17.1 C
New York
Sunday, December 4, 2022
Home Literature 40 ആസ്പത്രി ദിനങ്ങൾ (എൽസി യോഹന്നാൻ ശങ്കരത്തിൽ, ന്യൂയോർക്ക്)

40 ആസ്പത്രി ദിനങ്ങൾ (എൽസി യോഹന്നാൻ ശങ്കരത്തിൽ, ന്യൂയോർക്ക്)

Bootstrap Example

കരുതിയതല്ലൊരു കവിത യിനിമെൻ

വിരൽത്തുമ്പിലൂടൊഴുകിയെത്തിടുമെന്നതോ!,

സിരകളിൽ ധമനികളിൽ പ്ലാക്കായ് ചേക്കേറും

കറകളെ നീക്കുവാൻ ഹൃദയം പിളർന്നഥ

കരവിരുതാർന്നൊരാ ഭിഷഗ്വരശ്രേഷ്ഠർതൻ

കരങ്ങളാൽ ജീവസ്സു പകർന്നു സചേതനം

ഒരു തിരിനാളമായെരിവാനീ ജീവനെ

കരുണാമയനേ നീ തന്നതാൽ നമിപ്പിതെൻ!

ഉരുകും കരളുമായ് ചാതുർ ദശനാളുകൾ

നെരിപ്പോടിനൊപ്പമായ് കത്തിയെരിയുമൊരു

പരിതപ്ത ചിത്തവുമർത്ഥനാ മന്ത്രണവും

നുറുങ്ങുന്ന ചിത്തങ്ങൾ ദർശിക്കും സുര നാഥൻ

മരണവക്ത്രത്തിന്നഗാഥ ഗർത്തിൽനിന്നും

തിരുക്കരം നീട്ടി കരേറ്റും ശക്തിയേ നമോ!

അറിയുന്നു ഞാനിന്നു ശുശ്രൂഷാ വൃഗ്രരായ്

വിരവോടോടിയെത്തും നേഴ്സസും സേവകരും

ഒരു നിമിഷം പോലും വൃഥാവിലാക്കീടാതെ

പരിചരിച്ചീടുമാ സാന്ത്വന ലേപാമൃതം,

നിറയ്ക്കന്നു മാനസേ ആശിസനിർഝരണി

അറിയുന്നു ഞാനിന്നാ സേവന തല്പരത!

മറക്കുന്നു സ്വയമവർ നിസ്വാർത്ഥർ നേഴ്സുമാർ

കരുണാർദ്ര മാനസർ മാലാഖാ തുല്യ രവർ;

തിരിനാളമായെരിഞ്ഞു സൗഖ്യം നിറയ്ക്കുവോർ

കരയുന്ന മാനസർതൻ ദൈന്യമുഖങ്ങളും

നിരാംലംബരായ് വിധിനൽകും വിഹിതം കാക്കും

പരമ ദൈന്യത്തിൻ്റെ മനുഷ്യരൂപങ്ങളെ

നിരന്തരം ദർശിക്കാ മാസ്പത്രി കവാടത്തിൽ

നരജന്മത്തിന്നപാര ദൈന്യം തിങ്ങുന്നിടം

ഒരുവനും ആരിലും മേലല്ല , കാട്ടുന്നിടം

ഞരമ്പിലാഴ്തും സൂചിയിൻ ചുംബനത്തിലാരും

നിരായുധർ ആരോഗ്യത്തിനു തുല്യമില്ലേതും

കരുണാർദ്രനാം ദൈവത്തെ തേടും അദേവരും.

ഒരു ദിനം കൂടിയീ യാസ്പത്രിയിലീശ്വര

കരുണയ്ക്കു നന്ദിസ്തവങ്ങളുമായ് നില്പിതേൻ!

40 നീണ്ട കാതര ദിനങ്ങളിലെ ഒരു ICU വാസത്തിൻ്റെ
പ്രസഫുടിതം

Facebook Comments

COMMENTS

- Advertisment -

Most Popular

പതിനേഴുകാരിയെ പീഡിപ്പിച്ചു ഗർഭിണിയാക്കി; അച്ഛന്‍റെ സഹോരന് ശിക്ഷ വിധിച്ച് കോടതി.

പതിനേഴുകാരിയെ പീഡിപ്പിച്ചു ഗർഭിണിയാക്കിയ കേസിൽ പെൺകുട്ടിയുടെ അച്ഛന്‍റെ സഹോരന് ജീവിതകാലം മുഴുവൻ കഠിന തടവ് ശിക്ഷ വിധിച്ച് കോടതി. വിവിധ വകുപ്പുകളിലായി മൂന്നു ജീവപര്യന്തം കഠിന തടവ് ശിക്ഷയാണ് കോടതി വിധിച്ചത്. ഇതിനൊപ്പം ഒരു...

മദ്യ ലഹരിയിലുണ്ടായ വാക്കുതർക്കം; കത്തി കുത്തിൽ ഒരാൾ മരിച്ചു.

ഇടുക്കി : തൊടുപുഴ കാഞ്ഞാർ ഞാളിയാനിയിൽ ഒരാൾ കുത്തേറ്റ് മരിച്ചു.ഞാളിയാനി സ്വദേശി സാം ജോസഫ് (40) ആണ് മരിച്ചത്. മദ്യ ലഹരിയിൽ സുഹൃത്തുക്കൾ തമ്മിലുണ്ടായ വാക്ക് തർക്കത്തിനിടെ സാമിന് കുത്തേൽക്കുകയായിരുന്നു ഇന്നലെ ആണ്...

സംസ്ഥാനത്ത് ചില ഭാഗങ്ങളില്‍ ചെങ്കണ്ണ് റിപ്പോര്‍ട്ട് ചെയ്യുന്നു; ശ്രദ്ധ വേണമെന്ന്‌ ആരോഗ്യ മന്ത്രി വീണാ ജോര്‍ജ്.

സംസ്ഥാനത്ത് ചില ഭാഗങ്ങളില് ചെങ്കണ്ണ് റിപ്പോര്ട്ട് ചെയ്യുന്നതിനാൽ ശ്രദ്ധ വേണമെന്ന് ആരോഗ്യ മന്ത്രി വീണാ ജോർജ് . ചെങ്കണ്ണ് ഒരു പകർച്ചവ്യാധിയാണെങ്കിലും അല്പം ശ്രദ്ധിച്ചാൽ പകരുന്നത് തടയാൻ സാധിക്കും. ചെങ്കണ്ണ് ശ്രദ്ധിക്കാതെയിരുന്നാൽ സങ്കീർണ്ണമാകാനും...

റേഷന്‍ കടകളുടെ പ്രവര്‍ത്തന സമയം ക്രമീകരിച്ചു; മാറ്റം തിങ്കളാഴ്ച മുതല്‍.

ഡിസംബര്‍ അഞ്ചു മുതല്‍ 31 വരെ സംസ്ഥാനത്തെ വിവിധ ജില്ലകളിലെ റേഷന്‍ കടകളുടെ പ്രവര്‍ത്തന സമയം ക്രമീകരിച്ചു. രാവിലെയുള്ള പ്രവര്‍ത്തന സമയം എട്ടു മുതല്‍ ഉച്ചയ്ക്ക് ഒരു മണി വരെയും ഉച്ചകഴിഞ്ഞുള്ള പ്രവര്‍ത്തന...
Facebook Comments
WP2Social Auto Publish Powered By : XYZScripts.com
error: