17.1 C
New York
Sunday, June 26, 2022
Home Literature ഓലവീട് (കവിത) - സോയ

ഓലവീട് (കവിത) – സോയ

ഓർമ്മകളോടി കളിച്ചു തിമിർക്കുന്നോരോല വീടുണ്ടിന്നുമെൻ്റെയുള്ളത്തിലും,
കുഴിയാന മന്ദമായ് കളം വരച്ചീടുന്ന
ചിത്രങ്ങളുണ്ടതിൻ മുറ്റത്ത് ചുറ്റിലും
അമ്മൂമ്മ ചൊല്ലിയ കഥ കേട്ടുറങ്ങിയ പൂമുഖ മുണ്ടതിൻ മുന്നിൽ മുകളിലായ്,
മഴയത്ത് നീർത്തുള്ളി യിറ്റിറ്റു വീഴുന്നോരോല മേഞ്ഞുള്ളോരു മേൽക്കൂരയും,
തെക്കുവശത്തുള്ള കൊച്ചുമുറിയതിൽ
പത്തായമൊന്നുണ്ട് നെൽ നിറയ്ക്കാൻ
പത്തായപ്പുറമാകെ ഓടി നടക്കുന്ന കുഞ്ഞനെലിയുണ്ട് കണ്ടു നില്ക്കാൻ,
തെക്കിനി ക്കോലായിലഴകിലടുക്കിയ
കറ്റകളുണ്ടുമെതിച്ചെടുക്കാൻ,
മുറ്റത്ത് നീളേനിവർത്തിയിട്ടുള്ളോരു
ചിക്കു പായുണ്ടൊന്നു
നെല്ലുണക്കാൻ,
കൂട്ടുകാരൊത്തൊന്നൊളിച്ചു കളിക്കുവാൻ
കച്ചിത്തുറുവൊന്നു ചന്തത്തിലായ്
കൂടെ കളിക്കുവാൻ
കൂത്താടിത്തുള്ളുവാൻ
കിങ്ങിണി കെട്ടിയ പൈക്കിടാവും.
വടക്കിനിക്കോലായിൽ
അടുക്കള മച്ചിൻമേൽ
തൂങ്ങിയാടുന്നോരു റികളുണ്ട്
ഉറികളിൽനാവിൻമേല മൃതു നിവേദിക്കും
കറികൾ നിറച്ചുള്ള ചട്ടികളും,
ഓർമ്മകളാലോലം തൊട്ടിലിലാടുമ്പോൾ
മാടി വിളിക്കുന്നുണ്ടിപ്പോഴു
മെന്നെയാ ബാല്യം പകുത്തൊരാ ഓലപ്പുര

സോയ✍

Facebook Comments

COMMENTS

- Advertisment -

Most Popular

പ്ലസ് വണ്‍ പ്രവേശനം: എല്ലാ വിദ്യാര്‍ത്ഥികൾക്കും ജാതി സര്‍ട്ടിഫിക്കറ്റ് വേണ്ടെന്ന് വിദ്യാഭ്യാസവകുപ്പ് ഡയറക്ടര്‍.

പ്ലസ് വണ്‍ പ്രവേശനത്തിന് പ്രത്യേക ജാതി സര്‍ട്ടിഫിക്കറ്റ് എല്ലാ വിദ്യാര്‍ത്ഥികൾക്കും ആവശ്യമില്ലെന്ന് പൊതുവിഭ്യാഭ്യാസവകുപ്പ് ഡയറക്ടര്‍ അറിയിച്ചു. എസ്എസ്എൽസി പാസ്സായ വിദ്യാര്‍ത്ഥികൾ കൂട്ടത്തോടെ ജാതി സര്‍ട്ടിഫിക്കറ്റ് അപേക്ഷയുമായി വില്ലേജ് ഓഫീസുകളെ സമീപിക്കുന്ന സാഹചര്യത്തിലാണ് പൊതുവിദ്യാഭ്യാസ...

കൊല്ലത്ത് 10,750 കിലോ പഴകിയ മത്സ്യം പിടിച്ചെടുത്തു.

കൊല്ലം ആര്യങ്കാവിൽ നിന്ന് വൻതോതിൽ പഴകിയ മത്സ്യങ്ങൾ പിടികൂടി. ഇന്നലെ രാത്രി നടത്തിയ പരിശോധനയിലാണ് 10,750 കിലോ മത്സ്യം പിടിച്ചെടുത്തത്. ഭക്ഷ്യസുരക്ഷാ വകുപ്പിന്റെ നേതൃത്വത്തിലാണ് മിന്നൽ പരിശോധന നടന്നത്. ഇന്നലെ അർദ്ധരാത്രിയായിരുന്നു ഭക്ഷ്യസുരക്ഷാ വകുപ്പിന്റെ...

‘ദുരിതമനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ’.

ഭക്ഷ്യക്ഷാമവും ഭൂകമ്പത്തിന്റെ കെടുതികളും അനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ. പാകിസ്താൻ വഴി കടൽമാർഗം 3000 മെട്രിക് ടൺ ഗോതമ്പാണ് ശനിയാഴ്ച ഇന്ത്യ അഫ്ഗാനിസ്ഥാനിലേക്ക് അയച്ചത്. അഫ്ഗാൻ ഭൂചലനത്തിന്റെ പശ്ചാത്തലത്തിൽ എല്ലാ വിധ...

വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി.

തിരുവനന്തപുരം: വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. വെഞ്ഞാറമൂട് മേലാറ്റ്മൂഴി സ്വദേശികളായ ശശിധരൻ (65), ഭാര്യ സുജാത (60) എന്നിവരെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. അയൽവാസികൾ ആണ് മൃതദേഹം കണ്ടെത്തിയത്....
Facebook Comments
WP2Social Auto Publish Powered By : XYZScripts.com
error: