17.1 C
New York
Monday, October 18, 2021
Home Literature പൂർവ്വസ്‌മൃതി (കവിത)

പൂർവ്വസ്‌മൃതി (കവിത)

സതി സതീഷ്, റായ്പ്പൂർ

ഇനിയോ? ഇനിയെന്റെ വ്യർഥ
മോഹങ്ങൾ നീറും കനലിൽ കരയുന്ന
ശലഭ വ്യൂഹം മാത്രം
മനസേ തേടി ചെന്നതേ തൊരു കൊടും
നോവിൻ ഖനിയിൽ പെരുകുന്ന
കണ്ണുനീർ ഉറവകൾ
അർത്ഥിയല്ലന്നാകിലും എന്റെ
മോഹത്തെ പുൽകാൻ എത്തി നിൻ
അപാംഗ സമ്മോഹന മരീചികൾ
എന്തിനാണത് വന്നു തിളക്കി
പൊടുന്നനെ
അന്ധകാരത്തിൽ ചാഞ്ഞ ഗൂഢ
സങ്കൽപ്പങ്ങളെ
എന്തൊരു നവോന്മേഷ വാഹിയാം
ഭാവങ്ങൾ
എൻ അന്തരാത്മാവിൻ രംഗവേദിയിൽ
തുടികൊട്ടി.
മലയാനിലൻ ചുംബിച്ചുണർത്തും
മുളന്തണ്ടായി മധുരോദാരം
പാടി മഴ മേഘത്തിൽ കുന്നിൽ മയിൽ
പോൽ തെളിഞ്ഞാടി മുഴു തിങ്കളെ കണ്ട
കടലായി മദം ചൂടി നിന്നു ഞാൻ ചില
കാലം
ഒട്ടു നാൾ മാത്രം പിന്നെയൊക്കെയും
ഏതോ ശാപഗ്ര സ്ഥമാം കഥയിലെ
വിരഹാംഗമായി തീർന്നു
എവിടെതെറ്റിൻ കൊച്ചു നാമ്പുകൾ
മുളച്ചെന്നും എവിടെ പടർന്നെന്നും
ഇപ്പോഴും അറിവില്ല
അറിവെൻ വിധിയെന്ന മാന്ത്രിക
ജാലക്കാരൻ അരുളി ചെയ്യുമ്പോലെ
ആടുവാൻ വിധിച്ചോർ നാം
ശരിയും തെറ്റും തമ്മിൽ വേർതിരിച്ചീടും
നേർത്ത വരയെ തേടി തേടി ജീവിതം
തുലയുന്നു’
കണ്ടുമുട്ടിയ നല്ല നാളിനെക്കുറിച്ചെത്ര
കണ്ടു നാം ആഹ്ലാദിച്ചു പണ്ടൊക്കെ
ഓർക്കുന്നുവോ?
മറക്കുവാനാവില്ലെന്ന
മുഗ്ദാക്ഷരങ്ങൾ പോലും മറക്കെ
മറ്റുള്ളവ
എങ്ങനെ ഓർമ്മിക്കും നീ
ചിന്തകൾ കല്ലേ റേറ്റു തകരും കൂട്ടിൽ
നിന്നും ചിന്തിയ കടന്നെല്ലിൻ പറ്റം
പോൽ പെരുകുന്നു
ഇച്ഛയും അനിച്ഛയും തങ്ങളിൽ
പൊരുതിയീ തുശ്ചമാം കാലത്തിന്റെ
സ്വച്ഛത നശിപ്പിപ്പൂ
മറക്കാൻ കഴിഞ്ഞെങ്കിൽ
കേവലമൊരു മോഹം

മനസേ തേടി ചെന്നതേ തൊരു കൊടും
നോവിൻ ഖനിയിൽ പെരുകുന്ന
കണ്ണുനീർ ഉറവകൾ

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

മസാല റൈസ്

എല്ലാവർക്കും നമസ്‌കാരം റൈസ് വെറൈറ്റി കുറേയുണ്ടല്ലോ. പൊടിയരി കൊണ്ട് ഒരു വെറൈറ്റി ഉണ്ടാക്കിയാലോ എന്ന തോന്നൽ. അങ്ങനെ പരീക്ഷണം വിജയിച്ചു. പൊടിയരി മസാല റൈസ്. അപ്പോ പാചകക്കുറിപ്പിലേക്ക് പോകാം. 💥മസാല റൈസ് 🏵️ആവശ്യമായ സാധനങ്ങൾ 💥മട്ട പൊടിയരി-ഒരു കപ്പ്💥നെയ്യ്-മൂന്നു...

തൂവൽസ്പർശം (കവിത)

കർമ്മബന്ധങ്ങളുടെ ...

തിരിഞ്ഞു നോക്കുമ്പോൾ – സുകുമാരി

ചെറുതും വലുതുമായ ഒട്ടേറെ വേഷങ്ങളിലൂടെ മലയാളിയെ ചിരിപ്പിക്കുകയും കരയിപ്പിക്കുകയും ചിന്തിപ്പിക്കുകയും ചെയ്ത നടിയാണ് സുകുമാരിയമ്മ. അനായാസമായ അഭിനയശൈലിയാലും വൈവിദ്ധ്യമാർന്ന വേഷങ്ങളാലും മലയാളസിനിമയിൽ തന്റെതായ ഒരിടം നേടിയെടുത്തൊരു നടിയാണ് അവർ. 1940 ഒക്ടോബർ 6 നു...

കെ റെയിൽ ആരുടെ താല്പര്യം സംരക്ഷിക്കാൻ? .

കേരളത്തിൽ കെ റെയിൽ എന്നത് ആരുടെ താല്പര്യം സംരക്ഷിക്കാൻ സംസ്ഥാന സർക്കാർ വലിയ സംഭവമായി കൊണ്ടാടുന്ന കെ റെയിൽ അതിനായി 2000 ഹെക്ടർ സ്ഥലമാണ് ഏറ്റെടുക്കേണ്ടത് ഇത് വഴി അനേകം പേരുടെ കിടപ്പാടവും...
WP2Social Auto Publish Powered By : XYZScripts.com
error: