17.1 C
New York
Tuesday, July 27, 2021
Home Nattu Vartha കുമ്പഴ മത്സ്യ ചന്തയ്ക്ക് ഇനി ശാപമോക്ഷം : 2.25 കോടി മുടക്കി ആധുനിക മത്സ്യ മാർക്കറ്റ്...

കുമ്പഴ മത്സ്യ ചന്തയ്ക്ക് ഇനി ശാപമോക്ഷം : 2.25 കോടി മുടക്കി ആധുനിക മത്സ്യ മാർക്കറ്റ് ; സ്ഥല പരിശോധന നടത്തി

വാർത്ത: സുനിൽ ചാക്കോ, കുമ്പഴ

പത്തനംതിട്ട, കുമ്പഴ : കുമ്പഴ മത്സ്യ മാർക്കറ്റിനു ഇനി അസഹനീയ ദുർഗന്ധത്തിൽ നിന്ന് ശാപമോക്ഷം. കേരള സർക്കാരിന്റെ കിഫ്ബി പദ്ധതിയിൽ 2.25 കോടി രൂപ മുടക്കി കുമ്പഴയിൽ ആധുനിക മത്സ്യ മാർക്കറ്റ് പണിയാൻ പത്തനംതിട്ട നഗര സഭ ഒരുങ്ങുന്നു. ഇതിന്റെ പ്രാരംഭ പരിശോധന എംഎൽഎ വീണ ജോർജ്, നഗര സഭ ചെയർമാൻ സക്കീർ ഹുസൈൻ എന്നിവരുടെ നേതൃത്വത്തിൽ കുമ്പഴയിൽ നടന്നു . കെട്ടിടം ഉൾപ്പെടെ ആധുനിക സൗകര്യങ്ങൾ ഒരുക്കിയാണ് മാർക്കറ്റ് വരുന്നത്.

മധ്യതിരുവിതാംകൂറിലെ ഏറ്റവും വലിയ മത്സ്യ മൊത്തവ്യാപാര കേന്ദ്രമാണ് കുമ്പഴയിലെ മത്സ്യ മാർക്കറ്റ്.കടപ്പുറത്തു നിന്നു മത്സ്യം കയറ്റിയ വാഹനങ്ങൾ അർധരാത്രിക്കു ശേഷം ഇവിടെ എത്തുന്നു . നേരം പുലരും മുൻപേ അവ ലേലം ചെയ്ത് ചെറുകിട വിൽപനക്കാർക്ക് നൽകുന്നു.

ജില്ലയുടെ പല ഭാഗത്തു നിന്നും സമീപ ജില്ലകളിൽ നിന്നും മത്സ്യ വ്യാപാരികൾ ഇവിടെ മത്സ്യം വാങ്ങാനായി എത്തുന്നു. അത്‌ കൊണ്ടു തന്നെ പുലർച്ചെ മുതൽ കുമ്പഴ -മലയാലപ്പുഴ റോഡിനോട് ചേർന്ന് കോൺക്രീറ്റ് ചെയ്ത് ഒഴിച്ച് ഇട്ട സ്ഥലത്തും, സമീപ റോഡിലും നല്ല തിരക്കാണ്. വാഹന തടസ്സം സ്ഥിര കാഴ്ചയാണ് ഇവിടെ. മറ്റ് സംവിധാനങ്ങൾ ഇല്ല. കുറച്ചു വാഹനങ്ങൾ മാത്രമേ കോൺക്രീറ്റ് ചെയ്ത സ്ഥലത്തേക്ക് കയറൂ. തിരക്കു കാരണം കൂടുതൽ വാഹനങ്ങളും റോഡിൽ നിർത്തി കച്ചവടം നടത്തുന്നതു കൊണ്ടാണ് ഇവിടെ റോഡിൽ തിരക്ക് ഉണ്ടാകുന്നത്. തന്മൂലം കാല്നടക്കാർക്കും, വാഹന യാത്രക്കാർക്കും പലപ്പോഴും ഇവിടെ ബുദ്ധിമുട്ട് അനുവഭപ്പെടുന്നു.

മാലിന്യ സംസ്കരണ സംവിധാനം ഇല്ലാത്തതിനാൽ ഈ പ്രദേശത്ത് സഹിക്കാൻ പറ്റാത്ത വിധം ദുർഗന്ധമാണ് . മീൻ വെള്ളം വീണ് റോഡുകളിലെ ടാറിങ് ഇളകുന്നതും പതിവാണ്. വീണാ ജോർജ് എംഎൽഎ മുൻകൈ എടുത്താണ് പദ്ധതി നടപ്പാക്കുന്നത്.വർഷങ്ങളായി വേണ്ടത്ര സൗകര്യങ്ങൾ ഇല്ലാതെ ശോചനീയാവസ്ഥയായ കുമ്പഴയിൽ ആധുനിക മത്സ്യ മാർക്കറ്റ് നിർമാണം എത്രയും പെട്ടെന്ന് പൂർത്തീകരിച്ച് കുമ്പഴയും വികസിക്കട്ടെ എന്നാണ് നാട്ടുകാരും ഉറ്റുനോക്കുന്നത്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

റിട്ടയേഡ് ഡെപ്യൂട്ടിതഹസിൽദാരെ പോലീസ് മർദ്ദിച്ച സംഭവം: മനുഷ്യാവകാശ കമ്മീഷൻ കേസെടുത്തു.

*റിട്ടയേഡ് ഡെപ്യൂട്ടിതഹസിൽദാർ ഭദ്രനെ പോലീസ് വളഞ്ഞിട്ട് മർദ്ദിച്ച സംഭവത്തിൽ സംസ്ഥാന മനുഷ്യാവകാശ കമ്മീഷൻ കേസെടുത്ത് അന്വേഷണത്തിന് ഉത്തരവിട്ടു.* ജില്ലാ പോലീസ് മേധാവി അന്വേഷണം നടത്തി മൂന്നാഴ്ചക്കകം റിപ്പോർട്ട് സമർപ്പിക്കണമെന്നാണ് മനുഷ്യാവകാശ കമ്മിഷന ഗം പി.എം.ബീനാകുമാരി...

കൊവിഡ് കുറയുന്നില്ല, കേരളവും മഹാരാഷ്ട്രയുമായും കേന്ദ്രം ചർച്ച നടത്തും

കൊവിഡ് കുറയുന്നില്ല, കേരളവും മഹാരാഷ്ട്രയുമായും കേന്ദ്രം ചർച്ച നടത്തും കേരളത്തിലും മഹാരാഷ്ട്രയിലും കൊവിഡ് രണ്ടാം തരംഗത്തിന്‍റെ രൂക്ഷത കുറയാത്തത് കേന്ദ്രം വിലയിരുത്തുന്നു. രാജ്യത്ത് കൊവിഡ് രണ്ടാം തരംഗം ഏറെക്കുറെ നിയന്ത്രണവിധേയമായിട്ടും രണ്ട് സംസ്ഥാനങ്ങളിലും പുതിയ രോഗികളുടെ...

ഹോക്കിയിൽ ഇന്ത്യക്ക് ജയം : രക്ഷകനായി ശ്രീജേഷ്

ഹോക്കിയിൽ ഇന്ത്യക്ക് ജയം : രക്ഷകനായി ശ്രീജേഷ് ഒളിമ്പിക്സിൽ നിർണായകമായ മത്സരത്തിൽ സ്പെയിനിനെ തകർത്ത് ക്വാർട്ടർ ഫൈനൽ പ്രതീക്ഷകൾ സജീവമായി ഇന്ത്യൻ പുരുഷ ഹോക്കി ടീം. എതിരില്ലാത്ത മൂന്നു ഗോളുകൾക്കാണ് ഇന്ത്യ സ്പാനിഷ് പടയെ...

പന്തുകളി മത്സരത്തിൽ വെടിവെയ്പ്പ്, മൂന്നുപേർ കൊല്ലപ്പെട്ടു.

ഡാളസ്: ഹ്യൂസ്റ്റനിൽ മത്യാസ് അൽമേഡ സോക്കർ ട്രെയിനിങ് ക്യാമ്പിൽ ജൂലൈയ് 25ന് ഉണ്ടായ വെടിവെയ്പ്പിൽ ഗർഭിണിയായ യുവതി ഉൾപ്പെടെ മൂന്നു പേർ കൊല്ലപ്പെട്ടു എന്ന് ഹാരിസ് കൗണ്ടി ഷെറിഫിസ് ഓഫീസ് റിപ്പോർട്ട് ചെയ്തു. ...
WP2Social Auto Publish Powered By : XYZScripts.com