17.1 C
New York
Wednesday, October 20, 2021
Home Pravasi ഒമാന്റെ സാമ്പത്തിക നടപടികളെ പ്രകീർത്തിച്ച് ഐ എം എഫ്

ഒമാന്റെ സാമ്പത്തിക നടപടികളെ പ്രകീർത്തിച്ച് ഐ എം എഫ്

റിപ്പോർട്ട്: നിരഞ്ജൻ അഭി

മസ്കറ്റ്: കോവിഡിനെ പ്രതിരോധിക്കാനും, എണ്ണവിലയിടിവിനെ തുടർന്നുള്ള സാമ്പത്തിക പ്രതിസന്ധി പരിഹരിക്കുന്നതിനും ഒമാൻ കൈക്കൊണ്ടുവരുന്ന നടപടികൾക്ക് അന്താരാഷ്ട്ര നാണയ നിധിയുടെ പ്രശംസ.

2021-2025 കാലഘട്ടത്തിലേക്കായി പ്രഖ്യാപിച്ച ഇടക്കാല സാമ്പത്തിക പരിഷ്കരണ പദ്ധതി,എണ്ണ ഇതര വരുമാനം വർധിപ്പിക്കുന്നതിനും ഒപ്പം ധനക്കമ്മി ഒഴിവാക്കുന്നതിനുമാണ് ലക്ഷ്യമിടുന്നതെന്ന് ഐഎംഒ റിപ്പോർട്ടിൽ പറയുന്നു. സർക്കാർ ഉടമസ്ഥതയിലുള്ള സ്ഥാപനങ്ങളുടെ നടത്തിപ്പിലെ പ്രവർത്തനക്ഷമത മെച്ചപ്പെടുത്തുന്നതിന്റെ ഭാഗമായി ഒമാൻ ഇൻവെസ്റ്റ്മെൻറ് അതോറിറ്റിക്ക് രൂപം നൽകി. എണ്ണ പ്രകൃതി വാതക മേഖലയിലെ സർക്കാർ നിക്ഷേപങ്ങൾ നിയന്ത്രിക്കാനും,ധന ലഭ്യത ഉറപ്പാക്കുന്നതിനുമായി എനർജി ഡെവലപ്മെൻറ് അതോരിറ്റിക്ക് ഒമാൻ രൂപംനൽകി.

സാമ്പത്തിക പരിഷ്കരണ പദ്ധതികൾ വിജയത്തിൽ എത്തുന്നത് ധന സുസ്ഥിരതക്കും,ധന ലഭ്യത ഉറപ്പാക്കുന്നതിനു നിക്ഷേപകർക്ക് ആത്മവിശ്വാസം പകരുന്നതിനും വഴിയൊരുക്കുമെന്നും ഐഎംഒ റിപ്പോർട്ടിൽ പറയുന്നു..പൊതുവായ ധന സ്രോതസ്സുകളുടെ ഘടനാപരമായ ദൗർലഭ്യം കുറയ്ക്കാനും,എണ്ണ വരുമാനത്തെ അമിതമായി ആശ്രയിക്കുന്നത് കുറയ്ക്കാനും പരിഷ്കരണ നടപടികൾ സഹായിക്കും..ഈ വർഷത്തെ പൊതു ബജറ്റിൽ ഈ ലക്ഷ്യങ്ങൾ കൈവരിക്കുന്നതിനുള്ള മാർഗ്ഗനിർദ്ദേശങ്ങൾ ഉണ്ടെന്നും റിപ്പോർട്ടിൽ പറയുന്നു..
ഭരണതലത്തിലെ മാറ്റങ്ങൾ, പൊതുമേഖലാസ്ഥാപനങ്ങളുടെ ശക്തിപ്പെടുത്തൽ,തൊഴിൽ വിപണിയുമായി ബന്ധപ്പെട്ട നിയമങ്ങളിലെ അയവ്,

ശക്തമായ സാമൂഹിക സുരക്ഷാ സംവിധാനം തുടങ്ങി ഘടനാപരമായ നവീകരണങ്ങളും ഈ ലക്ഷ്യം മുൻനിർത്തിയുള്ളതാണെന്നും റിപ്പോർട്ടിൽ പറയുന്നു..സാമ്പത്തിക വൈവിധ്യവൽക്കരണം, സ്വദേശികൾക്ക് തൊഴിലവസരങ്ങൾ സൃഷ്ടിക്കൽ, പൊതു ധനസുരക്ഷ തുടങ്ങിയവയ്ക്ക് പിന്തുണ നൽകുന്നതിനായി ഇത്തരം ഘടനാപരമായ മാറ്റങ്ങൾ അനിവാര്യമാണെന്നും ഐഎംഎഫ് പറയുന്നു. ഈ വർഷം ഒമാന്റെ ആഭ്യന്തര ഉത്പാദനത്തിൽ എണ്ണ ഇതര മേഖലയുടെ പങ്കാളിത്തം ഒന്നര ശതമാനമായി ഉയരും.
2026 ആകുമ്പോൾ ഇത് ആറ് ശതമാനം ആകും എന്നും ഐഎംഫ് റിപ്പോർട്ട് പറയുന്നു..

നിരഞ്ജൻ അഭി.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

സാക്ഷരത മിഷൻ തുല്യതാ പരീക്ഷയിൽ വിജയിച്ച അമ്മയെയും, മകനെയും അഭിനന്ദിച്ച് വിദ്യാഭ്യാസ മന്ത്രി.

പ്രതിസന്ധികളെ പൊരുതി തോൽപ്പിച്ചാണ് തൃശ്ശൂർ ജില്ലയിലെ മുല്ലശ്ശേരി അന്നകര വടുക്കൂട്ട് വീട്ടിൽ 68 കാരി ലില്ലി ആന്റണി സാക്ഷരത മിഷൻ ഹയർസെക്കൻഡറി രണ്ടാം വർഷ തുല്യതാ പരീക്ഷയും മകൻ 39 കാരൻ മനോജ്...

മലയാളത്തിലെ ആദ്യ അച്ചടിമഷി പുരട്ടിയതിനു 200 വയസ്സ് – (വാൽക്കണ്ണാടി – കോരസൺ)

കൃത്യം ഇന്നേക്ക് 200 വർഷം മുൻപ് അതായതു, 1821 ഒക്ടോബർ 18നു കോട്ടയത്ത്, ഇംഗ്ലണ്ടിലെ ചർച്ച് മിഷൻ സൊസൈറ്റി എന്ന സംഘടനയുടെ പ്രതിനിധി ബെഞ്ചമിൻ ബെയിലിയുടെ കരങ്ങളാൽ ആദ്യമായി പ്രിൻറിംഗ് പ്രെസ്സിൽ മഷിപുരട്ടുമ്പോൾ വന്യജീവികൾ വിഹരിച്ചിരുന്ന...

പൊലീസിനെ കബളിപ്പിച്ച യുവാവിൻ്റെ യഥാര്‍ത്ഥ പേരും വിലാസവും കണ്ടെത്തി; യുവാവിനെതിരെ കേസെടുത്തു .

ചടയമംഗലം: അയോധ്യയിലെ ദശരഥ പുത്രന്‍ രാമന്റെ യഥാര്‍ത്ഥ പേരും വിലാസവും കണ്ടെത്തി ചടയമംഗലം പൊലീസ്. തിരുവനന്തപുരം കാട്ടാക്കട മൈലാടി സ്വദേശിയായ നന്ദകുമാര്‍ ആണ് യഥാര്‍ത്ഥ പേര് മറച്ച്‌ വച്ച്‌ നവമാധ്യമങ്ങളില്‍ പൊലീസിനെ പരിഹസിച്ച്‌ വീഡിയോ...

സംസ്ഥാനത്തിന്റെ പലഭാഗത്തും ശക്തമായ മഴ പെയ്തുതുടങ്ങി.

സംസ്ഥാനത്തിന്റെ പലഭാഗത്തും ശക്തമായ മഴ പെയ്തുതുടങ്ങിയതോടെ വീണ്ടും പ്രളയഭീഷണി. കോഴിക്കോട്, കോട്ടയം, പത്തനംതിട്ട, ഇടുക്കി, പാലക്കാട് ജില്ലകളുടെ മലയോര മേഖലകളില്‍ മഴ ശക്തമായി. ഉച്ചയോടെയാണ് മഴ കനത്തു തുടങ്ങിയത്. ശക്തമായ മഴയില്‍ തിരുവമ്പാടി ടൗണില്‍ വെള്ളംകയറിയിട്ടുണ്ട്. അടുത്ത...
WP2Social Auto Publish Powered By : XYZScripts.com
error: