17.1 C
New York
Saturday, October 16, 2021
Home Literature നീയും ഞാനും! ഒരു കപ്പ് കാപ്പിയും! (കവിത)

നീയും ഞാനും! ഒരു കപ്പ് കാപ്പിയും! (കവിത)

-ദേവു-S

ഇരവുകളോരോന്നും അടരറ്റ് വീഴുന്ന
മരുവിൻ്റെ പടമുറ്റത്തീരണ്ട് ജന്മങ്ങൾ
അരുമയായി ഓർത്തീടാൻ
ഓർമ്മതൻ ചില്ലകളിൽ
ഒരുമിക്കുന്നു നീയും, ഞാനും!
ഒരു കപ്പ് കാപ്പിയും!

പുലരി തൻ കിരണം
പടി കടന്നെത്തുമ്പോൾ,
പുകച്ചുരുളുകൾ മച്ചിനെ പുൽകി തഴുകുമ്പോൾ
പകലോൻ്റെ തകിലടിയിൽ
ഉണർത്തുപാട്ടായി
കരിവളകിലുങ്ങും കൈകളിൽ വരവായി
പുലർകാല വേളയിൽ
കുളിരാർന്നൊരോർമ്മയായി,
ഒരുമിക്കുന്നു നീയും, ഞാനും
ഒരു കട്ടൻ കാപ്പിയും!

മഴത്തുള്ളികൾ നടനമാടും തൊടിയിലും മുറ്റത്തും
നിഴൽ വീണ കൽപടവിൽ അന്തി വിരുന്നെത്തുമ്പോൾ
ഉമ്മറ കോലായിലെത്തുന്നെൻ പ്രേയസിയുടെ
അഴകേറും വദനത്തിൽ കാർകൂന്തൽ തത്തിക്കളിക്കും
അഴലിന്നലകളെ ഊതിതെളിയിച്ച്
ഒരുമിക്കുന്നു നീയും, ഞാനും
ഒരു കട്ടൻ കാപ്പിയും!

മേടമാസത്തിനുഷ്ണം ജ്വലിച്ചീടും
കത്തിക്കരിഞ്ഞ പകൽ ചത്ത് മലച്ചീടും
നാട്ട് വിശേഷങ്ങൾ ചർച്ച ചെയ്യുന്നാ നാട്ടുമാവിൻ ചോട്ടിലായി
നാവിൻ രസമേറീടാൻ, നവനിമിഷങ്ങൾ പെറ്റ് പെരുകീടാൻ
പ്രിയയുടെ കൈപ്പുണ്യത്തിന്നടയാളമായി,
ഒരുമിക്കുന്നു നീയും, ഞാനും ഒരു കപ്പ് കാപ്പിയും!

കോലങ്ങൾ കാലം ചെയ്തു നീങ്ങീടുകിൽ
കോലാഹലങ്ങൾ ഇങ്ങുലകിൽ പലതുണ്ടായീടിലും
കാലൻ്റെ നിനയാത്ത രംഗപ്രവേശത്തിലെന്നോ
അകലേക്കായി നീ മറഞതെന്നേക്കുമായി-
അരുമയായിയിന്നും എന്നോർമ്മ തന്നംഗണത്തിൽ
പതിവായിയൊന്നിച്ച് ചേരാറുണ്ട്,
നീയും ഞാനും, ഒരു കപ്പ് കാപ്പിയും!

കാപ്പി സ്മരണകളിൽ
-ദേവു-

COMMENTS

13 COMMENTS

  1. പുലർകാല വേളയിൽ, കുളിരനോരോർമയായി
    ഒരുമിക്കുന്നു നീയും ഞാനും ഒരു കട്ടൻ കാപ്പിയും
    ഈ വരികൾ എന്റെ പഴയ കളത്തിലേക്കു കൊണ്ടു പോയി.. തുടർന്നും എഴുതുക.. പ്രാർത്ഥനയോടെ

  2. മനോഹരം…. നന്നായിട്ടുണ്ട്…. ഇനിയും എഴുതുക….. ഇതുപോലെ ഗൃഹതുരത്ത്വം ഉള്ള വരികൾ 🙏

  3. നന്നായിട്ടുണ്ട് 👌👌 ഇനിയും നല്ല കഥയും കവിതകളും ഉണ്ടാകട്ടെ 😍😍

  4. മനോഹരമായി എഴുതിയിട്ടുണ്ട്. ഇനിയും ഭാവനകളിൽ ഒത്തിരി കവിതകളും കഥകളും ജന്മെടുക്കെ . എല്ലാ വിധ ആശംസകളും.

