വിരിയട്ടെ നന്മയുടെ പുതുവത്സരപ്പൂക്കൾ – മാത്യു ശങ്കരത്തിൽ, മാനേജിങ് എഡിറ്റർ

പുതുവത്സര സന്ദേശം..

ചരിത്രത്തിൽ ഓരോ കാലവും ഓരോ അനുഭവ പാഠംമാണ് . സ്വയം വലിയവനെന്ന് ആരും അഹങ്കരിക്കരുത് എന്നപാഠമാണ് കോവിഡ് – 19 ലോകത്തെ ഓർമ്മപ്പെടുത്തന്നത് . എത്ര വലിയവനും നിസ്സഹായനായിപ്പോകുന്ന ചില നിമിഷങ്ങൾ ജീവിതത്തിൽ ഉണ്ടാകും . എന്നാൽ , ഒന്നാലോചിച്ചുനോക്കൂ : പ്രഭാതത്തിൽ അരിച്ചിറങ്ങുന്ന സൂര്യവെളിച്ചമുണ്ട് ..മധുരമായ കിളിയൊച്ചകളുണ്ട് , സുഗന്ധമുണ്ട് , ശിശുകളുടെ നിറമലമായചിരിയുണ്ട് ഇവയെല്ലാം നിറയുന്ന ഒരു സമഗ്രാനുഭവമാണ് ജീവിതം . ആയിരം വർണങ്ങളുടെ ആരാമമാണ് ഈ പ്രകൃതി എന്ന് നാം മറന്നു പോകരുത് .

നമ്മുടെ പൂർവികർ ചുവടുവച്ചത് പൂക്കൾ വിതറിയ രാജപാതകളിലൂടെയല്ല , മുള്ളുകളും നിറഞ്ഞ ഇരുണ്ട ഒറ്റയടിപ്പാതകളിലൂടെയായിരുന്നു അവരുടെ യാത്ര . സ്വപ്നത്തെ പിന്തുടരുവാനും , അവസരങ്ങൾ കണ്ടെത്തുവാനും, പ്രതിബന്ധങ്ങളെ നേരിടുവാനുള്ള മാനസിക സന്നദ്ധതയാണ് ഏതു വിജയത്തിന്റെയും അടിത്തറയെന്ന് ഈ പുതുവത്സര ദിനത്തിൽ നാം ഓർമിക്കേണ്ടതുണ്ട് .

മലയാളി ഒളിമ്പ്യൻ അഞ്ജു ബോബി ജോർജ് ഈക്കഴിഞ്ഞ ഡിസംബർ എട്ടിനു ഞെട്ടിക്കുന്ന ഒരു വെളിപ്പെടുത്തൽ നടത്തി – “എനിക്ക് ഒരു വൃക്ക മാത്രം ! ജന്മനാ ഒരു വൃക്ക മാത്രമുള്ള റീനൽ അജെനെനിസ് എന്ന അവസ്ഥയമായാണ് ഇക്കാലമത്രയും ജിവിച്ചിരുന്നു അഞ്ജു ട്വിറ്ററിൽ വെളിപ്പെടത്തുകയായിരുന്നു . കോവിഡ് കാലത്ത് മറ്റുള്ളവർക്ക് പ്രചോദനമാകാൻ അക്കാര്യം അവർ ലോകത്തെ അറിയിച്ചു . ശരീരത്തിന്റെ വേദനകൾ ക്കെതിരേ മനസ്സിന്റെ ചോദനകൾ കുതിച്ചുപായുമെന്ന എന്ന് എന്ന് തിരിച്ചറിവാണ് നമുക്കുണ്ടാവേണ്ടത് .

ലോകാരോഗ്യ സംഘടനയുടെ റിപ്പോർട്ടു പ്രകാരം 2019 ഡിസംബർ എട്ടിന് ചൈനയിലെ വുഹാനിലാണ് ആദ്യമായി കോവിഡ് സ്ഥിരീകരിച്ചത് . രോഗികളുടെ എണ്ണവും മരണസംഖ്യയും ഭീതിപ്പെടുത്തുമ്പോഴും …..

നാം ഓർക്കുക : ഒരു മഴയും തോരാതിരുന്നിട്ടില്ല , ഒരു കാറ്റും അടങ്ങാതിരുന്നിട്ടില്ല ; കോവിഡും ഇല്ലാതാവുക തന്നെ ചെയ്യും . മനുഷ്യരാശി ഉയർത്തെഴുന്നേൽകും . ആ പ്രത്യാശ നമ്മെ നയിക്കട്ടെ .

മാത്യു ശങ്കരത്തിൽ , റിട്ടയാർഡ് എഡിറ്റർ, മലയാള മനോരമ.