17.1 C
New York
Saturday, October 16, 2021
Home Literature ചലനങ്ങൾ (കവിത)

ചലനങ്ങൾ (കവിത)

✍️കൃഷ്ണാജീവൻ.

ഞാൻ ജനിയ്ക്കുകയാണ്,
മൗനം തളംകെട്ടിയ
ഭൂമിയുടെ ഗർഭപാത്രത്തിലൂടെ..
വേരുകൾ കെട്ടിപ്പുണരുന്ന,
മണ്ണിന്റെ ആഴങ്ങളിലൂടെ..

ഞാൻ ഉണരുകയാണ്,
നിന്റെയാത്മാവിലെ ചൂടുള്ള
ശ്വാസനിശ്വാസങ്ങളിലൂടെ..
ഭ്രമണം മാത്രം ബാക്കിയാക്കിയ,
ഭൂമിതൻ ചലനങ്ങളിലൂടെ..

ഞാൻ വളരുകയാണ്,
കാലം ജന്മം തന്ന നിന്റെ മാറിലെ
ചിതൽപ്പുറ്റുകളിലൂടെ..
മനസ്സിനെ കണ്ണാടിയാക്കിയ,
മുഖങ്ങളിലെ നിഗൂഢതകളിലൂടെ..

ഞാൻ ജീവിയ്ക്കുകയാണ്,
വൈകൃതമാക്കി വലിച്ചെറിഞ്ഞ
പ്രകൃതിയുടെ മടിത്തട്ടിലുടെ..
കനവുകൾ വെറും കല്ലാക്കിയ,
കടമുള്ള ബന്ധങ്ങളിലൂടെ..

ഞാൻ മരിയ്ക്കുകയാണ്,
കൊട്ടിയടച്ച വാതിൽപ്പഴുതിലെ,
തുറക്കാത്ത മോഹങ്ങളിലൂടെ..
ഹൃദയത്തിലെവിടെയോ കോറിയിട്ട,
നഷ്ടസ്വപ്നങ്ങളിലുടെ..
ഭാരമില്ലാതെയകന്നു പോകുന്ന,
ആത്മാവുകളിലൂടെ..

                    ✍️കൃഷ്ണാജീവൻ.

COMMENTS

30 COMMENTS

  1. മൌനമായി ജനിച്ച് വികലമായ ഭൂമിയിലൂടെ സഞ്ചരിച്ച് നഷ്ടസ്വർഗത്തിൽ ലയിക്കുബോൾ. ഒരു ജീവിതം മനോഹരമായി പറഞ്ഞു തീർക്കുന്നു
    അതിമനോഹരം ഇനിയും എഴുതുക വളരുക

Leave a Reply to Krishna jeevan Cancel reply

Please enter your comment!
Please enter your name here

- Advertisment -

Most Popular

കാഞ്ഞിരപ്പള്ളി പട്ടണത്തിൽ വലിയ വെള്ളപ്പൊക്കം.

കോട്ടയം: കാഞ്ഞിരപ്പള്ളി പട്ടണത്തിൽ വൻ വെള്ളപ്പൊക്കം കാഞ്ഞിരപ്പള്ളി ടൗണിലെ കടകളിൽ എല്ലാം വെള്ളം കയറി. ഉച്ചയായപ്പോഴേക്കും ജലനിരപ്പ് വീണ്ടും ഉയർന്നു. ടൗണിൽ ഗതാഗത തടസ്സം നേരിടുന്നു. ഇത്തരത്തിൽ വെള്ളപ്പൊക്കം ഇതാദ്യമെന്ന് പ്രദേശവാസികൾ പറയുന്നു.

പൂഞ്ഞാറില്‍ കെഎസ്ആര്‍ടിസി ബസ് റോഡിലെ വെള്ളത്തിൽ മുങ്ങി.

കോട്ടയം : പൂഞ്ഞാറില്‍ കെഎസ്ആര്‍ടിസി ബസ് മുങ്ങി പൂഞ്ഞാര്‍ സെന്റ് മേരീസ് പള്ളിയ്ക്ക് മുന്നില്‍ കെഎസ്ആര്‍ടിസി ബസ് മുങ്ങി. ഈരാറ്റുപേട്ടയ്ക്ക് പോയ ബസ് പള്ളിയ്ക്ക് മുന്നിലെ വലിയ വെള്ളക്കെട്ട് കടക്കാന്‍ ശ്രമിക്കുന്നതിനിടെയാണ് പകുതിയോളം വെള്ളത്തില്‍ മുങ്ങിയത്. ഇവിടെ...

പത്തനംതിട്ട ഉൾപ്പടെ അഞ്ചു ജില്ലകളിൽ റെഡ് അലേര്‍ട്ട് പ്രഖ്യാപിച്ചു.

പത്തനംതിട്ട : സംസ്ഥാനത്ത് അടുത്ത 24 മണിക്കൂര്‍  ജാഗ്രതാനിര്‍ദേശം. സംസ്ഥാനത്ത് അടുത്ത 24 മണിക്കൂര്‍  ജാഗ്രതാനിര്‍ദേശം.സംസ്ഥാനത്ത് അഞ്ചു ജില്ലകളിൽ റെഡ് അലേര്‍ട്ട്. ശക്തമായ മഴ തുടരുന്ന പശ്ചാത്തലത്തില്‍ പത്തനംതിട്ട, കോട്ടയം, എറണാകുളം, ഇടുക്കി, തൃശൂർ...

കൊട്ടിയൂർക്കാരുടെ കണ്ണിലുണ്ണി; ചന്ദ്രശേഖരൻ ചെരിഞ്ഞു.

കൊട്ടിയൂർ : നാലു പതിറ്റാണ്ടുകൾക്കു മുൻപ് ചന്ദ്രശേഖരൻ എന്ന ഇരുപത്തിയഞ്ചുകാരൻ ആന കൊട്ടിയൂരിൽ എത്തുമ്പോൾ നാട്ടുകാർക്കു പ്രത്യേക കൗതുകമൊന്നും തോന്നിയിരുന്നില്ല. എന്നാൽ വളരെപ്പെട്ടെന്നുതന്നെ കൊട്ടിയൂരിന്റെ കണ്ണിലുണ്ണിയായി ചന്ദ്രശേഖരൻ മാറി. പ്രസിദ്ധമായ വൈശാഖ ഉത്സവത്തിനും ക്ഷേത്രത്തിലെ...
WP2Social Auto Publish Powered By : XYZScripts.com
error: