17.1 C
New York
Tuesday, June 22, 2021
Home Obituary വര്‍ഗീസ് തോമസ് തൈക്കൂടത്തില്‍ (കുഞ്ഞുമോന്‍, 79) ടെക്‌സസില്‍ നിര്യാതനായി

വര്‍ഗീസ് തോമസ് തൈക്കൂടത്തില്‍ (കുഞ്ഞുമോന്‍, 79) ടെക്‌സസില്‍ നിര്യാതനായി

ബിജു ചെറിയാന്‍ (ന്യൂയോര്‍ക്ക്)

ഓസ്റ്റിന്‍ (ടെക്‌സസ്): ന്യൂയോര്‍ക്കിലെ ആദ്യകാല മലയാളികളില്‍ ഒരാളും, ആത്മീയ-സമൂഹിക- ബിസിനസ് മേഖലകളില്‍ നിറസാന്നിധ്യവുമായിരുന്ന വര്‍ഗീസ് തോമസ് തൈക്കൂടത്തില്‍ (കുഞ്ഞുമോന്‍, 79) മാര്‍ച്ച് 31-നു ബുധനാഴ്ച പുലര്‍ച്ചെ ടെക്‌സസിലെ ഓസ്റ്റിനില്‍ നിര്യാതനായി. വാര്‍ദ്ധക്യസഹജമായ അസുഖങ്ങളെ തുടര്‍ന്നു വിശ്രമജീവിതത്തിലായിരുന്നു. സംസ്കാരം പിന്നീട് ഓസ്റ്റിനില്‍ നടക്കും.

കോഴഞ്ചേരി തെക്കേമല തൈക്കൂടത്തില്‍ പരേതരായ കൊച്ചുമ്മന്‍ വര്‍ഗീസ് – മറിയാമ്മ തോമസ് ദമ്പതികളാണ് മാതാപിതാക്കള്‍.

കുമ്പനാട് മൈലമൂട്ടില്‍ കുടുംബാംഗം മോളി തോമസ് (റിട്ട. രജിസ്‌ട്രേഡ് നഴ്‌സ്, സൗത്ത് ബീച്ച് സൈക്യാട്രിക് സെന്റര്‍, സ്റ്റാറ്റന്‍ഐലന്റ്) ആണ് സഹധര്‍മ്മിണി.

ഷിബു തോമസ് (ടെക്‌സസ്), ഡോ. ജിബു തോമസ് (ന്യൂജഴ്‌സി) എന്നിവര്‍ മക്കളും, ആനി തോമസ്, ഓര്‍ഷി തോമസ് എന്നിവര്‍ ജാമാതാക്കളുമാണ്. മിഷേല്‍, എലിസബത്ത്, ആന്‍ഡ്രൂ, മാത്യു, ക്രിസ്റ്റഫര്‍ എന്നിവര്‍ കൊച്ചുമക്കളാണ്.

എന്‍ജിനീയറിംഗ് ബിരുദ സമ്പാദനത്തിനുശേഷം ഇന്ത്യന്‍ എയര്‍ഫോഴ്‌സില്‍ ഉദ്യോഗസ്ഥനായിരുന്നു. 1970-കളുടെ ആരംഭത്തില്‍ അമേരിക്കയിലെ ന്യൂയോര്‍ക്കില്‍ എത്തിച്ചേര്‍ന്ന അദ്ദേഹം ദീര്‍ഘകാലം ചേസ് മന്‍ഹാട്ടന്‍ ബാങ്കില്‍ സേവനം അനുഷ്ഠിച്ചു. റിയല്‍ എസ്റ്റേറ്റ് ബിസിനസ് രംഗത്ത് തിളക്കമാര്‍ന്ന പ്രവര്‍ത്തനം കാഴ്ചവച്ചു. ആദ്ധ്യാത്മിക മേഖലകളില്‍ ഏറെ സജീവമായിരുന്ന വര്‍ഗീസ് തോമസ് സ്റ്റാറ്റന്‍ഐലന്റ് സെന്റ് ജോര്‍ജ് മലങ്കര ഓര്‍ത്തഡോക്‌സ് ദേവാലയത്തിന്റെ സ്ഥാപകാംഗം കൂടിയാണ്. മലങ്കര ഓര്‍ത്തഡോക്‌സ് സഭയ്ക്ക് അഭിമാനിക്കാനാവുംവിധം അമേരിക്കയില്‍ സ്വന്തമായ ആരാധനാലയം എന്ന അഭിലാഷം സാധ്യമാക്കുന്നതില്‍ അക്ഷീണ പ്രവര്‍ത്തനങ്ങള്‍ നടത്തി വിജയിച്ച വ്യക്തിത്വം കൂടിയാണ് അദ്ദേഹം. സ്റ്റാറ്റന്‍ഐലന്റ് മലയാളി അസോസിയേഷന്റെ സജീവ പ്രവര്‍ത്തകനായിരുന്നു. വിവിധ നേതൃത്വ പദവികള്‍ വഹിക്കുകയും ചെയ്തിട്ടുണ്ട്.

ഔദ്യോഗിക പദവികളില്‍ നിന്നും വിരമിച്ചശേഷം 1995-ല്‍ ന്യൂജഴ്‌സിയിലേക്കും, തുടര്‍ന്ന് 2014-ല്‍ ടെക്‌സസിലെ ഓസ്റ്റിനിലേക്കും താമസം മാറ്റി. ഓസ്റ്റിനിലെ സെന്റ് ഗ്രിഗോറിയോസ് മലങ്കര ഓര്‍ത്തഡോക്‌സ് പള്ളി ഇടവകാംഗമാണ് ഇപ്പോള്‍.

അന്നമ്മ വര്‍ഗീസ് (മുംബൈ), ഗ്രേസി വര്‍ഗീസ് (അയിരൂര്‍), മറിയാമ്മ തോമസ് (ന്യൂജഴേസി), സാലി തോമസ് (സ്റ്റാറ്റന്‍ഐലന്റ്, ന്യൂയോര്‍ക്ക്), മോന്‍സി വര്‍ഗീസ് (യോങ്കേഴ്‌സ്, ന്യൂയോര്‍ക്ക്- ഫോമ ദേശീയ നേതാവും, കേരള സമാജം ഓഫ് യോങ്കേഴ്‌സിന്റെ പ്രസിഡന്റും) എന്നിവര്‍ പരേതന്റെ സഹോദരീ- സഹോദരങ്ങളാണ്.

പൊതുദര്‍ശനവും സംസ്കാര ശുശ്രൂഷകളും യഥാക്രമം ബുധനാഴ്ച- കോര്‍ളി ഫിഷ് ഫ്യൂണറല്‍ ഹോം ഓസ്റ്റിന്‍, സെന്റ് ഗ്രിഗോറിയോസ് മലങ്കര ഓര്‍ത്തഡോക്‌സ് ചര്‍ച്ച്, മാനര്‍, ഓസ്റ്റിന്‍ എന്നിവടങ്ങളില്‍ വച്ചു പിന്നീട് നടത്തുന്നതാണ്. കൂടുതല്‍ വിവരങ്ങള്‍ക്ക്: ഷിബു തോമസ് (512 516 5720).

ബിജു ചെറിയാന്‍ (ന്യൂയോര്‍ക്ക്) അറിയിച്ചതാണിത്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ടിപിആർ 16 ൽ താഴെയുള്ള തദ്ദേശ സ്ഥാപന പരിധികളിൽ ആരാധനാലയങ്ങൾ തുറക്കാൻ അനുമതി

സംസ്ഥാനത്ത് ടിപിആർ 16 ൽ താഴെയുള്ള തദ്ദേശ സ്ഥാപന പരിധികളിൽ ആരാധനാലയങ്ങൾ തുറക്കാൻ അനുമതി പരമാവധി 15 പേർക്ക് മാത്രമാണ് പ്രവേശനാനുമതി തീരുമാനം മുഖ്യമന്ത്രിയുടെ അധ്യക്ഷതയിൽ ചേർന്ന കൊവിഡ് അവലോകന യോഗത്തിൽ

നാളെ 25 കേന്ദ്രങ്ങളില്‍ കോവാക്സിന്‍ രണ്ടാം ഡോസ് നല്‍കും

നാളെ 25 കേന്ദ്രങ്ങളില്‍ കോവാക്സിന്‍ രണ്ടാം ഡോസ് നല്‍കും കോട്ടയം ജില്ലയില്‍ നാളെ(ജൂണ്‍ 23) 25 കേന്ദ്രങ്ങളില്‍ 18-44 പ്രായവിഭാഗത്തിലുള്ളവര്‍ക്ക് കോവാക്സിന്‍ രണ്ടാം ഡോസ് നല്‍കും. ഇന്ന്(ജൂണ്‍ 22) വൈകുന്നേരം ഏഴു മുതല്‍ ബുക്കിംഗ് നടത്താം. വാക്സിന്‍...

പിഞ്ചുകുഞ്ഞിനെ കരിയില കൂനയില്‍ ഉപേക്ഷിച്ച സംഭവത്തില്‍ യുവതി അറസ്റ്റില്‍.

കൊല്ലം പരവൂരിൽ ഊഴായിക്കോട്ട് പിഞ്ചുകുഞ്ഞിനെ കരിയില കൂനയില്‍ ഉപേക്ഷിച്ച സംഭവത്തില്‍ യുവതി അറസ്റ്റില്‍. കുഞ്ഞിനെ ഉപേക്ഷിക്കപ്പെട്ട നിലയില്‍ കണ്ടെത്തിയ പുരയിടത്തിന്റെ ഉടമയുടെ മകള്‍ രേഷ്മ (22) ആണ് അറസ്റ്റിലായത്. കുഞ്ഞ് രേഷ്മയുടേത് ആണെന്ന് പൊലീസ് പറഞ്ഞു. ഡിഎന്‍എ...

കോട്ടയം ജില്ലയില്‍ 609 പേര്‍ക്ക് കോവിഡ്

കോട്ടയം ജില്ലയില്‍ 609 പേര്‍ക്ക് കോവിഡ് കോട്ടയം ജില്ലയില്‍ 609 പേര്‍ക്കു കൂടി കോവിഡ് സ്ഥിരീകരിച്ചു. 604 പേര്‍ക്ക് സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ അഞ്ചു പേര്‍ രോഗബാധിതരായി. പുതിയതായി...
WP2Social Auto Publish Powered By : XYZScripts.com
Share via
Copy link
Powered by Social Snap