17.1 C
New York
Sunday, September 19, 2021
Home Literature കലിംഗയുദ്ധം, കാലിക പ്രസക്തം (കവിത )

കലിംഗയുദ്ധം, കാലിക പ്രസക്തം (കവിത )

കൃഷ്ണമോഹൻ കെ. പി

എത്ര പേർ മരിച്ചെന്നു ചോദിക്കുമശോകന്റെ
ഹൃത്തടം വിങ്ങീടുന്നു, ചകവർത്തിയതെന്നാൽ പോലും

ഉത്തമ ഭരണത്തെക്കാഴ്ച വച്ചെന്നാലുമീ
ഉത്തരമില്ലാത്തൊരു യുദ്ധത്തെയെന്തേ ചെയ്തൂ

ഭാവി തൻ പ്രതീക്ഷയോ, ഭൂതത്തിൻ മരവിപ്പോ
ഭാസുരവർത്തമാന, കാലത്തിൻ പ്രഭാവമോ

കാലിക സ്വപ്നങ്ങൾ തൻ മായയിൽ വീണോ, അതോ
കാലത്തിൻ ചക്രത്തിൽ നിൻ മനസ്സും കുരുങ്ങിയോ?

കോലുകൾ, ചെങ്കോലുകൾ മനസിനെ മദിപ്പിച്ചോ
കോട്ടങ്ങളില്ലാത്ത നിൻ ജീവിതം ഭ്രമിപ്പിച്ചോ

കാഴ്ചവട്ടത്തുള്ള രാജ്യങ്ങളെല്ലാം തന്നെ
കാൽക്കീഴിൽ വരുത്തണം എന്നു നീ
നിനച്ചുവോ

ആയിരം ജന്മങ്ങളാൽ തീരാത്ത കറ നിന്റെ
ആർജിത സ്വരൂപത്തെ വലയം ചെയ്യുന്നിപ്പോൾ

ഓർക്കണം പ്രവൃത്തികൾ ചെയ്യുന്നതിൻ മുമ്പേ
ഓർക്കാതെ ചെയ്തീടുന്ന പ്രവൃത്തി, പാതകമാകും

ആർക്കാനുംവേണ്ടി നമ്മൾ ഓക്കാനിക്കുവാൻ നിന്നാൽ
ആർക്കുമേ തടുക്കൊലാ, ആയതിൻ ദുഷ്ഫലങ്ങൾ

പശ്ചാത്താപങ്ങൾ കൊണ്ടു പാപത്തെ ഹനിക്കുവാൻ
പക്ഷേ,യില്ലൊരു നാളും എന്നതു മോർമ്മിക്കണ്ടേ?

ആയിരം ശിലകളിൽ ധർമ്മസൂക്തങ്ങൾ കുറി-
ച്ചായിരം ദേശങ്ങളിൽ ശിലകൾ പതിച്ചാലും

ആ ഒരു കലിംഗത്തിൻ യുദ്ധവിസ്തൃത സ്ഥലം
ആകുമോ, അശോകാ– മറക്കാൻ മരിപ്പോളം

ആയിരങ്ങളെക്കൊന്നു യുദ്ധം നീ ജയിച്ചിട്ടും
ആകാത്തതെന്തേ, രാജാ
നിനക്കൊന്നുറങ്ങുവാൻ

ആവിധമാത്മാക്കൾ തൻ ആകുല വിലാപങ്ങൾ
ആകവേ, ഇന്നും നിന്നെ അസ്വസ്ഥനാക്കുന്നുവോ?

ബുദ്ധനായ് തീർന്നിട്ടുള്ള സിദ്ധാർത്ഥൻ ഭവൽ പദം
ശുദ്ധമായ് നിരൂപിച്ചങ്ങുള്ളത്തെ മാറ്റീടിലും

ദുഗ്ദ്ധമാംസമാധാനം കിട്ടുമോ സാമ്രാട്ടേയീ
യുദ്ധഭൂമിയിൽ നിന്റെ സർവ്വവുമുടഞ്ഞില്ലേ

ജീവിതം സ്പന്ദിക്കുന്ന ഭൂമി തൻ മടിത്തട്ടിൽ
ജീവനെഹനിച്ചിട്ടാൽ മാതാവു പൊറുക്കുമോ

ജീവന സാക്ഷാത്ക്കാരം കൊതിക്കാൻ പോലും, സഖേ
ജീവനുള്ളോളം കാലം, അങ്ങേയ്ക്കു കഴിയുമോ ….

ചരിത്രം, ചരിത്രമായ് നിലകൊണ്ടീടും നിത്യം
ചരിക്കും കാലത്തിന്റെ ധർമ്മചക്രങ്ങൾ എന്നും

ചിരിക്കും ജഗത്തിന്റെ വീഥികൾ തന്നിൽപ്പോലും
ചലമായ് പതിയുന്നൂ യുദ്ധത്തിൻ
കലിധ്വനി

ഉണരാൻ , ഉന്മേഷത്തിൻ കണികകളുതിർക്കുവാൻ
ഉഷസ്സാം, മഹാദേവി മുന്നിൽ വന്നണയുമ്പോൾ

ഉതിർന്ന രക്തഛവി നഭസിൽ പടരുമ്പോൾ
ഉലയും മനസ്സുമായ് കവികൾ രചിക്കട്ടെ

സത്യം, എൻ മനസിന്റെ ഉൾത്തള മുലഞ്ഞുപോയ്
സർഗസംഗീതത്തിന്റെ പദങ്ങൾ വികലമായ്

സ്വർഗമീ ഭൂവിൽത്തന്നെ, എന്നങ്ങു നിരൂപിച്ചീ
സംസ്കൃതമനസ്ക്കരായ്, യുദ്ധത്തെയൊഴിവാക്കാം…….

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

“പൊന്നോണം എന്റെ സങ്കല്പത്തിൽ..” (ലേഖന മത്സരം – (24)

ഓണവും ഓണാഘോഷവും എന്നുംമലയാളികളുടെ മനസ്സിൽ ഗൃഹതുരത്വം നിറഞ്ഞ ഓർമ്മകൾ മാത്രമാണ്. അതിജീവനത്തിന് പ്രത്യാശ നൽകിയാണ് ഓരോ മലയാളിയുടെയും ഓണാഘോഷം. സമൃദ്ധിയുടെയും നന്മയുടെയും പൂവിളിയുമായെത്തുന്ന ഓണാഘോഷം മലയാളിക്ക് ഒത്തുചേരലിന്റെയും ഓർമ്മപ്പെടുത്തലിന്റെയും ദിനം കൂടിയായിരുന്നു. എന്റെ സങ്കല്പത്തിലെ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (23)

ഓണം- തിരുവോണം - പൊന്നോണംഓണം എന്ന വാക്ക് പോലെ ഗൃഹാതുരത്വം തുളുമ്പുന്ന ഒരുവാക്കും മലയാളിക്ക് ഇല്ലെന്നു തോന്നുന്നു. മലനാട്ടിൽ ആയാലും മറുനാട്ടിൽ ആയാലും ചിങ്ങമാസത്തിലെ പൊന്നിൻ തിരുവോണത്തെ എതിരേൽക്കാൻ, മലയാളി മനസ്സ് വെമ്പൽ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (22)

തിരുവോണ കോടിയുടുത്ത ചിങ്ങപ്പുലരികൾ കൺതുറക്കുന്നതും കാത്തിരിക്കുന്ന മലയാളികൾ. പൊന്നോണത്തെ വരവേൽക്കാൻ ആയിരമാശകളോടെ കാത്തിരിക്കുന്ന മലയാളി മനസ്സുകൾ.കർക്കിടകത്തിന്റെ കറുത്തദിനങ്ങൾക്ക് വിടയേകി , കണ്ണിനും കരളിനും കുളിർമ്മയേകുന്ന വർണ്ണക്കാഴ്ചകളുമായി അണയുന്ന പൊന്നിൻ ചിങ്ങം. ഓണക്കാലം പലരുടെയും...

പൊൻചെമ്പകം (കഥ)

ഒരു ഓണത്തിന് മുൻപാണ് വര്ഷങ്ങൾക്ക് ശേഷം ഞാൻ തനുവിനെ വീണ്ടും കാണുന്നത് ഡ്രസ്സ് എടുത്തുമടങ്ങും വഴി ഒരു മാളിൽ വച്ച് ഇങ്ങോട്ടു പേര് ചൊല്ലി വിളിക്കുകയായിരുന്നു, കണ്ടതും എന്റെയും തനുവിന്റേയും കണ്ണ് നിറഞ്ഞു,...
WP2Social Auto Publish Powered By : XYZScripts.com
error: