🌹 അമ്മതൻമഹത്വംഅറിയാത്തവൾ🌹🧡🧡🧡🧡🧡🧡🧡🧡🧡

അമ്മയെന്ന ദേവിതൻ
നന്മയും മഹത്വവുമറിയാതെ
സ്വന്തംപ്രാണനാംകുഞ്ഞിനെ
മൃഗീയമായ് പ്രാണനറുത്ത നിന്നെ
ഞാനെന്തു പേരിട്ടു വിളിക്കേണം ….

കരൾവേവുമീദൂനതയിൽ
മുറിവേറ്റ ചിന്തകളിൽ
പേറ്റുനോവറിയാത്തയെന്നിലെ
അമ്മതൻ ഹൃദയം
നൊന്തു പിടയുമ്പോൾ
അമ്മിഞ്ഞചുരത്തിയ നിന്നിലെ
അമ്മതൻ മഹത്വം
എവിടെപ്പോയ് മറഞ്ഞു …..

ഒരു താമരപ്പൂപൈതലിൻ
മൃദുലമാംകുഞ്ഞുച്ചുണ്ടിൽ
സ്നേഹമോടെ
അമ്മതൻനെഞ്ചിലെ കുചങ്ങളിലൂറും
വാത്സല്യപീയുഷൂട്ടാൻ കൊതിപൂണ്ട്
ഹൃദയംമുറിഞ്ഞ നൊമ്പരവും പേറി…

എന്നും കണ്ണുനീർചുടുനിണമായൊഴുക്കി
ധരണിയിൽജീവിക്കുംപാവമാംസ്ത്രീജന്മങ്ങളെ
ഒരു നിമിഷം ഓർക്കാതെപോയത്
ദുഷ്ടയാംസ്ത്രീയേ നിൻഹൃദയം
കരിങ്കല്ലിനാൽ നിർമ്മിച്ചതോ…?

🦋 ജയന്തിശശി✍️