🌹പ്രണയ മാല്യം 🌹(കവിത)

സുസ്മിത സന്തോഷ്, ന്യൂജേഴ്‌സി

പ്രണയകുസുമങ്ങൾ കൊരുത്തൊരു
ഹാരമുണ്ടാക്കിയിലകുമ്പിളിൽ
ചേർത്തു പിടിച്ചെന്റെ പ്രാണനെ
കാത്തു പടിവാതിലിലിൽ നിന്നനേരം

ചെമ്പകപ്പൂമണം വഹിച്ചെത്തും
പൂന്തെന്നലെന്തിനോ മെല്ലെയെൻ
കാതിലെത്ര ഹൃദ്യമായി ചൊല്ലിയ
സ്വകാര്യം കേട്ടു പുളകംപൂത്തനേരം

ഹൃദയതാളങ്ങളെ തൊട്ടു തലോടി
ഹൃദ്യരാഗങ്ങളും മൂളിയെത്തും
മഞ്ജുളാംഗിയാം ശിശിരനിലാവും
മെല്ലെ കുസൃതിയിൽ കടക്കണ്ണ്കാട്ടി

സുഖദമാം സ്‌മൃതികളെ പുൽകി
സഖീ ഞാനുമിവിടെ വെറുതെതെല്ലിട
നിന്നിടട്ടെ കരളു പറിച്ചു കൊടുത്ത
നീറുന്ന കദനകാവ്യത്തിൻമറുമൊഴിക്കായി

സുസ്മിത സന്തോഷ് ✍️