LEAVE A REPLY

Please enter your comment!
Please enter your name here

- Advertisment -

Most Popular

വേള്‍ഡ് മലയാളി കൗണ്‍സില്‍ ചിക്കാഗോ പ്രോവിന്‍സ് ഭവന നിര്‍മ്മീണ പദ്ധതി

ചിക്കാഗോ: ജീവകാരുണ്യ പ്രവര്‍ത്തനങ്ങള്‍ക്ക് മുന്‍തൂക്കം നല്‍കുന്ന വേള്‍ഡ് മലയാളി കൗണ്‍സില്‍ ചിക്കാഗോ പ്രോവിന്‍സിന്റെ 'ഹോം ഫോര്‍ ദി ഹോംലെസ്' പദ്ധതിയുടെ ഭാഗമായി നിര്‍ധനരായ ആറ് കുടുംബങ്ങള്‍ക്ക് കേരളത്തിന്റെ വിവിധ ഭാഗങ്ങളിലായി ഭവനങ്ങള്‍ നിര്‍മ്മിച്ച്...

നൈൽ നദി (നദികൾ.. സ്നേഹ പ്രവാഹങ്ങൾ ..)

മണ്ണടിഞ്ഞുപോയ മിക്ക നദീതടസംസ്കാരങ്ങളിലും അടിമസമ്പ്രദായം നിലനിന്നിരുന്നെങ്കിലും അവ, നാഗരികതയുടെ കളിത്തൊട്ടിലുകൾ എന്ന രീതിയിലും പില്ക്കാല നാഗരികതയ്ക്ക് അടിസ്ഥാനവും പ്രചോദനവുമെന്ന രീതിയിലും, അനശ്വരങ്ങൾ തന്നെയാണ്. അത്തരത്തിൽ പുരാതന ഈജിപ്ഷ്യൻ സംസ്ക്കാരമുൾപ്പെടെ ഒട്ടേറെ സംസ്ക്കാരങ്ങളുടെ കളിത്തൊട്ടിലാണ് നൈൽനദീതടം. അതുകൊണ്ടു...

സി. കെ. രാജലക്ഷ്മി എഴുതിയ നോവൽ..“ദേവപദം തേടി” (ഭാഗം 24 തുടർച്ച …….)

ഭാഗം 24 സൗഹൃദത്തിന്റെ തണൽതുടർച്ച ……. ………കാറു നിർത്തിയതും വൈഗ കാറിൽ നിന്നിറങ്ങിച്ചെന്ന് ആര്യയെ ആലിംഗനം ചെയ്തു. "എൻ്റെ വൈഗ ….. നിനക്കൊരു മാറ്റവും ഇല്ലല്ലോ? …. " വൈഗ ചിരിച്ചു കൊണ്ട്"നീയും അങ്ങിനെ തന്നെ, മെലിഞ്ഞ് സുന്ദരിയായിരിക്കുന്നു....

Constipation അഥവാ മലബന്ധം

Constipation അഥവാ മലബന്ധം ഒരു വ്യക്തിയെ മാനസികവും ശാരീരികവുമായി ബാധിക്കുന്ന ഒരു പതിവ് ആരോഗ്യപ്രശ്നമാണ്. ഈ അവസ്ഥ അവരുടെ ദൈനംദിന ജീവിതത്തിൽ വലിയ അസ്വസ്ഥതകൾ ഉണ്ടാക്കുകയും, പ്രത്യക്ഷമായി അല്ലെങ്കിൽ പരോക്ഷമായി എങ്കിലും ഇത്‌...
WP2Social Auto Publish Powered By : XYZScripts.com
error: