17.1 C
New York
Monday, June 14, 2021
Home Literature പാരതന്ത്ര്യം (കവിത)

പാരതന്ത്ര്യം (കവിത)

ഷീജ ഡേവിഡ്

ഏഴു പതിറ്റാണ്ടിലേറെയായ് അമ്മതൻ സ്വാതന്ത്ര്യ ദുഗ്ധം നുകർന്നിടുന്നു ജീവൻ വെടിഞ്ഞു നാം നേടിയോരീ മഹാ
സ്വാതന്ത്ര്യമെന്തിനായ് മാനവരേ?

ഉന്നത ജന്മങ്ങളെന്നുമെന്നും സുഖം പങ്കിട്ടു ജീവിതമാസ്വദിക്കാൻ
പാവങ്ങളെന്നും ദരിദ്രജന്മങ്ങളായ്
ജീവൻ പിടഞ്ഞു മരിക്കുവാനോ?

അമ്മതൻ മാനം ഹനിക്കുവാനോ?പിഞ്ചു മക്കൾ തൻ ജീവൻ കെടുത്തുവാനോ?
പാലൊളി തൂകുമീ കൗമാരമാകവേ
പാഴിലായ് തച്ചു തകർക്കുവാനോ?

ജാതി, മത, രാഷ്ട്ര ഭ്രാന്തിയിൽ തമ്മിലായ്
ക്രൂരമായ് വെട്ടിനുറുക്കുവാനോ?
നാടിന്നനുഗ്രഹമായിടും സമ്പത്തുകൃത്യമായ് പങ്കിട്ടെടുക്കുവാനോ?

ഏഴകളാവും ജനങ്ങളെ വഞ്ചിച്ചു
നിർദയം ചൂഷണം ചെയ്യുവാനോ?
ആലംബഹീനർ, അനാഥർ, നിരാശ്രയർ-
ക്കേറ്റം ദുരന്തങ്ങളേകുവാനോ?

വാഹന, സൗധങ്ങളാകവേ വാശിയിൽ
നിഷ്ടൂരം ചുട്ടു കരിക്കുവാനോ?
സ്വർഗ്ഗ സമാനമായ് തീർക്കേണ്ട ജീവിതം
സ്വാർത്ഥരായ് തല്ലിത്തകർക്കുവാനോ?
വൃദ്ധരാം മാതാപിതാക്കൾതൻ രോദനം
കേട്ടില്ലയെന്നു നടിക്കുവാനോ?

ആരോരുമില്ലാത്തൊരച്ഛനെ നിർദയം
ചങ്ങലയ്ക്കിട്ടു കിടത്തുവാനോ?
അമ്മ, പെങ്ങമ്മാരെ, പിഞ്ചുകിടാങ്ങളെ
ഭോഗവസ്തുക്കളായ് തീർക്കുവാനോ?
വിശ്വപൗരന്മാരായ് തീരേണ്ട മക്കളെ
മാഫിയ സംഘങ്ങളാക്കുവാനോ?

വാശിയും, വീറും, പകയുമായ് നാടിന്റെ
സ്വസ്ഥത വീണ്ടും തകർക്കുവാനോ?
നീതി ന്യായങ്ങൾ തൻ മൂല്യങ്ങളൊക്കെയും
നിഷ്പ്രഭം കാറ്റിൽ പറത്തുവാനോ?

ഭാരത മാതാവിൻ മക്കളാം നാമിന്നു
പൂർണ സ്വതന്ത്രരായ് വാണിടുന്നു
സ്വാതന്ത്ര്യമല്ലിതിൻ പേര് മാലോകരെ
പാരതന്ത്ര്യം കൊടും
പാരതന്ത്ര്യം.”

“പാരതന്ത്ര്യം മാനികൾക്ക്
മൃതിയെക്കാൾ ഭയാനകം ‘.


മഹാകവി കുമാരനാശാൻ.

COMMENTS

2 COMMENTS

  1. അമ്മയുെടെ മാറിടത്തിൽ കിടന്ന് പരസ്പരം വെട്ടി മരിക്കുന്ന രാഷ്ട്രീയ പിശാചുക്കൾക്ക് പുനർവിചിന്തനം ചെയ്യുവാനുള്ള അവസരം.

  2. ഇന്ന് സ്വാതന്ത്ര്യം കുരങ്ങൻ്റെ കൈയ്യിൽ പൂമാല പോലെ എന്ന സാഹചര്യം ആണ് ചിലർക്ക് എങ്കിൽ, മറ്റ് ചിലർക്ക് സ്വന്തം ആഗ്രഹങ്ങൾക്ക് വേണ്ടി രാജ്യത്തെ മതവും ജാതിയും പറഞ്ഞു വെട്ടി മുറിക്കാൻ ഉള്ള തൻ്റേടവും.

    നല്ല ഭാഷാവിഷ്ക്കാരം!
    സ്നേഹപൂർവ്വം ദേവു ❤️

LEAVE A REPLY

Please enter your comment!
Please enter your name here

- Advertisment -

Most Popular

വ്യാ​ഴാ​ഴ്ച വ​രെ സം​സ്ഥാ​ന​ത്ത് ശ​ക്ത​മാ​യ മഴ തുടരും.

വ്യാ​ഴാ​ഴ്ച വ​രെ സം​സ്ഥാ​ന​ത്ത് ശ​ക്ത​മാ​യ മ​ഴ തു​ട​രു​മെ​ന്ന് കാ​ലാ​വ​സ്ഥാ നി​രീ​ക്ഷ​ണ​കേ​ന്ദ്രം.അ​ടു​ത്ത 24 മ​ണി​ക്കൂ​റി​ൽ ഏ​ഴ് മു​ത​ൽ 11 സെ​ന്‍റി​മീ​റ്റ​ർ വ​രെ​യു​ള്ള ശ​ക്ത​മാ​യ മ​ഴ​യ്ക്കും തു​ട​ർ​ന്നു​ള്ള ദി​വ​സ​ങ്ങ​ളി​ൽ 24 മ​ണി​ക്കൂ​റി​ൽ 20 സെ​ന്‍റി​മീ​റ്റ​ർ വ​രെ​യു​ള്ള...

ജയത്തോടെ ബ്രസീൽ തുടങ്ങി

കോപ്പയിലും ഇനി ഫുട്‌ബോൾ കൊടുങ്കാറ്റ് *ജയത്തോടെ ബ്രസീൽ തുടങ്ങി* ലാറ്റിനമേരിക്കയിലെ കോപ്പ ഫുട്ബോൾ പൂരത്തിന് ബ്രസീലിൽ തുടക്കം. ആതിഥേയരായ കാനറിപ്പടയ്ക്ക് ആദ്യ ജയം. വെനസ്വേലയെ ഏകപക്ഷീയമായ മൂന്ന് ഗോളുകൾക്കാണ് ബ്രസീൽ തോൽപ്പിച്ചത്. ഒരു ഗോളും അസിസ്റ്റുമായി സൂപ്പർതാരം...

യൂറോ കപ്പ്: ആവേശപ്പോരിൽ ഹോളണ്ടിന് ജയം

യൂറോ കപ്പ്: ആവേശപ്പോരിൽ ഹോളണ്ടിന് ജയം അടിയും തിരിച്ചടിയും കണ്ട മത്സരത്തിൽ ഹോളണ്ടിന് മിന്നും ജയം. രണ്ടിനെതിരെ മൂന്ന് ഗോളുകൾക്ക് ഉക്രെയ്നെയാണ് ഓറഞ്ച് പട തോൽപ്പിച്ചത്. രണ്ടാം പകുതിയിലാണ് അഞ്ച് ഗോളും പിറന്നത്. 52-ാം മിനിറ്റിൽ...

യൂറോ: ഓസ്ട്രിയയ്ക്ക് തകർപ്പൻ ജയം

യൂറോ: ഓസ്ട്രിയയ്ക്ക് തകർപ്പൻ ജയം ഇംഗ്ലണ്ടിനും വിജയത്തുടക്കം ക്രൊയേഷ്യയെ ഏകപക്ഷീയമായ ഒരു ഗോളിനാണ് ഇംഗ്ലണ്ട് തോൽപ്പിച്ചതെങ്കിൽ നോർത്ത് മാസിഡോണിയയെ ഒന്നിനെതിരെ മൂന്ന് ഗോളുകൾക്കാണ് ഓസ്ട്രിയ പരാജയപ്പെടുത്തിയത്. 57-ാം മിനിറ്റിൽ റഹീം സ്റ്റെർലിംഗാണ് ഇംഗ്ലണ്ടിനായി വിജയഗോൾ നേടിയത്. ഓസ്ട്രിയയ്ക്കായി ലെയ്നർ,ഗ്രിഗോറിസ്ച്ച്,...
WP2Social Auto Publish Powered By : XYZScripts.com
Share via
Copy link
Powered by Social Snap