യാത്രക്കാരൻ ട്രെയിനിൽ മരിച്ച നിലയിൽ; മൃതദേഹം കണ്ണൂർ ജില്ലാ ആശുപത്രിയിലേക്ക് മാറ്റി

കണ്ണൂർ: ട്രെയിനിൽ യാത്രക്കാരനെ മരിച്ച നിലയിൽ കണ്ടെത്തി. ഗുജറാത്ത് തുളസിദർ സ്വദേശി സയ്യിദ് ആരിഫ് ഹുസൈൻ ( 66) ആണ് മരിച്ചത് എന്ന് തിരിച്ചറിഞ്ഞു. ചെന്നൈ- മംഗലാപുരം ട്രെയിൻ രാവിലെ 9 മണിയോടെ കണ്ണൂരിൽ എത്തിയപ്പോഴാണ് ഒപ്പം യാത്രചെയ്യുന്നയാൾ മരിച്ച വിവരം മറ്റ് യാത്രക്കാരുടെ ശ്രദ്ധയിൽപ്പെട്ടത്. മൃതദേഹം കണ്ണൂർ ജില്ലാ ആശുപത്രിയിലേക്ക് മാറ്റി. മരിച്ച സയ്യിദ് ആരിഫ് ഹുസൈൻ ചെന്നൈയിൽ നിന്ന് കാസർക്കോട്ടേക്കാണ് ടിക്കറ്റ് എടുത്തിരുന്നത്. നിലവിൽ കണ്ണൂർ ജില്ലാ ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്.