17.1 C
New York
Wednesday, October 5, 2022
Home Literature കാലം കോലം മാറ്റുമ്പോൾ (കവിത) -

കാലം കോലം മാറ്റുമ്പോൾ (കവിത) –

✍രാജൻ രാജധാനി

ഒഴുകിയും തഴുകിയും,
തമ്മിൽ തമ്മിൽ
തട്ടിയും മുട്ടിയും, പിന്നെയാ
താഴ്ചയിലേക്കുള്ള വീഴ്ചകളിൽ
കാഴ്ചയിൽ വരുന്ന രൂപഭാവമാറ്റവും;
അത് പിന്നെയും പിന്നെയും
ആവർത്തിക്കപ്പെടുമ്പോൾ
സ്ഥായിയായതെന്ന് കരുതിയ
സ്വന്തം സ്വത്വം പോലും
മാറിമറിഞ്ഞ് പുതിയൊരു
രൂപം ആർജ്ജിക്കുമ്പോൾ,
കരിമ്പാറത്തുണ്ടുകൾ പോലും
വിവിധ വർണ്ണങ്ങളാർജ്ജിച്ച്
വ്യത്യസ്ത ജനുസ്സുകളായി മാറുന്നു!
കാഴ്ചയിൽ മാത്രമല്ല,
സ്വഭാവത്തിലും വ്യത്യസ്തരായി,
പരസ്പര ബന്ധമില്ലാതെ,അവ
പുതു പുതു തീരങ്ങൾ തേടുന്നു;
ഊഴിയിൽ മനുഷ്യനെപ്പോലെ!
അനുനിമിഷം ഭൂമുഖത്ത്
മാറ്റങ്ങൾ സൃഷ്ടിച്ച്, കാലവും
അതിന്റെ പ്രയാണം തുടരുകയാണ്!
വെറും കരുക്കൾമാത്രമായ നമ്മൾ
ആ മാറ്റങ്ങളുടെ വ്യത്യസ്ത വേളകളിൽ
തെളിയുകയും മറയുകയും ചെയ്യുന്നു;
ജനനവും മരണവും പോലെ!
കാലം ഒന്നിനും കാത്തുനിൽക്കാതെ
അതിന്റെ പ്രയാണം തുടരുകയാണ്;
അത് തുടർന്നുകൊണ്ടേയിരിക്കും!

✍രാജൻ രാജധാനി

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: