17.1 C
New York
Wednesday, August 17, 2022
Home Literature മഞ്ചലേറിയ വാക്കുകൾ 🪶 (കവിത) ✍മോഹൻജി

മഞ്ചലേറിയ വാക്കുകൾ 🪶 (കവിത) ✍മോഹൻജി

✍മോഹൻജി

✍️ഇഞ്ചി കടിച്ച കപിവരൻ പോലെയാ
മഞ്ചത്തിലേറുന്ന പഞ്ചമിയിൽ
സഞ്ചാര നാഥനാം നാരദമാമുനി
സഞ്ചയത്തോടെ മനസ്സിലെത്തീ

അഞ്ജലീബദ്ധനായ് വന്ദിച്ച നേരത്ത്
സഞ്ചാരിയാകുമാ മാമുനിയോ
അഞ്ചാതെ വാക്കിൻ്റെ
വീഥിയിൽത്തന്നെ നീ
സഞ്ചരിച്ചീടുകയെന്നു ചൊല്ലീ

കഞ്ചാവടിക്കാതെ ലോകരെയെല്ലാമേ
കിഞ്ചിലാ ഭാവനാ ലോകതത്വം
ചിഞ്ചിലമോടൊന്നുകാട്ടാൻ വരികൾ
തൻ
മൊഞ്ചൊന്നു കാണട്ടെയെന്നു മാത്രം

കൊഞ്ചുന്ന കുഞ്ഞിൻ്റെ
വാക്യാമൃതങ്ങൾ പോൽ
സഞ്ചരിച്ചീടട്ടെ വായനകൾ
മഞ്ജരിയാകട്ടെ നിന്നുടെ വാക്കുകൾ
പഞ്ചബാണൻ തൻ ശരങ്ങളെപ്പോൽ

മഞ്ജരിയെന്നതു വൃത്തമല്ലെന്നങ്ങു
മഞ്ജുളചിന്തയിലോർത്തുകൊണ്ടേ
സഞ്ചരിച്ചീടുക മന്ദാകിനിയുടെ
പുഞ്ചിരി കണ്ടുകണ്ടേകനായീ

പഞ്ചാരയല്ലതിൻ കൂലങ്ങളിൽക്കാണും
മൺചിരാതല്ലയീ ജീവിതത്തിൻ
പഞ്ജരം തന്നിലെ ദീപമാണെന്നു താൻ
ചഞ്ചലചിത്തരേയോർത്തു നില്ക്കേ

കുഞ്ജകുടീരത്തിലേറുവാനായുള്ള
സഞ്ചാരപാത തുറന്നുവെന്നായ്
സഞ്ചാരി തന്നുടെ വാക്കുകൾ കേട്ടഥ
പുഞ്ചിരി തൂകിക്കിടന്നൂ അവൻ🪶

✍മോഹൻജി

Facebook Comments

COMMENTS

- Advertisment -

Most Popular

ആറന്മുള അഷ്ടമിരോഹിണി വള്ളസദ്യ വ്യാഴാഴ്ച

ആറന്മുള പാർത്ഥസാരഥി ക്ഷേത്രത്തിലെ പ്രശസ്തമായ അഷ്ടമിരോഹിണി വള്ളസദ്യ വ്യാഴാഴ്ച നടക്കും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ അനന്തഗോപൻ ഉദ്ഘാടനം നിർവഹിക്കും. പാർത്ഥസാരഥിയുടെ പിറന്നാൾ സദ്യക്കായി ചേനപ്പാടി കരക്കാർ ഇന്ന് ക്ഷേത്രത്തിൽ...

പതിമൂന്നുകാരന് പ്രകൃതിവിരുദ്ധ പീഡനം : വയോധികന് 51 കൊല്ലം കഠിനതടവ്

പത്തനംതിട്ട : പതിമൂന്നുകാരനെ പ്രകൃതിവിരുദ്ധ പീഡനത്തിന് വിധേയനാക്കിയ 63 കാരന് 51 വർഷം കഠിനതടവും, ഒന്നര ലക്ഷം രൂപ പിഴയും. കുളക്കട തുരുത്തീലമ്പലം ദിവ്യ സദനം വീട്ടിൽ പത്രോസിന്റെ മകൻ രാജു (63)വിനെയാണ്...

നിരണം ചുണ്ടൻ നീരണിഞ്ഞു:നെഹ്​റു ട്രോഫി വള്ളംകളിയിലാണ് നിരണം ചുണ്ടൻ ആദ്യമായി പങ്കെടുക്കുക

തിരുവല്ല: പത്തനംതിട്ട ജില്ലയിൽ നിന്നുള്ള ആദ്യത്തെ ചുണ്ടൻ വള്ളമായ നിരണം ചുണ്ടൻ നീരണിഞ്ഞു. ജനകീയ കൂട്ടായ്മയിൽ നിർമ്മാണം പൂർത്തിയാക്കിയ വള്ളത്തിന്‍റെ നീരണിയൽ ചടങ്ങ് ശിൽപി കോയിയ്ക്കൽമുക്ക് ഉമാമഹേശ്വരൻ ആചാരിയുടെ മുഖ്യ കാർമ്മികത്വത്തിൽ പമ്പയാറ്റിലെ...

കരിപ്പൂരിൽ വീണ്ടും പൊലീസ് സ്വര്‍ണം പിടികൂടി; രണ്ടുപേർ പിടിയിൽ

കരിപ്പൂർ: കസ്റ്റംസിനെ വെട്ടിച്ച് അനധികൃതമായി കടത്താന്‍ ശ്രമിച്ച സ്വര്‍ണം കരിപ്പൂര്‍ വിമാനത്താവള പരിസരത്ത് പൊലീസ് പിടികൂടി. കാപ്‌സ്യൂള്‍ രൂപത്തിലാക്കി കൊണ്ടുവന്ന 53 ലക്ഷം രൂപയുടെ സ്വര്‍ണമിശ്രിതമാണ് പിടിച്ചെടുത്തത്. രണ്ടുപേരെ കസ്റ്റഡിയിലെടുത്തു. ഷാര്‍ജയില്‍നിന്നെത്തിയ കോഴിക്കോട് നാദാപുരം...
Facebook Comments
WP2Social Auto Publish Powered By : XYZScripts.com
error: