17.1 C
New York
Thursday, July 7, 2022
Home Literature ബലിയാടുകൾ (കഥ)

ബലിയാടുകൾ (കഥ)

വത്സല. കെ, കണ്ണൂർ.

  സ്വപ്നങ്ങൾ നെയ്‌തു കൂട്ടിയ,  ഇസ്തിരിവെച്ച വസ്ത്രമിടീപ്പിച്ച്   കാലത്ത് വീട്ടിൽ നിന്നിറക്കിയ മകനെ ജീവനറ്റ് കാണാൻ അമ്മുവിന്റെ മനസ്സ് തയ്യാറായില്ല. ആരുടെയൊക്കെയോ ആശ്വാസവാക്കുകൾ അവളെ വീർപ്പു മുട്ടിച്ചു കൊണ്ടേയിരുന്നു...

 " എനിക്കവനെ കാണേണ്ട... എന്റെ മോൻ മരിക്കാൻ ഞാൻ സമ്മതിക്കൂല..സമ്മതിക്കൂല.. " എന്ന് നിലവിളിക്കുന്നതിനിടയിലൂടെ അവൾ പറഞ്ഞു കൊണ്ടേയിരുന്നു.  ആ അമ്മ അവിടെ കൂടിയിരുന്ന എല്ലാവരെയും കണ്ണീരണിയിച്ചു...  കലാലയ രാഷ്ട്രീയത്തിന്റെ രക്തസാക്ഷിയാക്കി മാറ്റാൻ വേണ്ടിയല്ല ഒരമ്മയും മക്കളെ പഠിക്കാൻ പറഞ്ഞു വിടുന്നത്.... അമ്മുവിനെ മനസ്സിലാക്കിയ ഓരോ അമ്മയും അവളുടെ ഗതികേട് പഴിച്ചങ്ങനെ മൂക്കത്ത് വിരൽ വെച്ചു  വിതുമ്പുന്ന കാഴ്ചയിൽ ആ മരണവീട്ടിൽ സങ്കടപ്പെരുമഴ ആർത്തുപെയ്തിറങ്ങി... 

      അമ്മുവിന്റെ തലയിൽ ജീവിതഭാരം ഏൽപ്പിച്ചു കൊണ്ട് അനന്തൻ കാലയവനികയിൽ മറയുമ്പോൾ വിജയ് ബാല്യം വിട്ടുമാറിയിട്ടില്ല... ആ മകനെ പ്രതീക്ഷയുടെ നറുതിരിയായ് കണ്ടു കൊണ്ട് അധ്വാനത്തിന്റെ നല്ലെണ്ണ പകർന്നു  അമ്മയും മകനുമടങ്ങിയ കുടുംബവിളക്ക്  പ്രകാശിച്ചു  മുന്നേറുകയായിരുന്നു...

  ബാല്യം വിട്ടുമാറി,  കൗമാരത്തിന്റെ പാതി പിന്നിട്ടു കൊണ്ടവൻ കലാലയ വിദ്യാർത്ഥിയായി  ചോരത്തുടിപ്പോടെ  ജീവിതക്കടൽ ആവേശത്തിൽ  നീന്തിക്കൊണ്ടിരിക്കുകയായിരുന്നു. കലാലയ രാഷ്ട്രീയത്തിലൂടെ  മുന്നേ നടന്നു പോയ ധീരരായ വിദ്യാർത്ഥിനേതാക്കളുടെ ചരിത്രം അവനിലും  സ്വാധീനം ചെലുത്തിയെന്നു തന്നെ പറയാം... അവരുടെ  സാഹസിക കഥകൾ അവന്റെ ആവേശത്തിന് ശക്തി പകർന്നു.. 

” വിജു… എനിക്ക് നിന്നെ കാണാനേ കിട്ടുന്നില്ല.. ഇന്നെങ്കിലും നേരത്തെ വരണംമോനെ.. “
രാവിലെ കോളേജിലേക്ക് പോകുമ്പോൾ പിന്നാലെ പോയി സ്നേഹത്തോടെ അമ്മു ഓരോ ദിവസവും പറയാറുണ്ട്.. എവിടെ! അമ്മയുടെ അപേക്ഷയെന്നും ജല രേഖകൾ മാത്രമായി മാറിയതല്ലാതെ.. കോളേജിലും നാട്ടിലും സുഹൃത്തുക്കൾക്ക് സേവനം കഴിഞ്ഞു വീട്ടിലെത്താനെന്നും ഘടികാര സൂചി പത്ത് മണിക്കായി കാത്തു നിന്നു!

അമ്മയോട് സ്നേഹമില്ലാഞ്ഞിട്ടല്ല. അവന്റെ സുഹൃത്തുക്കളെയെല്ലാം അവൻ അവനെക്കാളേറെ സ്നേഹിച്ചു.അവന്റെ പ്രസ്ഥാനത്തെയും അതുമായി ബന്ധപ്പെട്ടവരുടെയും പ്രയാസങ്ങൾ നിറവേറ്റിക്കഴിഞ്ഞു മാത്രമേ അവനെ ഓർക്കാൻ സമയം കണ്ടെത്തിയുള്ളൂ.

അന്ന് ഒരു വെള്ളിയാഴ്ചയായിരുന്നു. കോളേജിന് മുന്നിൽ എന്തോ സംഘട്ടനം കണ്ടു കൊണ്ടാണ് വിജയ് അവിടെയെത്തിയത്. അവനെ കണ്ടതും രാജു ഓടി വന്നു തലേദിവസം വിജയ് കൂട്ടുകാർ പതിപ്പിച്ച പോസ്റ്ററിൽ രാവിലെ എതിർ കക്ഷികൾ പോസ്റ്റർ പതിപ്പിക്കുന്നത് കയ്യോടെ പിടിച്ച കാര്യം വള്ളി പുള്ളി തെറ്റാതെ വിവരിച്ചു പറഞ്ഞു കൊടുത്തു. അത് കേട്ട പാതി കയ്യിലെ പുസ്തകം താഴെയിട്ട് അട്ടഹസിച്ചു കൊണ്ട് അവരുടെ ഇടയിലേക്ക് പടനായകനെ പോലെ അവൻ കുതിച്ചു പാഞ്ഞു. അവനപ്പോൾ  മഹാഭാരതയുദ്ധത്തിലെ പാണ്ഡവപുത്രൻ അഭിമന്യുവിന്റെ മുഖമായിരുന്നു!  ഏതാനും നിമിഷങ്ങൾക്കുള്ളിൽ ആൾക്കൂട്ടത്തിനിടയിൽ നിന്നും ഒരലമുറ ഉയർന്നു..  വിജയ്  രക്തത്തിൽ കുളിച്ചു ഉച്ചത്തിൽ അലറി വിളിച്ചു കൊണ്ട് എങ്ങോട്ടെന്നില്ലാതെ ഓടുന്നു.. 

….. അമ്മേ…… അമ്മേ….

ആ നിലവിളി കലാലയത്തിന്റെ ചുമരിലൂടെ തുളച്ചു കയറി! അത്രയും നൊമ്പരമുണർ ത്തുന്നതായിരുന്നു ആ  രോദനം..ഒരു വീടിന്റെ  പ്രതീക്ഷയുടെ നെയ്ത്തിരിയാണവൻ....അച്ഛനില്ലാതെ അമ്മ വളർത്തിയ വിയർപ്പിന്റെ മണമാണവന്റെ ഓരോ കോശ വളർച്ചയിലും!!

വത്സല. കെ
കണ്ണൂ

Facebook Comments

COMMENTS

- Advertisment -

Most Popular

മുഴുപ്പുകൾ (കവിത) ✍ ജെസ്റ്റിൻ ജെബിൻ

ഒളിപ്പിക്കാനാവാത്ത മുഴുപ്പുകളാണ് ചില്ലകളിലെന്ന് പ്ലാവ് . പ്ലാവിൽമാത്രമല്ല മുഴുപ്പുകളെന്ന് അമ്മമാരും . അരികഴുകുമ്പോഴും കറിക്കരിയുമ്പോഴും തുണിയാറാനിടുമ്പോഴുമൊക്കെ ചില്ലകളിലേക്ക്കണ്ണയച്ച് അവർ പറയും ഒളിപ്പിക്കാനാവാത്ത മുഴുപ്പുകൾതന്നെയാണ് പെൺമക്കളെന്ന്.  ✍ജെസ്റ്റിൻ ജെബിൻ

നീയും ഞാനും (കവിത) ✍ ഉഷ സി. നമ്പ്യാർ

മഴയായ് പെയ്തു നീ എൻ മനസിൻ കോണിലും മരമായ്  തീർന്നു ഞാൻ നിൻ സ്നേഹതണലിലും കാറ്റിൻ മർമ്മരം കാതിൽ കേൾക്കവേ പൊഴിയുന്നു പൂക്കൾ ചിരിതൂകും നിലാവിലും രാവിൻ മാറിലായ് നിദ്രപൂകും പാരിലായ് നീയും ഞാനുമീ സ്വപ്നരഥത്തിലും മഴയായ് പെയ്തു നീ... മരമായ് മാറി ഞാൻ ഇളകും കാറ്റിലായ് ഇലകൾ പൊഴിയവേ വിടരും പൂക്കളിൽ ശലഭമായി...

സ്വാർത്ഥവലയങ്ങൾ (ചെറുകഥ) ✍️വിദ്യാ രാജീവ്

രാഹുൽ രാവിലെ ഭാര്യയും മോളുമായ് വീട്ടിൽ നിന്നും ഇറങ്ങിയതാണ്. മോൾക്ക് സ്കൂൾബാഗും പുസ്തകവും കുടയും യൂണിഫോമുമൊക്കെ വാങ്ങിച്ചു. നല്ല വെയിൽ. 'മതി നീന, നമുക്ക് പോകാ'മെന്നു പറഞ്ഞ് രാഹുൽ ദേഷ്യപ്പെട്ടു. അല്പസമയത്തിനുള്ളിൽ തന്നെ മൂന്നു...

മോചിത (കവിത). ✍ ശ്രീജ വിധു

പൂവായി വിരിഞ്ഞ് ഇതളടർന്ന് പോകേണ്ടിയിരുന്ന സുഗന്ധമേറുന്ന വാടിയ പൂമൊട്ട്.. ഉപേക്ഷിച്ച താളിലെ അപൂർണ ജീവിത കാവ്യം... വേളി കഴിച്ചതിനാൽ ശരശയ്യയിലമർന്നവൾ.. ഭ്രാന്തിയാക്കപ്പെട്ട സന്യാസിനി...... കാലചക്ര ഭ്രമണത്തിനായി സ്വയം ആടുന്ന പെന്റുലം.... കുടുക്കയിലിട്ടലടച്ച ചിരി പൊട്ടിച്ച് പുറത്തെടുത്തവൾ.... ഇവൾ മോചിത... ഇന്നിന്റെ പ്രതീകമായ തന്റേടി.... കാറ്റിന്റെ ദിശക്കെതിരെ കറങ്ങും കാറ്റാടി... മൗനമായ് അസ്തിത്വം കീഴടക്കിയ യുദ്ധപോരാളി... കാമനകൾ കല്ലറയിൽ അടച്ചുതക ക്രിയ ചെയ്ത കാമിനി... ഓർമയുടെ ഓട്ടോഗ്രാഫ് വലിച്ചെറിഞ്ഞ സെൽഫി പ്രൊഫൈൽ... താളം...
Facebook Comments
WP2Social Auto Publish Powered By : XYZScripts.com
error: