17.1 C
New York
Wednesday, August 10, 2022
Home Literature വിരഹം (കവിത)

വിരഹം (കവിത)

മനോജ് മുല്ലശ്ശേരി, നൂറനാട്

ഇടമുറിയാതെ പെയ്തവർഷത്തിനും
വർണ്ണങ്ങൾ സൃഷ്ടിക്കും ഇന്ദ്രചാപത്തിനും
കോകിലമീട്ടിയ ഈണത്തിനും
പാതി സരണിയിലെരിഞ്ഞടങ്ങിയെൻ
കനവിനെ ഉണർത്തുപാട്ട് പാടി –
ഉണർത്താനായില്ല!

അടവിയിലൊരു കോണിൽ വസിക്കും
ഹരിണമാണ് ഞാൻ
ക്രൂരനാം ശബരനൊരുക്കിയ കെണിയിലകപ്പെട്ടെൻ പതി.
സംവത്സരമേറെ കൊഴിഞ്ഞിട്ടും –
തിരികെ വന്നില്ല..
ആറ്റ് നോറ്റു വളർത്തി ഞാനെന്നുണ്ണിയെ
വിരഹത്തിൻ നോവ് മറന്നു ഞാൻ !

ഇതരൻ്റെ മിഴിയിലകപ്പെട്ടിടാതെ കാത്ത് –
വെച്ചു ഞാനെന്നാൽ
മിഴിയൊന്നു ചിമ്മിയമാത്രയിലോടി –
മറഞ്ഞെൻ പൈതൽ.
അർക്കനാഴിയിൽ പോയി മറഞ്ഞു
തിരികെ വന്നിട്ടും .
എന്നരികിൽ വന്നണഞ്ഞില്ലെൻ കുഞ്ഞ്!

നിണം ഊറ്റിടും ജളൂകമായി വിരഹമെൻ ഹൃത്തടത്തിൽ കുടിയേറി.
തിമിർത്താടുന്നു വിരഹ പെഴുമഴയെന്നുള്ളിൽ
നേത്രാംബു പൊഴിക്കാൻ കഴിയാതെ
വറ്റിവരണ്ട മിഴികളുമായി
കാടുകളിൽ ഞാനലയുന്നെൻ കുഞ്ഞിനായ്!

മനോജ് മുല്ലശ്ശേരി
നൂറനാട്

Facebook Comments

COMMENTS

- Advertisment -

Most Popular

139.15 അടി ജലനിരപ്പ്; മുല്ലപ്പെരിയാര്‍ ഡാമിലെ ജലനിരപ്പ് കുറയുന്നു.

മുല്ലപ്പെരിയാർ അണക്കെട്ടിലെ ജലനിരപ്പ് കുറഞ്ഞുതുടങ്ങി.139.15 അടിയാണ് ഇപ്പോഴത്തെ ജലനിരപ്പ്. അണക്കെട്ടിന്‍റെ വൃഷ്ടി പ്രദേശത്ത് മഴ കുറഞ്ഞതാണ് ജലനിരപ്പ് കുറയാൻ കാരണം. പെരിയാർ തീരത്തെ 45 കുടുംബങ്ങളിൽ ഉള്ളവർ ഇപ്പോഴും ദുരിതാശ്വാസ ക്യാമ്പിലാണ്. അതേസമയം...

ദുരിതാശ്വാസ പ്രവർത്തനം; 5 ജില്ലകളിലെ നിശ്ചിത വിദ്യാഭ്യാസ സ്ഥാപനങ്ങൾക്ക് അവധി.

സംസ്ഥാനത്ത് കനത്ത മഴയ്ക്ക് ശമനമായെങ്കിലും ദുരിതാശ്വാസ പ്രവർത്തനങ്ങൾ തുടരുകയാണ്. ദുരിതാശ്വാസ പ്രവ‍ർത്തനങ്ങളുടെ പശ്ചാത്തലത്തിൽ സംസ്ഥാനത്തെ അഞ്ച് ജില്ലകളിലെ സ്കൂളുകൾക്ക് ഇതിനകം അവധി പ്രഖ്യാപിച്ചിട്ടുണ്ട്. ദുരിതാശ്വാസ ക്യാമ്പുകൾ പ്രവ‍ർത്തിക്കുന്ന സ്കൂളുകൾക്കാണ് പല ജില്ലകളിലും അവധി...

നെഹ്റുട്രോഫി ടിക്കറ്റ് വിതരണം ഇന്ന് ആരംഭിക്കും.

പുന്നമടയാറ്റി​ൽ സെപ്തംബർ നാലി​ന് നടക്കുന്ന 68-ാമത് നെഹ്റുട്രോഫി ജലോത്സവത്തിന്റെ ടിക്കറ്റ് വിതരണം ഇന്ന് ആരംഭിക്കും. വൈകിട്ട് സൗത്ത് ഇൻഡ്യൻ ബാങ്ക് ഓൺലൈൻ വഴിയാണ് ടിക്കറ്റ് വില്പനയ്ക്ക് തുടക്കമാവുന്നത്. നാളെ മുതൽ പത്ത് ജില്ലകളിലെ സർക്കാർ...

കോമൺവെൽത്ത് ഗെയിംസിന് കൊടിയിറങ്ങി;ഭാരതം നാലാമത്.

22-ാമത് കോമൺവെൽത്ത് ഗെയിംസിന് തിരശീല വീണു. ടേബിൾ ടെന്നീസ് താരം അചന്ത ശരത് കമാലും ബോക്‌സിങ് താരം നിഖാത്ത് സരിനും കോമൺവെൽത്ത് ഗെയിംസ് സമാപന ചടങ്ങിൽ ത്രിവർണ്ണ പതാകയേന്തി. 22 സ്വർണ്ണവും 16...
Facebook Comments
WP2Social Auto Publish Powered By : XYZScripts.com
error: