17.1 C
New York
Monday, November 29, 2021
Home Literature പടിപ്പുര (കവിത)-വിനോദ് കൊല്ലങ്ങോട്

പടിപ്പുര (കവിത)-വിനോദ് കൊല്ലങ്ങോട്

പടിയിറങ്ങും മുമ്പ്
നിന്റെ ഹൃദയത്തിന്റെ വേദനകൾ
അകത്തങ്ങളിൽ നിന്ന് കേൾക്കവേ
പലവട്ടമാവർത്തിച്ചിരുന്നു ഞാൻ
പടിയിറങ്ങരുതെന്ന് ..

പറയാതെ മൊഴിഞ്ഞും
ഇടകലർന്ന് കരഞ്ഞും
ഞാൻ കാത്തിരുന്നതൊക്കെയും
നിൻ പാദശബ്ദത്തിന്
കാതോർത്തു മാത്രമായിരുന്നു.

അന്തിത്തിരിയെരിഞ്ഞു –
തീർന്ന ഉമ്മറപ്പടിയിലേയ്ക്ക്
ചൂട്ടുമായെത്തുന്ന കാപട്യവർഗ്ഗങ്ങൾ ,
പറയാതെയെത്തുന്ന
അകലത്തെയതിഥികൾ ,
പടിതേടിയെത്തുന്ന വഴിപോക്കമാനവർ
തെല്ലൊന്നു നോക്കാതെ പോയിടുമ്പോൾ

ഞാൻ തേടിയ കാലൊച്ചകളിലിന്നും
ഓർത്ത് വച്ചിരുന്നത് പടിയിറങ്ങിപ്പോയ
നിന്റെ പാദങ്ങൾ മാത്രമായിരുന്നു
അകലങ്ങളിന്നും ഇരുട്ടിനെ കീറി മുറിച്ച്
തീച്ചൂട്ടുകൾ എരിയുമ്പോളുള്ളിൽ ഒരു നിമിഷമെങ്കിലും വിടരുന്നുണ്ട് നിറമാർന്ന ഇന്നലകളുടെ സന്തോഷപൂമൊട്ടുകൾ ..

പടിയിറക്കപ്പെട്ടവന്റെ വരവും കാത്ത്
ഇന്നുമേറെ പടിപ്പുരവാതിലുകൾ
ഹൃദയ വാതിലുകൾ തുറന്ന്
വിജനതയിൽ കണ്ണും നട്ടിരുപ്പുണ്ട്
തിരികെയെത്തുന്ന കാലടികൾക്കായ്..

വിനോദ് കൊല്ലങ്ങോട്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ബലാത്സംഗത്തിന് ജീവപര്യന്തം, ഇര കുട്ടികളെങ്കില്‍ വധശിക്ഷ, യു.എ.ഇയില്‍ പുതിയ നിയമ പരിഷ്‌കാരം.

ബലാത്സംഗത്തിന് ജീവപര്യന്തം തടവ് വ്യവസ്ഥ ചെയ്ത് കൊണ്ട് യുഎഇയിലെ ഫെഡറൽ ക്രൈം ആൻഡ് പണിഷ്മെന്റ് നിയമം പരിഷ്കരിച്ചു. ഇരയ്ക്ക് 18 വയസ്സിന് താഴെയോ, അംഗവൈകല്യമോ മറ്റോ ഉണ്ടെങ്കിലോ, പ്രതിരോധിക്കാൻ കഴിയാത്ത അവസ്ഥയിലാണെങ്കിലോ ശിക്ഷ വധശിക്ഷ...

പാർലമെന്‍റ് ശീതകാല സമ്മേളനത്തിന് ഇന്ന് തുടക്കം.

പാർലമെന്‍റിന്‍റെ ശീതകാല സമ്മേളനത്തിന് ഇന്ന് തുടക്കമാവും. വിവാദമായ മൂന്നു കാർഷിക നിയമങ്ങൾ പിൻവലിക്കുന്നതടക്കം 26 പുതിയ ബില്ലുകൾ സഭയിൽ വരും. സഭാ സമ്മേളനത്തിന്‍റെ ആദ്യ ദിനമായ ഇന്ന് മൂന്നു കാർഷിക നിയമങ്ങൾ പിൻവലിക്കുന്ന...

രാജവംശത്തിന്റെ അവസാന കണ്ണി അറക്കൽ ബീവി അന്തരിച്ചു.

കേരളത്തിലെ ഏക മുസ്‌ലിം രാജവംശമായ അറയ്ക്കല്‍ രാജകുടുംബത്തിന്റെ 39ാമത് സുല്‍ത്താന്‍ ആദിരാജ മറിയുമ്മ എന്ന ചെറിയ ബീകുഞ്ഞി ബീവി (87) അന്തരിച്ചു. കണ്ണൂര്‍ സിറ്റി അറയ്ക്കല്‍ കെട്ടിനകത്ത് സ്വവസതിയായ അല്‍മാര്‍ മഹലിലായിരുന്നു അന്ത്യം. മദ്രാസ്...

സംസ്ഥാനത്ത് ശക്തമായ മഴ തുടരാൻ സാധ്യത; 10 ജില്ലകളിൽ ഇന്ന് യെല്ലോ അലേർട്ട്.

സംസ്ഥാനത്ത് ഇന്ന് ശക്തമായ മഴ തുടരാൻ സാധ്യതയെന്ന് മുന്നറിയിപ്പ്. മധ്യകേരളത്തിലും വടക്കൻ കേരളത്തിലും മഴ കനക്കുമെന്ന് കേന്ദ്ര കാലാവസ്ഥാ കേന്ദ്രം പറയുന്നു. കോട്ടയം മുതൽ കാസർഗോഡ് വരെയുള്ള 10 ജില്ലകളിൽ ഇന്ന് യെൽലോ...
WP2Social Auto Publish Powered By : XYZScripts.com
error: