🌹ഇനി എത്രനാൾ🌹 (കവിത)

🌹ജയന്തിശശി✍️

അണയുവാനിനി എത്രനാൾ
പറയുവാനാകില്ല എങ്കിലും,
ആത്മാർത്ഥമായാഗ്രഹിക്കുന്നു
ഞാനുമെൻ സ്നേഹനിധിയാംപതിയും
ഹൃദയം ഹൃദയത്തോട് ചേർന്നിരിക്കുന്ന നേരം
ഇരുഹൃദയങ്ങളും സ്പന്ദിക്കുമാ –
നിമിഷമണഞ്ഞുവെങ്കിലെന്റെയീ
ജന്മം സുകൃത പൂർണ്ണമായേനേ….

ജീവിത സായാഹ്നത്തിൽ മെയ് തളരുമ്പോളൂന്നുവടികളേകാതെ
തണലേകി സ്നേഹിച്ചിടുവാനും …
ജീർണ്ണിച്ചവസ്ത്രത്തെശുദ്ധിവരുത്തുവാനും …
ആരോരുമില്ലാതെ മനമുരുകി കേഴുന്നു ഞങ്ങൾ …..

എൻ ചേതനയാണാദ്യം പൊലിഞ്ഞു പോകുന്നതെങ്കിൽ ….
മരണത്തിൽപോലും തീവ്ര സങ്കടത്താൽ
പ്രിയനെ തനിച്ചാക്കി പിരിയുവാൻ കഴിയാതെ ….പുണ്യമായ് ,
ജീവനിൽ പകുതിയായി സ്നേഹിച്ച
പ്രാണേശ്വരന്റെ ഓർമ്മയിൽ
കരൾവിങ്ങി തേങ്ങിക്കരഞ്ഞീ –
ധരണിയിൽ രുധിരമിഴികളോടെ ….
ആത്മശാന്തിക്കായലഞ്ഞീടും ഞാൻ…..

         🌹ജയന്തിശശി✍️