17.1 C
New York
Saturday, November 26, 2022
Home Literature തോണിക്കാരൻ - ...

തോണിക്കാരൻ – (ഹരി തൃപ്പൂണിത്തുറ)

Bootstrap Example

ഏതുകഥയും പോലെ
ഇക്കഥയും പഴയതുതന്നെ,
…. ഒരു തോണിക്കാരൻ്റെ കഥ!

അല്ലെങ്കിൽ,
തോണിക്കാരനോട്
വീരവാദം പറഞ്ഞ്
സമാധിയായ
(‘നീന്തോളജി’ യറിയാത്ത) –
ദാർശനികൻ്റെ കഥ !

മരിക്കുംമുൻപ്,
മഹാമുനി
ലോകായതമൊഴികെ,*
അറിവുകളെക്കുറിച്ചു –
പറഞ്ഞുപറഞ്ഞു നാവു കുഴഞ്ഞുപോയത്രേ !

ദർശന – ഉപനിഷദ് – വചനങ്ങളും
യമ – നിയമങ്ങളും
കപിലൻ്റെ സാംഖ്യവും ;
പിന്നെയോ ……
ജൈമിനി മഹർഷിയുടെ മീമാംസയും @
കണാദൻ്റെ വൈശേഷികവുമടക്കം
അങ്ങിനെയങ്ങിനെ…..
മഹാത്മൻ ധ്യാനത്തിലാർജ്ജിച്ചതും
നേടിയതുമായ
വിജ്ഞാന പാരാവാരങ്ങളിലാകെ
നീന്തിത്തുടിച്ച കഥ ചൊല്ലിച്ചൊല്ലി
വീമ്പിളക്കിയിളക്കി …..

അപ്പോൾ
പരിഹാസ മുനയേറ്റ്
തോണിക്കാരനും, കടത്തുതോണിയുമാകെ
ആടിയുലഞ്ഞുവത്രേ…..
പിന്നെ,
തോണിക്കാരനൊന്നു പുഞ്ചിരിച്ചുവത്രേ….
സായാഹ്ന സൂര്യകിരണമേറ്റ്
അവൻ്റെ മെയ്യിലെ പേശിക്കൊപ്പം
പുഞ്ചിരിപ്പൂവും
തിളങ്ങിയത്രേ…..!

ഗംഗക്കു കുറുകെ നടന്ന ®
കഥവിളമ്പിയ
ഹഠയോഗിവര്യനോട്,
പാഴായ സംവത്സരങ്ങളെയോർമ്മിപ്പിച്ച
പരമഹംസരെപ്പോലെ,
വഞ്ചിക്കാരൻ ഏറെപ്പറഞ്ഞതില്ല !

“എനിക്കൊന്നുമറിയില്ലെ” ന്ന്
എളിമയായ് അജ്ഞത ചൊല്ലി
ഇത്തിരി മൊഴിഞ്ഞ്
വഞ്ചി തുഴഞ്ഞുവത്രേ…..

കാറ്റും കോളും വന്ന്
തോണി മുങ്ങിയപ്പോൾ….
മാമുനി-മഹാമുനി
നിരന്തരപ്രാണായാമം ചെയ്ത –
നാസികയിലൂടെയും,
മൃത്യുഞ്ജയമന്ത്രമുരുവിട്ട –
വായയിലൂടെയുമത്രേ
വരുണദേവൻ അകത്തുകടന്നതും;
യമദേവൻ ജീവനെടുത്തതും….
ഹാ….കഷ്ടം
കഷ്ടാൽ കഷ്ടം …..!!

അയാളെ,
കാറ്റു തുണച്ചില്ല….
കരയൊട്ടും തുണച്ചില്ല….!

എല്ലാമറിഞ്ഞവൻ
മുങ്ങിച്ചത്തപ്പോൾ,
ഒന്നുമറിയാത്ത തോണിക്കാരൻ…..
കടത്തുതോണി പോലുമില്ലാതെ
ജീവൻ്റെ പാരാവാരം താണ്ടി –
ജ്ഞാനത്തിൻ്റെ മറുകര തേടിയത്രേ!

ഇതു കഥ,
ഒരു ജ്ഞാനകഥ.

  • ലോകായതം: ചാർവാക ദർശനം

@ ഭാരതീയ ദർശനങ്ങൾ

® ജലത്തിനുമീതെ നടന്നുവെന്നു പറഞ്ഞ ഹഠയോഗിയും ശ്രീരാമകൃഷ്ണ പരമഹംസരും നടത്തിയ സംവാദം

Facebook Comments

COMMENTS

- Advertisment -

Most Popular

ജെറുസലേമിലെ മരച്ചുവട്ടിൽ കുർബ്ബാന ചൊല്ലിയാൽ കർത്താവ് സ്വീകരിക്കുമോ കുയിലോർത്തഡോക്സ് കുഞ്ഞുങ്ങളേ…??

“എന്റെ നിമിത്തം നിങ്ങളെ പഴിക്കയും ഉപദ്രവിക്കയും നിങ്ങളെക്കൊണ്ടു എല്ലാ തിന്മയും കളവായി പറകയും ചെയ്യുമ്പോൾ നിങ്ങൾ ഭാഗ്യവാന്മാർ. സ്വർഗ്ഗത്തിൽ നിങ്ങളുടെ പ്രതിഫലം വലുതാകകൊണ്ടു സന്തോഷിച്ചുല്ലസിപ്പിൻ; നിങ്ങൾക്കു മുമ്പെയുണ്ടായിരുന്ന പ്രവാചകന്മാരെയും അവർ അങ്ങനെതന്നെ ഉപദ്രവിച്ചുവല്ലോ....

പി.ജെ.എസ് യാത്ര അയപ്പു നൽകി

ജിദ്ദ :- ജോലി സംബന്ധമായി ജിദ്ദയിൽ നിന്നും ബഹറിനിലേക്ക് സ്ഥലം മാറി പോകുന്ന പത്തനംതിട്ട ജില്ലാ സംഗമത്തിൻ്റെ (പി.ജെ.എസ്) സജീവ അംഗവും അറിയപ്പെടുന്ന കലാകാരനുമായ സജി വർഗീസ് ഓതറക്കും, സഹധർമ്മിണി സുനു സജിക്കും,...

നന്ദിയുടെ പാച്ചു ചേർത്തുവച്ച താങ്ക്സ് ഗിവിങ് (കോരസൺ വർഗീസ്)

ഇപ്രാവശ്യത്തെ താങ്ക്സ്ഗിവിങ് ലഞ്ച് ഗ്രൗണ്ട് സീറോയ്ക്ക് തൊട്ടടുത്തുള്ള ഒ'ഹാര, ഐറിഷ് പബ്ബിലാകട്ടെ എന്ന് തീരുമാനിച്ചു സിബിയോടൊപ്പം അവിടെ കടന്നുചെന്നു. പലപ്പോഴും അതിനു മുന്നിലൂടെ പോകാറുണ്ടായിരുന്നെങ്കിലും ഇതുവരെ അവിടെപോകാൻ കഴിഞ്ഞിരുന്നില്ല. തൊട്ടടുത്തുള്ള ഫയർ ഡിപ്പാർട്മെന്റിൽ നിന്നും...

ഡ്രൈവിംഗ് ടെസ്റ്റിനിടെ യുവതിയോട് അപമാര്യാദയായി പെരുമാറി; എംവിഐക്ക്‌ സസ്പെൻഷൻ.

മലപ്പുറത്ത്‌ ഡ്രൈവിംഗ് ടെസ്റ്റിനിടെ യുവതിയോട് അപമാര്യാദയായി പെരുമാറിയ എം വി ഐയെ സസ്പെൻഡ് ചെയ്തു. എം വി ഐ സി ബിജുവിനെ അന്വേഷണവിധേയമായി സസ്പെൻഡ് ചെയ്തെന്ന് ട്രാൻസ്‌പോർട്ട് കമ്മീഷണർ അറിയിച്ചു. നേരത്തെ യുവതിയുടെ പരാതിയിൽ...
Facebook Comments
WP2Social Auto Publish Powered By : XYZScripts.com
error: