17.1 C
New York
Tuesday, October 3, 2023
Home Literature കുമ്പസാരം (കവിത)

കുമ്പസാരം (കവിത)


രാജേഷ് മാടക്കൽ, ഖത്തർ

ഇനിയെനിക്കൊന്നു കുമ്പസാരിക്കണം
ദൈവപുത്രനുമെനിക്കുമിടയിലൊരു വൈദികനില്ലാതെ.

ചെയ്ത തെറ്റുകളെനിക്കേറ്റുപറയണം
കുമ്പസാരകൂടില്‍ ദൈവപുത്രന്‍റെ കാതിലായ്.

ചെയ്യാന്‍പോകുന്ന തെറ്റുകളെണ്ണിയെണ്ണി പറയണം
എന്‍റെ ന്യായങ്ങളില്‍ സത്യമറിയേണം.

ആരായിരുന്നു ഞാനെന്തായിരുന്നെന്നും
ഇന്നു ഞാനെങ്ങിനെയിങ്ങനെയായെന്നും.

ദൈവപുത്രാ നിനക്കറിയാം പരീക്ഷണങ്ങള്‍
നിന്‍റെ ജീവിതം പോല്‍തന്നെയെന്‍റെയും ജീവിതം.

ഭൂതകാലത്തിലൊരു നിറമാര്‍ന്ന ജീവിതം
കനവുകണ്ടുണരുന്ന പുലരിയുണ്ടായിരുന്നു.

മോഹങ്ങള്‍കൊണ്ടൊരു സ്പടികസൗധം തീര്‍ത്ത്
സ്വപ്നങ്ങള്‍ കണ്ടു ശയിച്ചിരുന്നു.

വിധിയെന്ന ചതുരംഗപലയിലെന്‍ ജീവിതം
ചതിയെന്ന രൂപത്തില്‍ എരിഞ്ഞമര്‍ന്നു.

ജീവിച്ചിരിക്കെയെന്‍ കൊല്ലാതെ കൊന്നവര്‍
ജീവനോടെന്നില്‍ ബലിയിടുമ്പോള്‍.

പതറിയില്ലന്നിലെന്‍ പ്രതികാരമുള്‍ക്കൊണ്ടു
കരയുന്ന ഹൃത്തിലൊരു ശില പാകിടുമ്പോള്‍.

വെറുപ്പിന്‍ മുഖംമൂടിയണിയിന്നു കുറ്റങ്ങള്‍
തെറ്റുകള്‍ വെറുതെ ഞാന്‍ ചെയ്തിടുന്നു.

സ്നേഹവും പ്രണയവും മോഹവും സ്വപ്നവും
കരുണയും ദയാവായ്പ്പും പ്രഹസനമാകുന്നു.

ഇനിയെനിക്കുണരുവാന്‍ പുലരിയുണ്ടെങ്കില്‍
ഇനിയെനിക്കുറങ്ങുവാന്‍ രാത്രിയുണ്ടെങ്കില്‍

ചെയ്യാത്തപാപങ്ങള്‍ ഒന്നൊന്നായ് ചെയ്യണം
പ്രതികാരമോരോന്നും ചെയ്തു തീര്‍ത്തിടേണം.

ദൈവപുത്രായെന്നെ തളരാതെ നോക്കേണം
എരിയുന്ന കനലുകള്‍ കെടാതെ നോക്കണം.

ഇനിയൊരു കുമ്പസാരത്തിനായ് വരില്ല ഞാന്‍
മൃത്യുവിന്‍ പാതയില്‍ നിന്‍റെ സ്വര്‍ഗ്ഗം നല്‍കിടേണം.

FACEBOOK - COMMENTS

WEBSITE - COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ഇഷ്ക് (കവിത) ✍സൗമ്യ രഞ്ജിത്ത്

നിലാവുള്ളൊരു രാത്രിയിൽ നക്ഷത്രങ്ങൾ പുഞ്ചിരി പൊഴിക്കുമ്പോൾ കണ്ണുകളിൽ കുസ്യതി ഒളിപ്പിച്ചൊരുവന്റെ പ്രണയമാകണം!! കടലുകൾക്ക് അപ്പുറമിരുന്ന് ഹൃദയം കൊണ്ടവനെഴുതുന്ന കവിതകളുടെ മറുവരിയാകണം !! ജൻമ ജൻമാന്തരങ്ങളോളം അവന്റെ നെഞ്ചിലെ സ്നേഹത്തിന്റെ ചൂടറിയണം !! അത്രയ്ക്കിഷ്ടമായിരുന്നു അവനെയെന്ന് എത്ര തവണ എഴുതിയിട്ടും മതിയാകാതെ ഇന്നും എഴുതിക്കൂട്ടുന്ന വരികളിൽ സ്നേഹത്തിന്റെ ആഴമെത്രയെന്ന് അടയാളമിട്ട് സൂക്ഷിക്കണം !! അവനോളം മറ്റൊരു വസന്തവുമീ ഇഷ്കിന്റെ കിത്താബിൽ എഴുതി ചേർക്കാനിനി...

“ഇവിടം നമുക്ക് പ്രണയം പകുത്ത് തന്ന സ്വർഗ്ഗം” (കവിത)

നീ തെളിച്ച വഴിയെ.. അന്ന് ഞാൻ നടന്നു പതിയെ.. ഒളി വീശി വന്നു തനിയെ എൻ മനം കവർന്ന മലരേ.. മധു പൊഴിയുമെന്നു പറയെ.. മലരടരുമെന്ന് കരുതെ.. മണി മുഴക്കമങ്ങ് മറയെ.. മല മടക്കിലങ്ങ് തെളിയെ... അവളെനിക്കു മുന്നിൽ പതറെ.. ഞാൻ കൊതിച്ചു ചുണ്ടിൽ തൊടവെ.. മഴ കനിഞ്ഞു ഞങ്ങൾ പുണരെ.. മതിമറന്ന് മനസ്സ്...

അച്ഛനെന്നതണൽമരം (കവിത) ✍️ജയന്തി ശശി

കഷ്ടപ്പാടിൻ കയ്പ്പു രുചിക്കിലും, വെയിലത്തുവാടാതെസ്നേഹംവറ്റാതെ കൊടും കാറ്റിലുമുലയാതെ കുടുംബം പോറ്റുന്നെന്നുമച്ഛനെന്നതണൽ മരം വർണ്ണപ്പകിട്ടാർന്ന,യുടുപ്പുകൾ മക്കൾ ക്കേകിയിട്ടച്ഛൻ പരിഭവമേതുമില്ലാതെ വാക്കിലും,നോക്കിലുമലിവ് നിറച്ചിടുന്ന സൂര്യതേജസ്സിൻ സുകൃതമാണച്ഛൻ..! പട്ടിണിക്കോലമായ് തേങ്ങിടുമാബാല്യ- ത്തിലെൻകൺപീലിനനയുന്ന നേരം ചാരത്തുവന്നെൻ കണ്ണുനീരൊപ്പി തോളിൽ ചേർത്തണയ്ക്കുമെന്നച്ഛൻ ! അറിയാതെ ചെയ്യുന്ന തെറ്റുകളെ ക്ഷമയോടെ തിരുത്തിത്തരുമെന്നച്ഛൻ കടലോളം കണ്ണുനീരൊളിച്ചു വച്ച് നിറസ്നേഹം ചൊരിയുന്നദൈവമച്ഛൻ! ജയന്തി ശശി✍

മഴ (കവിത) ✍വൈഗ അനിൽ. വെളുത്തോളി.

കുഞ്ഞു തുള്ളിയായി ഈ ഭൂമിയിലേക്ക് എത്തുന്ന മഴയെ. നീ ഈ ലോകത്തെ ജലത്താൽ നിറയ്ക്കുന്നു. വരണ്ടു പൊട്ടിനിൽക്കുന്ന ഭൂമിയെ നീ സംരക്ഷിച്ചു കൊള്ളുന്നു. ചില കാലങ്ങളിൽ നീ പേമാരിയാകുമ്പോൾ ചില കാലങ്ങളിൽ നീ വൻ പ്രളയം തീർക്കുന്നു.. മനുഷ്യർ ഭയന്ന് വിറക്കുന്നു. ഇതിലൂടെ മനുഷ്യർ നിർമിച്ച പലതും ഇല്ലാതാകുന്നു.. ഇതിനൊക്കെ കാരണം...
WP2Social Auto Publish Powered By : XYZScripts.com
error: