17.1 C
New York
Friday, June 24, 2022
Home Literature മൗനസഞ്ചാരി (കവിത)

മൗനസഞ്ചാരി (കവിത)

✍️ബീനാ രാജേഷ്

തിരികെ നടക്കണം,
എനിക്കൊന്നുകൂടെ
തിരികെ നടക്കണം,
കാലം
കാത്തുവെച്ചതൊന്നും
കൈ നീട്ടി
വാങ്ങുവാനാവാതെ,
തിരികെ
ഒരുമടങ്ങി പോക്ക്.
പതിവായി
കാണുന്നതോ,
കേൾക്കുന്നതോ,
ഒന്നുകൂടെയില്ലാത്ത
പ്രയാണം

വരാമെന്നുറപ്പൊന്നു-
മില്ലാത്ത
തിരിച്ചുപോക്ക്,
കൂട്ടിനാരുമില്ല,
കൂട്ടിനുള്ളവരിൽ-
നിന്നൊരു ഒറ്റപെടൽ,
സ്വാർത്ഥതൻ തോന്നൽ

മടക്കയാത്രയിൽ
ഒന്നുതിരിഞ്ഞ്
നോക്കുന്നു
എന്നിലെയെന്നെ,
ഒരുവട്ടം കൂടി
തിരിച്ചറിയാനുള്ള
നോട്ടം

ജീവിക്കാൻ
പ്രേരിപ്പിക്കുന്നത്
എന്താണുള്ളതെന്ന
എത്തിനോട്ടം,
തനിയെ നടക്കാൻ
പഠിക്കണം
കാലം മായ്ക്കാൻ
ശ്രമിച്ചതൊക്കെ,
അവിടെയിവിടെ
കിടക്കുന്നു

തിരിച്ചു പോക്ക്
നഷ്ടങ്ങളിലേ-
ക്കാണെങ്കിലും
പിരിയുന്നു,
സൂചനകൾ
കണ്ടുതുടങ്ങുന്നിടത്തു
നിന്നോരു വിടവാങ്ങൽ

മനസ്സ് മരവിച്ചിടത്തു
നിന്നൊരു യാത്ര,
നഷ്ടമായത്
ഹൃത്തടത്തിൽ ചേർത്തൊരു
മടക്കയാത്ര,
അനുസരണയില്ലാത്ത
ചിന്തകളുടെ
മേച്ചിൽപ്പുറം തേടുന്ന
വെറും മൗനസഞ്ചാരി
ഞാൻ.
✍️ബീനാരാജേഷ്

Facebook Comments

COMMENTS

- Advertisment -

Most Popular

അതിനുശേഷം അവൾ ഉറങ്ങിയിട്ടേയില്ല (കഥ) ✍നിർമല അമ്പാട്ട്

ഓർക്കാപ്പുറത്താണ്അവൾ അയാളെ വീണ്ടും കാണുന്നത്. ഡോക്റ്റർ എങ്ങോട്ടെങ്കിലും ട്രാൻസ്ഫർ വാങ്ങിപോയിക്കാണുമെന്നാണ്അവൾ കരുതിയത് . അയാളെ കണ്ടതുമുതൽ മനസ്സ് അസ്വസ്ഥമായി. മറക്കാൻ ശ്രമിച്ച ഓർമ്മകൾ ഓടിയെത്തുന്നു. .. ആശുപത്രിയിൽ മറ്റുസ്റ്റാഫുകളോടൊപ്പം കഴിഞ്ഞ നാളുകളിൽ ഒളി ച്ചുവെച്ച ഈ...

ആരോഗ്യ ജീവിതം (18) – കുമിഴ്

 കുമിഴ് (white Teak ) ഒരു ഇടത്തരം വൃക്ഷമാണ് കുമിഴ് . വിഷരഹിത ശക്തിയും വേദന ശമിപ്പിക്കാനുള്ള കഴിവും കുമിഴിനുള്ള തുകൊണ്ട് ദശമൂല ഔഷധങ്ങളിലെ ഒരു പ്രധാനഘടകമായി കുമിഴിനെ പൂർവികർ ഉൾപ്പെടുത്തിയിരിക്കുന്നു. ഭാരക്കുറവുള്ളതും എന്നാൽ...

ശ്രീ രാമന്റെ വനസഞ്ചാരം .✍ ശ്യാമള ഹരിദാസ്

രാമായണത്തില്‍ ശ്രീ രാമന്റെ മഹാപ്രസ്ഥാനം വിശദീകരിക്കുന്നുണ്ട്. രാമന്റെ വനസഞ്ചാരത്തിന് രണ്ടു ഘട്ടങ്ങള്‍ പറയാം. ഒന്നാമത്തെ ഘട്ടം 15 വയസ്സ് മാത്രമുള്ള രാമനെയും അനുജന്‍ ലക്ഷ്മണനെയും വിശ്വാമിത്ര മുനി വന്നു കൂട്ടി കൊണ്ടു പോകുന്ന...

പ്രകാശൻ പറക്കട്ടെ (സിനിമ റിവ്യൂ) തയ്യാറാക്കിയത്: ഷാമോൻ

വിജയ പ്രകാശമായി പ്രകാശൻ പറന്നുയരുന്നു* യാഥാസ്ഥിതിക പൊതുബോധ മലയാള സിനിമ പ്രേക്ഷകന് രസിക്കുന്ന രീതിയിലാണ് എല്ലായ്പ്പോഴും നിർമ്മിക്കപ്പെടുന്നത്. ആസ്വദിക്കാൻ വേണ്ടി മാത്രം തീയറ്ററിൽ കുടുംബ സമേതം സിനിമ കാണുന്നവന് അത് ആശ്വാസവുമാണ്. ആ പ്രേക്ഷകർ...
Facebook Comments
WP2Social Auto Publish Powered By : XYZScripts.com
error: