17.1 C
New York
Friday, July 30, 2021
Home Literature ശോകനാശിനി (കവിത)-വി.കെ. അശോകൻ

ശോകനാശിനി (കവിത)-വി.കെ. അശോകൻ

ശോകനാശിനിയുടെ തീരത്തായിരുന്നു ശ്മശാനം
ജീവിതത്തിലുടനീളം പുളിങ്കൊമ്പുകൾ എത്തിപിടിച്ചിരുന്ന
അന്നത്തെ പരേതന് പുളിമരം കൊണ്ട് ചിതയൊരുക്കി…
ഏതാനും ചന്ദന ചീളുകൾ അലങ്കാരമായി വെച്ചു…
വേനൽ ചൂടിലും താണ്ഡവമാടിയ പനംകാറ്റിൽ
തീ ജ്വാലകളും താളത്തിൽ പടർന്നു കയറി…
ക്ഷുഭിതനായ മനുക്ഷ്യനായിരിന്നു -തലച്ചോർ വളരെ
വേഗം പൊട്ടിത്തെറിക്കും, എല്ലാവർക്കും പിരിയാം

ജീവിച്ചിരിക്കുന്നവർക്കു ദാഹം മാറ്റുവാൻ,
ഉള്ളിലുറയുന്ന ശോകം മാറ്റുവാൻ,
ശ്മശാനത്തിന് അരികിൽ തന്നെ ഒരു ഓലപ്പുര
കുപ്പികളിൽ നിറച്ചു വെച്ചിരിക്കുന്ന വെളുത്ത ശോകനാശിനി….
കണ്ട ഉടനെ അന്തരീക്ഷത്തിൽ അശരീരി മുഴങ്ങി…..
‘പുലയുള്ളവർ നടന്നു കൊൾക,
പതിനഞ്ചു നാൾ ദുഃഖം പേറി നില കൊൾക’
ഞങ്ങൾ ദുഖത്തിന്റെ ഭാണ്ഡം ഇവിടെ അഴിച്ചു വെക്കട്ടെ

കുപ്പികൾക്കായി കടിപിടി കൂടി,
വീര്യമുള്ള ലായനി ഒഴുകി,ഒഴുകി വറ്റി.
തലച്ചോർ പൊട്ടിത്തെറിച്ച ശബ്ദം മുഴങ്ങി
വിപ്ലവ വീര്യം തലയ്ക്കു കയറിയ
ഒരുവൻ പറഞ്ഞു…..പരേതൻ കൃതാർത്ഥനായി
നമ്മൾ കൃതാർത്ഥരായി….
പിന്നെ ഓലക്കീറുകൾക്കിടയിലൂടെ കാണുന്ന
നീർച്ചാലുകളും, ഒഴിഞ്ഞ കുപ്പികളും ചൂണ്ടി
ഉറക്കെ പറഞ്ഞു ….ശോകനാശിനി സംരക്ഷിക്കപ്പെടണം…
ഒരാൾ ഏറ്റു പറഞ്ഞു ….സർക്കാറുണ്ട് നമ്മളോടൊപ്പം ….

COMMENTS

1 COMMENT

  1. Excellent. Ashokan has great imagination and ideas which helped him create a beautiful poem about the ceremonies to be performed after one’s death. A true thinker on real life.

LEAVE A REPLY

Please enter your comment!
Please enter your name here

- Advertisment -

Most Popular

കോതമംഗലത്ത് വിദ്യാർത്ഥിനിയെ, വെടിവെച്ചു കൊന്ന ശേഷം യുവാവ് ജീവനൊടുക്കി

കൊച്ചി: ഡെന്റൽ കോളേജ് വിദ്യാർത്ഥിനിയായ പെൺകുട്ടിയെ കോതമംഗലത്ത് വെടിവെച്ച് കൊന്നു. കണ്ണൂർ സ്വദേശിയായ മാനസയാണ് കൊല്ലപ്പെട്ടത്. 24 വയസായിരുന്നു മാനസയ്ക്ക്. ഇവരുടെ സുഹൃത്ത് രാഖിലാണ് വെടിയുതിർത്തത്. രാഖിലും കണ്ണൂർ സ്വദേശിയാണ്. മാനസയെ കൊലപ്പെടുത്തിയ...

സംസ്ഥാനത്ത് ഇന്ന് 20,772 പേര്‍ക്ക് കോവിഡ്-19 സ്ഥിരീകരിച്ചു.

*സംസ്ഥാനത്ത് ഇന്ന് 20,772 പേര്‍ക്ക് കോവിഡ്-19 സ്ഥിരീകരിച്ചു.* മലപ്പുറം 3670, കോഴിക്കോട് 2470, എറണാകുളം 2306, തൃശൂര്‍ 2287, പാലക്കാട് 2070, കൊല്ലം 1415, ആലപ്പുഴ 1214, കണ്ണൂര്‍ 1123, തിരുവനന്തപുരം 1082, കോട്ടയം...

സ്ത്രീധന പീഡനവും കൊലയും:- റവ. ഫാദർ. കെ. കെ. ജോൺ എഴുതുന്ന ലേഖനപരമ്പര.

ബഹുമാനപ്പെട്ട കെ.കെ. ജോണച്ചനെക്കുറിച്ച് ഒരു വാക്ക്.. പത്തനംതിട്ട മല്ലശ്ശേരി സ്വദേശിയായ അച്ചൻ, മലങ്കര ഓർത്തഡോക്ക്സ് സഭയിലെ അമേരിക്കൻ ഭദ്രാസനത്തിലെ വിവിധ ദേവാലയങ്ങളിൽ ദീർഘകാലം വികാരിയായിരുന്നു. ഇപ്പോൾ റിട്ടയർമെന്റ് ജീവിതത്തിൽ എഴുത്തും വായനയും ദൈവീക ശുശ്രൂഷകളുമായി...

ജൂലൈ 30: അന്താരാഷ്ട്ര സൗഹൃദ ദിനം …..

1958ൽ പരാഗ്വേയിലാണ് ലോകത്ത് ആദ്യമായി സൗഹൃദ ദിനം ആഘോഷിച്ചത് .2011 ഏപ്രിൽ 27യു.എൻ.ജനറൽ അസ്സംബ്ലി എല്ലാ വർഷവും ജൂലൈ 30 അന്താരാഷ്ട്ര സൗഹൃദ ദിനം ആയി ആചരിക്കാൻ ആഹ്വാനം ചെയ്തു.എന്നാൽ ഇന്ത്യയുൾപ്പെടെ വിവിധ...
WP2Social Auto Publish Powered By : XYZScripts.com