17.1 C
New York
Saturday, January 22, 2022
Home Literature നിശാഗന്ധിയോട്..... (കവിത)

നിശാഗന്ധിയോട്….. (കവിത)

ഡാലിയ ഉദയൻ✍

പകലിനോടിന്നും പിണക്കമാണോ അതോ
രാത്രിയോടിനിയും അടുപ്പമാണോ…
നിലാവുദിക്കുമീ നീല രാവതിൽ
വിടർന്നു നിൽപ്പതിന്നെന്തിനാണ്

വാശിയാൽ നിന്നിലെ പ്രണയം മറച്ചു നീ
രാത്രിയെ പോലും പിണക്കിടുന്നു
നിലാവിന്റെ തേനെഴും ആർദ്ര സംഗീതത്തിൽ നീയെന്തിനോ അസ്വസ്ഥയായിടുന്നു….
പാതിയിൽ വേർപ്പെട്ട നിന്നിലെ
മോഹത്തെ ഇന്നിലും പതിയേ തിരഞ്ഞിടുന്നു.

നിശ്ശയിൽ വിടർന്ന നിൻ നീലയിമകളെ കാമിക്കുമുൻമാദികൾസുന്ദര താരകങ്ങൾ .
നീ പടർത്തും സുഗന്ധം പടർന്നതാ
പ്രണയാർദ്രമാകുന്നു പ്രകൃതിപോലും
തിളങ്ങുമീ കവിളുകൾ തഴുകിത്തലോടാനായ് വാനം കൊതിയോടെയെത്തുന്നു നീഹാരമായ്…
നിന്നെ കാണുവാൻ കാത്തിരിക്കുന്നു
നിദ്രപുൽകാതെയീലോകവും.
തെല്ലസൂയായാൽ കണ്ണുവക്കുന്നു
കാട്ടുമുല്ലയും പിന്നെ കൂട്ടുകാരും

മോഹംകൊണ്ടതാ എത്തിനോക്കീടുന്നു
ചെമ്പകപ്പൂമരം നിന്നെകാണാൻ
തെന്നലിന്നും കൊതിപ്പൂണ്ട് നിൽക്കുന്നു
നെഞ്ചോടുചേർത്തൊന്നു പുൽകുവാനായ്….
മേഘമുഖപടം നീക്കി എത്തിനോക്കുന്നു
പാലപ്പൂക്കളും പാരിജാതങ്ങളും
നിന്നുന്മാദ ഗന്ധത്തെ
പതിവുപോൽ തിരയുന്നു
ഇണകളുമീ വഴി വന്നവരും

എങ്കിലുമെന്തിനോ നിൻ നീല മിഴികളിൽ
തെല്ലു വിരഹഭാവത്തിൻ മിന്നലാട്ടം
ആർക്കു വേണ്ടി നീ വിടർന്നുനിൽക്കുന്നു
ആരെ നീ തിരഞ്ഞു നോക്കുന്നു..
ആ മാത്രയിൽ നീ തളർന്നുപോകുന്നു
നിൻ ദലങ്ങളോ ദ്രുതഗതിയിൽ മടങ്ങുന്നു
രാത്രിയല്ല… പകലല്ല… നിലാവല്ല
പിന്നതേതപൂർവ്വ പ്രഭാവ ഭാവം
ആരുംകൊതിക്കും നിൻ പ്രണയംനുകർന്നിട്ടു
പതിയിൽ മാഞ്ഞൊരാ കാര്യത്തെ
ച്ചൊല്ലുനീ…..

ഇന്നലെയുടെ ഇരുൾപ്പറ്റിപെയ്തിട്ടു പാതിയിൽ പോയൊരാ തേൻമഴയോ….
പകലിലെന്തിനോ വഴിതെറ്റി വന്നിട്ടു പറയാതെ മാഞ്ഞൊരാ നിറവെയിലോ….
അല്പപുളകത്തിലാടിത്തിമിർക്കുവാൻ
ഓടിയെത്തിടും നിറസന്ധ്യയോ…
അതോ പാതിമാത്രം പറഞ്ഞൊരാ മോഹങ്ങളേറ്റു പൊഴിഞ്ഞ പൊൻ താരകമോ ……

ഡാലിയ ഉദയൻ✍

COMMENTS

2 COMMENTS

Leave a Reply to Muraleedharan T K Cancel reply

Please enter your comment!
Please enter your name here

- Advertisment -

Most Popular

ന്യൂയോർക്കിൽ വെടിവയ്പ്പ്- 2 പോലീസ് ഓഫീസർമാർ ഉൾപ്പെടെ മൂന്നു മരണം

ഹർലിം(ന്യൂയോർക്ക്): ഡൊമസ്റ്റിക് വയലൻസ് നടക്കുന്നു എന്നറിഞ്ഞു എത്തിചേർന്ന മൂന്നു പോലീസ് ഓഫീസർമാരെ പതിയിരുന്നാക്രമിച്ചതിനെ തുടർന്ന് രണ്ടു പോലീസ് ഓഫീസർമാർ കൊല്ലപ്പെട്ടു. പ്രതിയെന്ന സംശയിക്കുന്നയാളും പോലീസുമായുണ്ടായ ഏറ്റുമുട്ടലിൽ കൊല്ലപ്പെട്ടു. ഈ മാസം പോലീസിനു നേരെ...

നിത്യോപയോഗ സാധനങ്ങളുടെ വില കുതിച്ചുയരുന്നു.

ഡാളസ്: ബൈഡൻ ഭരണകൂടം അധികാരത്തിലെത്തി ഒരു വർഷം പൂർത്തിയായിട്ടും ഗ്യാസിന്റെയും, നിത്യോപയോഗ സാധനങ്ങളുടെയും വില നിയന്ത്രിക്കുന്നതിൽ തികഞ്ഞ പരാജയം. ഒരു വർഷം മുമ്പു ഉണ്ടായിരുന്ന ഗ്യാസിന്റെ വില(ഗ്യാലന് 2 ഡോളർ) ഇപ്പോൾ ഗ്യാലന്...

കഞ്ചാവ്‌ ചെടി കണ്ടെത്തി.

നിറമരുതൂര്‍: ഗവ. ഹയര്‍ സെക്കന്‍ഡറി സ്‌കൂളില്‍ നിന്ന്‌ നൂറ്‌ മീറ്റര്‍ വടക്ക്‌ മാറി മൂച്ചിക്കല്‍ റോഡിന്‍റെ സമീപത്തുനിന്ന്‌ റോഡരികില്‍ മുളച്ചുപൊന്തിയ നിലയില്‍ ഒരു മീറ്ററോളം നീളമുള്ള കഞ്ചാവ്‌ ചെടി കണ്ടെത്തി. എക്‌സൈസ്‌ സ്‌ട്രൈക്കിങ്‌ പാര്‍ട്ടിയിലുള്ള...

പത്തനംതിട്ട നഗരസഭ വനിതാ ഹോസ്റ്റല്‍ യാഥാര്‍ത്ഥ്യമാകുന്നു

നഗരസഭയുടെ ഉടമസ്ഥതയിലുള്ള വനിതാ ഹോസ്റ്റല്‍ കം വനിതാ ലോഡ്ജ് 26 ന് രാവിലെ 11 മണിക്ക് നഗരസഭാ ചെയര്‍മാന്‍ അഡ്വ.ടി. സക്കീര്‍ ഹുസൈന്‍ നാടിന് സമര്‍പ്പിക്കും. ജില്ലാ ആസ്ഥാനത്ത് ജോലി ചെയ്യുന്ന വനിതാ...
WP2Social Auto Publish Powered By : XYZScripts.com
error: