17.1 C
New York
Saturday, June 25, 2022
Home Literature പെണ്ണെഴുതുമ്പോൾ (കവിത)

പെണ്ണെഴുതുമ്പോൾ (കവിത)

✍️അമ്പിളിപ്രകാശ്, ഹ്യൂസ്റ്റൺ

പെണ്ണെഴുതുമ്പോൾ…..
ചുറ്റിലാളുന്നുണ്ട് അഗ്നിജ്ജ്വാലകൾ..
കണ്ണിലോ ,രോഷത്തിരകളിളകുന്നുണ്ട്…
നെഞ്ചിലോ ,തീച്ചുരുളുകൾ കത്തുന്നുണ്ട്.
നാഡിയിലോ ,രക്തം തിളക്കുന്നുണ്ട്…
ദംഷ്ട്രകൾ തമ്മിലുരസുന്നുണ്ട് …
ശാപവാക്കുകൾ തൻ ഒച്ച കേൾക്കുന്നുണ്ട്…

പെണ്ണെഴുതുമ്പോൾ…..
തൂലിക ഛുരികയാകുന്നുണ്ട്..
മഷിയിലോ നിണം പുരളുന്നുണ്ട്..
ഉള്ളിലൊരു വൻകടലിരമ്പുന്നുണ്ട്…’
ചെന്നായ്ക്കൾ ചുറ്റിലും മുരളുന്നുണ്ട്‌….
കാട്ടാളകൈകളവളൾക്കു നേർ നീളുന്നുണ്ട്..
പാതകളിൽ കല്ലുകൾ ഉരുണ്ടു കൂടുന്നുണ്ട്.

പെണ്ണെഴുതുമ്പോൾ……
കണ്ണിൽ നനവു പടരുന്നുണ്ട്…
കരിമഷി കലങ്ങുന്നുണ്ട്..
സപ്തനാഡിയിലൂർജം തിരയുന്നുണ്ട്..
തലമുടിച്ചുരുളുകൾ പാറിപ്പറക്കുന്നുണ്ട്..
വിരൾത്തുമ്പൊരു വീണയാകുന്നുണ്ട്..
കാൽച്ചിലമ്പുകൾ കവിത കുറിക്കുന്നുണ്ട്.

പെണ്ണെഴുതുമ്പോൾ…..
വാതിലുകളാരോ തള്ളിത്തുറക്കുന്നുണ്ട്…
കുഞ്ഞിന്റെ രോദനം വന്നലതല്ലുന്നുമുണ്ട്.
അടുക്കളക്കോലയിൽ അമർഷംപുകയുന്നുണ്ട്,
അടക്കംപറച്ചിലിൻ മർമ്മരം കേൾക്കുന്നുണ്ട്,
അവളോ,നെഞ്ചെരിപ്പോടാറ്റുന്നുമുണ്ട്..

അവൾക്ക് വിഷയദാരിദ്ര്യമില്ല.
ഉള്ളൊരു ഉറവയാകുന്നുണ്ട്.
തടിനിയായ് പരന്നൊഴുകുന്നുമുണ്ട്.
എഴുത്തോ ലാഹിരിയാകുന്നുണ്ട്
കൂട്ടിലെക്കിളി പാറുന്നുമുണ്ട്,
ഒരു സുഖ നിദ്രയേകുന്നുമുണ്ട്..

പെണ്ണെഴുതട്ടെ…..
സർവംസഹയായമ്മ തൻ മാറിലിരുന്ന്,
പെണ്ണിനു കരുത്തുപകരുവാൻ…
പെണ്ണിനു വേണ്ടി….
പെണ്ണിൻ മനമറിയുന്നവൾ
പെണ്ണിന്റെഗാഥ പാടട്ടെ,
പെണ്ണുവെറും പെണ്ണല്ലെന്നു ചെല്ലട്ടെ…

പെണ്ണോ!!!!!!!!!!!!!!!!!!
അവളൊരു ദേവിയാണ്.
ഒരുവെണ്ണിലാവിൻ കുളിരു പോൽ’
ഒരു വസന്തകാലത്തെ വർഷമായി
ഒരാലിപ്പഴത്തിന്റെ തണുപോൽ,
സ്നേഹ സ്പർശമായി….
ഒരമ്മ തൻ താരാട്ടായി……
അവളുമെഴുതട്ടെ……..

✍️അമ്പിളിപ്രകാശ്

Facebook Comments

COMMENTS

- Advertisment -

Most Popular

കതിരും പതിരും( 7) ✍ ജസിയഷാജഹാൻ

സ്നേഹവ്രണങ്ങളിലെ മൗനത്തിന്റെ കയങ്ങങ്ങളിലേക്ക് നീ ഹൃദയം ചേർത്ത് വച്ചിട്ടുണ്ടോ?...ചോരച്ചോപ്പും കണ്ണീർകറുപ്പും നിന്നിൽ പടർന്നിട്ടുണ്ടോ.... സ്നേഹത്തിന്റെ ഭൂമിയിലേക്ക് നമുക്കൊന്നു കൈകോർത്തു നടന്ന് ആകാശം പൂകാം...വരൂ..മനുഷ്യരേ... സ്നേഹിക്കണം... സ്നേഹം നമുക്ക് തോന്നണം.സ്നേഹം അതനുഭവിച്ച് തന്നെ അറിയണം. സ്നേഹം ആരിൽ...

റോബിൻ പള്ളുരുത്തി അവതരിപ്പിക്കുന്ന ലേഖയും മാഷും (15)

"എന്താ ലേഖേ മുഖം വാടിയിരിക്കുന്നത് ? സ്കൂൾ തുറന്ന ആദ്യദിനം തന്നെ കൂട്ടുകാരികളുമായി പിണങ്ങിയോ ?" "പിണങ്ങിയതൊന്നുമല്ല മാഷേ ...അതായിരുന്നെങ്കിൽ സാരമില്ലായിരുന്നു. " "ങ്ങ്ഹേ..പിന്നെന്താടോ ?" "അത്... മാഷേ കഴിഞ്ഞ വർഷം ക്ലാസിലുണ്ടായിരുന്ന എന്റെ കൂട്ടുകാരികളെല്ലാം ഈ വർഷം...

‘വിശ്വസാഹിത്യത്തിലെ വിസ്മയങ്ങൾ’ (14)

'മലയാളി മനസ്സ് ' ന്റെ പ്രിയപ്പെട്ട എല്ലാ വായനക്കാർക്കും 'വിശ്വസാഹിത്യത്തിലെ വിസ്മയങ്ങൾ' എന്ന പംക്തിയുടെ പതിന്നാലാം ഭാഗത്തിലേയ്ക്ക് സ്നേഹപൂർവം സ്വാഗതം🙏❤️🌹 വിശ്വപ്രസിദ്ധനായ ഇന്ത്യൻ സാഹിത്യകാരൻ രബീന്ദ്രനാഥ ടാഗോറിന്റെ "ദ പോസ്റ്റ് മാസ്റ്റർ" എന്ന വിഖ്യാതമായ...

ശുഭചിന്ത – 18 ‘പുണ്യമായ സത്കർമ്മങ്ങൾ’ ✍ പി . എം . എൻ . നമ്പൂതിരി

ഭക്തി, ആരോഗ്യം, സന്തോഷം, മനസ്സമാധാനം, ഉറക്കം, ഇതിനേ ക്കാള്‍ പണത്തിന്‌ പ്രാധാന്യം നല്‍കരുത്‌. കണ്ണുനീര്‍ തുടയ്ക്കുക,പ്രപഞ്ജ സൃഷ്ടിയെ വണങ്ങുക...നല്ലതുമാത്രം വിചാരിക്കുക,നമുക്ക് കിട്ടിയ തെല്ലാം അനുഗ്രഹങ്ങളാണെന്നോർക്കുക. സത്‌ഫലങ്ങള്‍ മാത്രം തരുന്ന മരത്തെപ്പോലെയാവുക,കല്ലെറിഞ്ഞാലും അത്‌ ഫലങ്ങള്‍ കൊഴിച്ചുതരും. പെരുമാറ്റരീതികളും,മനോഭാവങ്ങളും പൂന്തോട്ടത്തേക്കാള്‍...
Facebook Comments
WP2Social Auto Publish Powered By : XYZScripts.com
error: