17.1 C
New York
Sunday, January 29, 2023
Home Literature *റാന്തൽ*-(ചെറുകഥ)-അനുപ ചെറുവട്ടത്ത്

*റാന്തൽ*-(ചെറുകഥ)-അനുപ ചെറുവട്ടത്ത്

Bootstrap Example

അയാളുടെ കണ്ണുകൾ പരതലിലാണ്; മനസ്സും….
വന്നതു മുതൽ.

അടുക്കിപ്പാകി മണ്ണുമറച്ച ടൈൽസ്..വെട്ടി വെടിപ്പാക്കി നിർത്തിയ പുൽത്തകിടി..നിരയൊത്ത ചട്ടികളിൽ പേരറിയാ ചെടികളും പൂക്കളും..മിനുമിനുത്ത തറയിൽ മുഖം കാണാമെങ്കിലും അയാളുടെ മനസ്സുറച്ചില്ല…കാലുകളും.

അയാൾ തിരഞ്ഞുകൊണ്ടേയിരുന്നു…..

പൂമുഖത്ത് തലയെടുപ്പോടെ തൂങ്ങിയാടിയ ‘ഷാൻറ്ലിയർ’ വെളിച്ചം. ആവശ്യത്തിലേറെ പ്രകാശിച്ച LED കൾ..

തേച്ചു മിനുക്കിയ ചില്ലിലൂടെയെത്തിയ മഞ്ഞ വെളിച്ചത്തിൽ പഠിച്ചു പത്ത് ജയിച്ചെങ്കിലും തുടർന്ന് പഠിക്കാനാവാതെ പടികളിറങ്ങുമ്പോഴും മുനിഞ്ഞുകത്തിയ ആ റാന്തൽ..

ശീതീകരിച്ച മുറികൾ. രാജകീയമായി സോഫകൾ.
“ഡാ..സിനിമ കൊട്ടകയിലൊന്നും പോണ്ടയിപ്പോ”
ഹോമ് തിയറ്ററിൽ
അമ്മയുടെ ചിരിയോടെയുള്ള ശബ്ദം.

ആദ്യ ശമ്പളം മുഴുവനും അയക്കുമ്പോൾ കൈ വിറക്കുന്നുണ്ടായിരുന്നു.വിശപ്പോർക്കാതെ വീടിനെയോർത്തു.

വീട്ടിൽ ആദ്യമായി ബൾബ് കത്തിയെന്നറിയിച്ചെത്തിയ കത്ത്…

വീട്പൊളിച്ചപ്പോൾ  അസ്ഥിവാരമിടാൻ കൊള്ളപ്പലിശക്കാരൻ മാർവാഡിയുടെ കയ്യിൽ നിന്നും വാങ്ങിയ പലിശപ്പണം അടച്ചു തീർക്കാൻ പെട്ട പാട്…..ഇന്നതേ വീട് ,ഒന്ന് ചോദിച്ചു പോലുമില്ല.. എഴുതിക്കൊടുക്കുമ്പോൾ. അമ്മയ്ക്കും മക്കൾ ഒരുപോലെയല്ലെന്ന സത്യം.. വളക്കൂറിലേക്കുള്ള ചായവ്.

വിയർത്തതും വിശന്നിരുന്നതും ആരേയും അറിയിച്ചില്ല… ഉള്ളതിലേറെ ഊട്ടി.. എല്ലാം സ്വന്തമെന്ന വിശ്വാസം. വെറുതെയെന്ന തിരിച്ചറിവ്.

ഒന്നിനും വേണ്ടിയല്ല.. ഒന്നാണെന്ന തോന്നൽ ഇന്ന് ഒറ്റയാക്കപ്പെട്ടിരിക്കുന്നു. ഒറ്റയ്ക്ക് ഒന്നും കൂട്ടിവെച്ചില്ല….

പണ്ടത്തെ ഒറ്റമുറി വീടിന്നിരുനില മാളികയാണ്.. വിരുന്നുകാരനെപ്പോലെ ചുറ്റിക്കണ്ടു..

ആ ഷട്ടറുകളുള്ള കെൽട്രോൺ T.V സ്റ്റോർ മുറിയിലെ മാർബിൾ തട്ടിൽ പുതച്ചിരിക്കുന്നു. അച്ഛൻ്റെ പഴയ പട്ടാളപ്പെട്ടിയുമുണ്ട് കൂട്ടിന്.

അടുക്കളയിൽ മൊഞ്ചോടെ ഡബിൾ ഡോർ ഫ്രിഡ്ജിൽ പഴങ്ങളും പാനീയങ്ങളും നിറഞ്ഞ ങ്ങനെ..

ഒതുക്കുകല്ലിനോട് ചേർന്ന് ഒടിഞ്ഞ കാലും നിറമിളകിയ ദേഹവുമായി അമ്മക്കാദ്യം വാങ്ങിക്കൊടുത്ത ഫ്രിഡ്ജ്…ചായ്പ്പിൻ്റെ കോണിൽ പുല്ലളിഞ്ഞ് തുരുമ്പെടുത്ത് ഉറങ്ങിത്തൂങ്ങുന്ന കൂളർ.

അയാൾ തിരയുകയാണ്… ആറു പേർക്കും വെളിച്ചമേകിയ, ആർക്കും വേണ്ടാതായ ആ  വലിയ റാന്തലിനെ……

ഒന്നും ഒന്നല്ല…. ദേഹവും ദേഹിയും തന്നെ വേറെയല്ലെ…. ?

ആക്രിക്കാരൻ്റെ കീറിയ പഴഞ്ചാക്കിലൂടെ ആ ചില്ലു പൊട്ടിയ റാന്തൽ  അയാൾ പടിയിറങ്ങുന്നത് നോക്കിക്കണ്ടു …..!!

*(അനുപ ചെറുവട്ടത്ത്)*

Facebook Comments

COMMENTS

- Advertisment -

Most Popular

പി. എം. എൻ നമ്പൂതിരി മലയാളി മനസ്സ് യു എസ് എയുടെ ‘അഡ്വൈസറി ബോർഡ് അംഗം’

വൈവിദ്ധ്യങ്ങളാൽ സമ്പന്നമായ മലയാളിമനസ്സിന്റെ മുന്നോട്ടുള്ള യാത്രക്ക് മാറ്റുകൂട്ടാൻ എഞ്ചിനീയറിങ് മേഖലയിലും സാഹിത്യരംഗത്തും ഒരുപോലെ കഴിവ് തെളിയിച്ച ശ്രീ പി. എം. എൻ നമ്പൂതിരിയെ മലയാളി മനസ്സ് യു എസ് എ യുടെ അഡ്വൈസറി...

മലയാളി മനസ്സ്..”ആരോഗ്യ വീഥി”

ഇന്നത്തെ കാലത്ത് ഒരുവിധം എല്ലാവരും അഭിമുഖീകരിക്കുന്ന ഒരു പ്രശ്‌നമാണ് ഓര്‍മക്കുറവ്. വൈറ്റമിന്‍ ബിയുടെയും മറ്റ് പോഷകങ്ങളുടെയും അഭാവം മൂലമാണ് സാധാരണയായി ഓര്‍മക്കുറവ്, മാനസിക പിരിമുറുക്കം, വിഷാദം, ഉറക്കം എന്നിവ ഉണ്ടാകുന്നത്. പ്രായം, ഉറക്കം,...

“ഇന്നത്തെ ചിന്താവിഷയം” ✍പ്രൊഫസ്സർ എ.വി. ഇട്ടി

സ്വന്തമാക്കണമോ എല്ലാം? ............................................. കുളക്കോഴി തീറ്റ തേടി നടക്കുന്നതിനിടെ, ഒരു ധാന്യപ്പുര കണ്ടെത്തി! മറ്റെങ്ങും തീറ്റ തേടി നടക്കണ്ടല്ലോ എന്നു കരുതി, അതവിടെ പാർപ്പായി! ഭക്ഷണം കുശാലായിരുന്നതു കൊണ്ട്, നന്നായി തടിച്ചു കൊഴുത്തു. ഒരു ദിവസം...

ശുഭദിനം | 2023 | ജനുവരി 29 | ഞായർ ✍കവിത കണ്ണന്‍

തമിഴ് അയ്യര്‍ സമ്പന്നകുടുംബത്തിലെ അംഗമായിരുന്നു ഹരിഹരന്‍. വീട്ടില്‍ വളരെ കര്‍ക്കശസ്വഭാവമായതുകൊണ്ട് തന്നെ സ്വാതന്ത്ര്യം ആയിരുന്നു അവന്റെ സ്വപ്നം. സ്‌കൂളില്‍ പഠിക്കുമ്പോള്‍ പുതിയ പെന്‍സില്‍ കൂട്ടുകാരന് കൊടുത്തു. വീട്ടില്‍ എത്തിയപ്പോള്‍ പുതിയ പെന്‍സിലും കൊണ്ട്...
Facebook Comments
WP2Social Auto Publish Powered By : XYZScripts.com
error: