17.1 C
New York
Tuesday, May 24, 2022
Home Literature പൊട്ടൻ (കവിത) - അജിത്ത് - റാന്നി

പൊട്ടൻ (കവിത) – അജിത്ത് – റാന്നി

അജിത്ത് – റാന്നി

ചിരിക്കും മുഖമറ കാണാതെ വീണ്ടും
വെളുക്കച്ചിരിച്ചങ്ങിരിക്കുന്നു പൊട്ടൻ
കരയും മിഴിക്കുഴിയ്ക്കുള്ളിൽ പതുങ്ങും
മുതലയെ കണ്ടിട്ടുംകാണാതെ തിരയുന്ന പൊട്ടൻ!

മക്കളെക്കണ്ടും, മാമ്പൂവ് കണ്ടും
മനക്കോട്ടകെട്ടി ഇരിക്കുന്നു പൊട്ടൻ
കരുതിയതൊക്കെ പകുത്താൽ പുറത്താക്കി
പടികൊട്ടിയടപ്പത് കാണാത്ത പൊട്ടൻ!

കോരൻ്റെ കുമ്പിളിൽ വീഴ്ത്തുന്ന കഞ്ഞിയും
ഔദാര്യമെന്ന് കരുതുന്നു പൊട്ടൻ
ദക്ഷിണയേകാൻ പെരുവിരൽ ഛേദിപ്പാൻ
വൈമനസ്യം തെല്ലും കാട്ടാത്ത പൊട്ടൻ!

കൊടിയേന്തി കോമരം തുള്ളിയാടുമ്പോൾ
കൂടപ്പിറപ്പിനെ കാണാത്ത പൊട്ടൻ
വീഴ്ത്തും നിണവർണ്ണമേകമാണെന്ന്
തിമിരാന്ധകാരത്തിൽ കാണാത്ത പൊട്ടൻ!

അയലത്തെ പ്രൗഢിയെ അതിശയിപ്പിക്കാൻ
അരുതാത്തതെന്തും ചെയ്യുന്ന പൊട്ടൻ
വെട്ടിപ്പിടിച്ചത് സ്വന്തമെന്നോർത്ത്
മർത്യനെ പാടേ മറക്കുന്ന പൊട്ടൻ!

അക്കരപ്പച്ചയെ തേടുന്ന പൊട്ടൻ
ഇക്കരക്കാഴ്ച മറക്കുന്ന പൊട്ടൻ
പൊട്ടും കുമിളതൻ വർണ്ണപ്പൊലിമയിൽ

ചില്ലുകൊട്ടാരത്തിലമരുന്നപൊട്ടൻ.

Facebook Comments

COMMENTS

- Advertisment -

Most Popular

കൊഴിഞ്ഞു വീഴുന്ന പെൺപൂവുകൾ..(ലേഖനം)

  വിസ്മയ കേസ് വീണ്ടും വാർത്തകളിൽ ഇടം പിടിക്കുമ്പോൾ കേരളമേ തിരിഞ്ഞൊന്നു നോക്കുക. എത്ര എത്ര പെൺകുട്ടികൾ സ്റ്റവ് പൊട്ടിത്തെറിച്ചും തൂങ്ങിമരിച്ചും ഒക്കെ ജീവിതം അവസാനിപ്പിച്ചിരിക്കുന്നു. വിടരും മുൻപേ കൊഴിഞ്ഞു പോയിരിക്കുന്നു എന്തുകൊണ്ടാണ് നമ്മുടെ...

മുടികൊഴിച്ചിലും താരനും

മുടികൊഴിച്ചിലും താരനും ഇന്ന് മിക്കവരേയും അലട്ടുന്ന രണ്ട് പ്രശ്നങ്ങളാണ്. ഭക്ഷണത്തിലൂടെ ഒരു പരിധി വരെ മുടികൊഴിച്ചില്‍ കുറയ്ക്കാന്‍ സാധിക്കും. പോഷകങ്ങള്‍ കൂടുതലുള്ള ഭക്ഷണങ്ങള്‍ കഴിച്ച് തന്നെ മുടികൊഴിച്ചില്‍ കുറയ്ക്കാം. ഇലക്കറികളാണ് ആദ്യത്തേത്. ആരോഗ്യ...

ഒരാള്‍ ഇരിക്കുന്ന സമയത്തിന്റെ ദൈര്‍ഘ്യം വെറും ഒരു മണിക്കൂര്‍ കുറച്ചാല്‍ ജീവിതശൈലീ രോഗങ്ങളില്‍ നിന്നും രക്ഷപ്പെടാം

ഒരു ദിവസം ഒരാള്‍ ഇരിക്കുന്ന സമയത്തിന്റെ ദൈര്‍ഘ്യം വെറും ഒരു മണിക്കൂര്‍ കുറച്ചാല്‍തന്നെ പല ജീവിതശൈലീ രോഗങ്ങളില്‍ നിന്നും രക്ഷപ്പെടാന്‍ സാധിക്കുമെന്ന് പുതിയ പഠനങ്ങള്‍ ചൂണ്ടിക്കാട്ടുന്നു. ഫിന്‍ലന്‍ഡിലെ ടുര്‍ക്കു പെറ്റ് സെന്ററും യുകെകെ...

പ്രധാന വാർത്തകൾ ഒറ്റനോട്ടത്തിൽ

◼️പെട്രോള്‍, ഡീസല്‍ വില കേന്ദ്രസര്‍ക്കാര്‍ കുറച്ചു. എക്സൈസ് തീരുവ കുറച്ചതോടെ കേരളത്തില്‍ പെട്രോളിന് 10.40 രൂപയും ഡീസലിന് 7.37 രൂപയും കുറയും. പാചക വാതക സിലിണ്ടറിന് 200 രൂപ നിരക്കില്‍ വര്‍ഷം പരമാവധി...
Facebook Comments
WP2Social Auto Publish Powered By : XYZScripts.com
error: