സംഗത്തിന് വധശിക്ഷ കിട്ടാവുന്ന കുറ്റമാക്കിയെന്ന് പബ്ലിക് പ്രോസീക്യൂഷൻ അറിയിച്ചു.
14 വയസ്സിൽ താഴെ ഉള്ളവരുമായുള്ള ലൈംഗിക ബന്ധം ബലാത്സംഗമായി കണക്കാക്കും.കുട്ടികളുടെയും അഗതികളുടെയും സംരക്ഷണത്തിന് നിലവിലുള്ള ജുവനൈൽ നിയമങ്ങൾക്ക് പുറമെയാണ് ബലാത്സംഗത്തിന് വധശിക്ഷ കൂടി പുതിയ ഫെഡറൽ നിയമത്തിൽ ഉൾപ്പെടുത്തിയതെന്നും പബ്ലിക് പ്രോസീക്യൂഷൻ അറിയിച്ചു.
ബലം പ്രയോഗിച്ചു സ്ത്രീകളെ ബലാത്സംഗത്തിന് ഇരയാക്കുന്നതും
ബലപ്രയോഗത്തിലൂടെ പുരുഷൻമാരെ പ്രകൃതി വിരുദ്ധ പീഡനത്തിന് ഇരയാക്കുന്നതും വധ ശിക്ഷ വിധിക്കാവുന്ന കുറ്റമാണ്.
എന്നാൽ 14 വയസ്സിന് താഴെ ഉള്ളവരുമായുള്ള ലൈംഗിക ബന്ധത്തിന് ബലപ്രയോഗം തെളിയിക്കാതെ തന്നെ വധശിക്ഷക്ക് വിധിക്കും. മറവി രോഗം ബാധിച്ചവരെയും നിഷ്ക്കളങ്കത മുതലെടുത്തും നടത്തുന്ന ലൈംഗിക ബന്ധങ്ങൾക്കും ഇനി മുതൽ വധശിക്ഷ ലഭിക്കും.
നിരഞ്ജൻ അഭി.
