17.1 C
New York
Saturday, October 16, 2021
Home Literature കറുപ്പ്(കവിത) - ...

കറുപ്പ്(കവിത) – അനീറ്റ അനീഷ്.

ഇരുട്ടിന്റെ സന്തതിയാണത്രേ ‘കറുപ്പ് ‘
കല്പിച്ചു കിട്ടിയ അടയാളം !!
മേൽക്കോയ്മയുടെ വെളുപ്പിന്റെ മുന്നിൽ,
തീണ്ടാപ്പാടകലെ നടുവളഞ്ഞ് നിൽക്കണം
പുച്ഛിച്ചു ഭ്രഷ്ട് കൽപ്പിക്കുന്ന വെളുത്ത കരങ്ങൾ
രാത്രിയിൽ കറുപ്പ് തേടി പോകാറുണ്ടത്രേ
അന്തിയാവോളം അയിത്തവും അന്തിക്കൊരു പായമേൽ ഐക്യവും പേറി
വിയർപ്പിന്റെ കണങ്ങൾ കാമാഗ്നിപടർത്തുമ്പോൾ
കറുപ്പ് ലഹരിയായിരുന്നു പോലും!

തെരുവിലും പൂക്കുന്നുണ്ട് കറുത്ത ജന്മങ്ങൾ
ഇരുട്ടിലെ അയിത്തമില്ലായ്മയുടെ വടുക്കൾ
കാലിടുക്കിലൂടെ ഒഴുകി പരക്കുന്ന ചുടുചോരയിൽ മുങ്ങി
വെളുത്ത ബീജങ്ങൾ കറുത്തു പോകുന്നുണ്ട്
പകലിന്റെ സന്തതികൾ ഭ്രഷ്ട്ട് കല്പിച്ചു നൽകുമ്പോൾ
ഇരുട്ടിലെങ്ങനെ കറുപ്പ് പൂക്കാതിരിയ്ക്കും?

ഓരോ അണുവിലും തേച്ചുമിനുക്കിയെടുക്കണം
ഇരുതലമൂർച്ചയുള്ള വാളുപോലെ
കറുപ്പുമോന്തിക്കുടിയ്ക്കുവാൻ സിരകളിൽ കാമം തിളയ്ക്കുമ്പോൾ
അരിഞ്ഞു വീഴ്ത്തിയ തലകൾ
മണ്ണിൽ ചോരപുരണ്ട് കറുപ്പിച്ചെടുക്കണം
വീണ്ടും വെളുത്ത വടുക്കൾ തീണ്ടാതിരിയ്ക്കുവാൻ

അനീറ്റ അനീഷ്.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

വേള്‍ഡ് മലയാളി കൗണ്‍സില്‍ ചിക്കാഗോ പ്രോവിന്‍സ് ഭവന നിര്‍മ്മീണ പദ്ധതി

ചിക്കാഗോ: ജീവകാരുണ്യ പ്രവര്‍ത്തനങ്ങള്‍ക്ക് മുന്‍തൂക്കം നല്‍കുന്ന വേള്‍ഡ് മലയാളി കൗണ്‍സില്‍ ചിക്കാഗോ പ്രോവിന്‍സിന്റെ 'ഹോം ഫോര്‍ ദി ഹോംലെസ്' പദ്ധതിയുടെ ഭാഗമായി നിര്‍ധനരായ ആറ് കുടുംബങ്ങള്‍ക്ക് കേരളത്തിന്റെ വിവിധ ഭാഗങ്ങളിലായി ഭവനങ്ങള്‍ നിര്‍മ്മിച്ച്...

നൈൽ നദി (നദികൾ.. സ്നേഹ പ്രവാഹങ്ങൾ ..)

മണ്ണടിഞ്ഞുപോയ മിക്ക നദീതടസംസ്കാരങ്ങളിലും അടിമസമ്പ്രദായം നിലനിന്നിരുന്നെങ്കിലും അവ, നാഗരികതയുടെ കളിത്തൊട്ടിലുകൾ എന്ന രീതിയിലും പില്ക്കാല നാഗരികതയ്ക്ക് അടിസ്ഥാനവും പ്രചോദനവുമെന്ന രീതിയിലും, അനശ്വരങ്ങൾ തന്നെയാണ്. അത്തരത്തിൽ പുരാതന ഈജിപ്ഷ്യൻ സംസ്ക്കാരമുൾപ്പെടെ ഒട്ടേറെ സംസ്ക്കാരങ്ങളുടെ കളിത്തൊട്ടിലാണ് നൈൽനദീതടം. അതുകൊണ്ടു...

സി. കെ. രാജലക്ഷ്മി എഴുതിയ നോവൽ..“ദേവപദം തേടി” (ഭാഗം 24 തുടർച്ച …….)

ഭാഗം 24 സൗഹൃദത്തിന്റെ തണൽതുടർച്ച ……. ………കാറു നിർത്തിയതും വൈഗ കാറിൽ നിന്നിറങ്ങിച്ചെന്ന് ആര്യയെ ആലിംഗനം ചെയ്തു. "എൻ്റെ വൈഗ ….. നിനക്കൊരു മാറ്റവും ഇല്ലല്ലോ? …. " വൈഗ ചിരിച്ചു കൊണ്ട്"നീയും അങ്ങിനെ തന്നെ, മെലിഞ്ഞ് സുന്ദരിയായിരിക്കുന്നു....

Constipation അഥവാ മലബന്ധം

Constipation അഥവാ മലബന്ധം ഒരു വ്യക്തിയെ മാനസികവും ശാരീരികവുമായി ബാധിക്കുന്ന ഒരു പതിവ് ആരോഗ്യപ്രശ്നമാണ്. ഈ അവസ്ഥ അവരുടെ ദൈനംദിന ജീവിതത്തിൽ വലിയ അസ്വസ്ഥതകൾ ഉണ്ടാക്കുകയും, പ്രത്യക്ഷമായി അല്ലെങ്കിൽ പരോക്ഷമായി എങ്കിലും ഇത്‌...
WP2Social Auto Publish Powered By : XYZScripts.com
error: