17.1 C
New York
Monday, November 29, 2021
Home Literature ശില്പം (ഗദ്യകവിത)-കൃഷ്ണാജീവൻ.

ശില്പം (ഗദ്യകവിത)-കൃഷ്ണാജീവൻ.

ശിലയിൽനിന്നാണ്,
നീയെന്നെ ഉണർത്തിയത്.
ഞാനാരാണെന്ന് നീപറഞ്ഞുകേൾക്കു-
വാനായിരുന്നു എനിക്കിഷ്ടം.

എന്നെ കൊത്തിയെടുത്ത,
നിന്റെ ഉളിത്തുമ്പുകൾക്ക്,
അഗ്നിയുടെ ചൂടായിരുന്നു!
അസ്ത്രത്തിന്റെ മൂർച്ചയായിരുന്നു!
എങ്കിലും പെയ്യാൻ കൊതിച്ച,
മഴമേഘത്തിന്റെ കുളിരും..
പറയാൻ മറന്ന പ്രണയവുമു-
ണ്ടായിരുന്നു..

നിന്റെ മനസ്സിലെ വികാരവിചാരങ്ങ-
ളൊക്കെയുമെന്നിൽ ചൊരിഞ്ഞത്
നിറയൗവ്വനമായിരുന്നു..
എന്റെ കണ്ണുകളിൽ മഴവില്ലുതീർത്തതും,
എന്റെ മുടിയിഴകളിൽ ശാന്തമായ
സാഗര മൊഴുക്കിയതും നീയായിരുന്നു..
നിന്റെ വിയർപ്പുതുളളികളിൽ,
ആത്മാവിനെ ഞാനറിഞ്ഞു..
നിന്റെ ശ്വാസഗതികളിൽ,
ജീവാംശവും നിറഞ്ഞിരുന്നു..

നിന്നേപ്പോലെ ചലിയ്ക്കുവാൻ
ഞാനും കൊതിച്ചിരുന്നു..
നിന്നേപ്പോലെ മിണ്ടുവാൻ
വെറുതെ മോഹിച്ചിരുന്നു..
പറന്നുയരണമെനിക്ക് ഈ ശിലാ-
തല്പത്തിൽനിന്നും നിന്നോടൊപ്പം..

ഒടുവിൽ..തിരിഞ്ഞുനോക്കാതെ നീ
പോകുമ്പോഴും, വെറും ശില്പമെന്നു-
വിളിച്ചതെന്തേ..
വെറുതെ ശിലയായ് കണ്ടതെന്തേ…

                         ✍️ കൃഷ്ണാജീവൻ.

COMMENTS

48 COMMENTS

  1. പുതുമഞ്ഞിൽ പുതപ്പിക്കും
    നിൻഓർമ്മകൾ
    ദിനങ്ങനൊരൊന്നായി കടന്നുപോകെ
    കാലപ്പഴക്കമുണ്ടാകിലും
    ഓർമ്മയിൽ ഇന്നലെ എന്നപോൽ
    ഒരുകുടയിൽ ഒന്നിച്ചു പോയതും
    കൈകോർത്തുകൂടെനടന്നതും
    ഇന്നുമെൻ ഓർമ്മയിൽ . നീ അന്ന്
    പങ്കിട്ട പൊതിച്ചോറും ഇപ്പോഴും നാവിൽ
    രുചിപകരും . പ്രിയ സഖി ഇത്രയും
    ഓർമ്മകൾ എനിക്കുണ്ട് പറയാൻ
    ഒന്നെങ്കിലും നിനക്ക്‌ ഓർക്കുവാനുണ്ടോ
    ഓർമ്മയിൽ നീ ശിലആയിരിക്കും

  2. കൃഷ്ണാന്തികത്തിൽ അവിൽപ്പൊതി, അല്ല അതിനു പകരം അഴലിൻ പൊതി സമർപ്പണം.
    കാവ്യാർച്ചനയിലെ വേറിട്ട ശൈലി…🙏
    വളരെ മനോഹരമായ വരികൾ…💝
    ഇനിയും വിടരട്ടെ നല്ലെഴുത്തുക്കൾ…😍

LEAVE A REPLY

Please enter your comment!
Please enter your name here

- Advertisment -

Most Popular

ബലാത്സംഗത്തിന് ജീവപര്യന്തം, ഇര കുട്ടികളെങ്കില്‍ വധശിക്ഷ, യു.എ.ഇയില്‍ പുതിയ നിയമ പരിഷ്‌കാരം.

ബലാത്സംഗത്തിന് ജീവപര്യന്തം തടവ് വ്യവസ്ഥ ചെയ്ത് കൊണ്ട് യുഎഇയിലെ ഫെഡറൽ ക്രൈം ആൻഡ് പണിഷ്മെന്റ് നിയമം പരിഷ്കരിച്ചു. ഇരയ്ക്ക് 18 വയസ്സിന് താഴെയോ, അംഗവൈകല്യമോ മറ്റോ ഉണ്ടെങ്കിലോ, പ്രതിരോധിക്കാൻ കഴിയാത്ത അവസ്ഥയിലാണെങ്കിലോ ശിക്ഷ വധശിക്ഷ...

പാർലമെന്‍റ് ശീതകാല സമ്മേളനത്തിന് ഇന്ന് തുടക്കം.

പാർലമെന്‍റിന്‍റെ ശീതകാല സമ്മേളനത്തിന് ഇന്ന് തുടക്കമാവും. വിവാദമായ മൂന്നു കാർഷിക നിയമങ്ങൾ പിൻവലിക്കുന്നതടക്കം 26 പുതിയ ബില്ലുകൾ സഭയിൽ വരും. സഭാ സമ്മേളനത്തിന്‍റെ ആദ്യ ദിനമായ ഇന്ന് മൂന്നു കാർഷിക നിയമങ്ങൾ പിൻവലിക്കുന്ന...

രാജവംശത്തിന്റെ അവസാന കണ്ണി അറക്കൽ ബീവി അന്തരിച്ചു.

കേരളത്തിലെ ഏക മുസ്‌ലിം രാജവംശമായ അറയ്ക്കല്‍ രാജകുടുംബത്തിന്റെ 39ാമത് സുല്‍ത്താന്‍ ആദിരാജ മറിയുമ്മ എന്ന ചെറിയ ബീകുഞ്ഞി ബീവി (87) അന്തരിച്ചു. കണ്ണൂര്‍ സിറ്റി അറയ്ക്കല്‍ കെട്ടിനകത്ത് സ്വവസതിയായ അല്‍മാര്‍ മഹലിലായിരുന്നു അന്ത്യം. മദ്രാസ്...

സംസ്ഥാനത്ത് ശക്തമായ മഴ തുടരാൻ സാധ്യത; 10 ജില്ലകളിൽ ഇന്ന് യെല്ലോ അലേർട്ട്.

സംസ്ഥാനത്ത് ഇന്ന് ശക്തമായ മഴ തുടരാൻ സാധ്യതയെന്ന് മുന്നറിയിപ്പ്. മധ്യകേരളത്തിലും വടക്കൻ കേരളത്തിലും മഴ കനക്കുമെന്ന് കേന്ദ്ര കാലാവസ്ഥാ കേന്ദ്രം പറയുന്നു. കോട്ടയം മുതൽ കാസർഗോഡ് വരെയുള്ള 10 ജില്ലകളിൽ ഇന്ന് യെൽലോ...
WP2Social Auto Publish Powered By : XYZScripts.com
error: