17.1 C
New York
Thursday, August 18, 2022
Home Literature ഒളിച്ചുകളിക്കുന്നവൾ…(കവിത).

ഒളിച്ചുകളിക്കുന്നവൾ…(കവിത).

ഷബിന സാരംഗി✍

ഞാനെന്നെ എത്ര സൂക്ഷ്മതയിലാണ്
ഒളിപ്പിച്ചു വയ്ക്കുന്നത്..
വിഷാദത്തിൻ്റെ ആകാശം പുതച്ച്
ഞാനെന്നെ ത്തന്നെ മറച്ചു പിടിച്ചത്
ആർക്കും കണ്ടു പിടിക്കാനാവില്ല…
കണ്ടു പിടിച്ചാൽ തന്നെ അത്
ഞാനാവുകയില്ല..

പ്രണയത്തിൻ്റെ അവശേഷിപ്പുകൾ
പനങ്കുരു പോലെ ഉറച്ച മുലകൾക്കിടയിൽ നിന്നോ
അഴിച്ചിട്ട മുടികൾക്കുള്ളിൽ നിന്നോ
കണ്ടെത്താനാവാത്ത വിധം
ഒളിപ്പിച്ചു വയ്ക്കാൻ എന്നെപ്പോലേ
ആർക്കാണ് സാധിക്കുന്നത്?

വിരലുകളിൽ കോർത്തു കെട്ടിയ
സ്വപ്നങ്ങളിൽ മറന്നുപോയ
എന്നെ വർത്തമാനകാലത്തിൻ്റെ
ഭൂപടത്തിൽ ഞാൻ അടയാളപ്പെടുത്തുമ്പോൾ നിങ്ങളിൽ നിന്നൊളിക്കാനുള്ള ഒളിവിദ്യയും ഞാൻ
കണ്ടെത്തിയിരിക്കും..

മുറിവുകളിൽ നിന്നു പൊടിയുന്ന
രക്തത്തിൽ നിങ്ങളിലാർക്കും എന്നെ പോലേ ഒരു പുഴ ജനിപ്പിക്കാനാവില്ല..
ആ പുഴ പോലും സ്വന്തമല്ലാത്ത
മീനുകളുടെ ചെകിളപ്പൂക്കളിൽ
ചില നേരങ്ങളിൽ ഞാനെൻ്റെ
പ്രണയത്തെയും ഒളിച്ചുവെയ്ക്കാറുണ്ട്..

ഷബിന സാരംഗി

Facebook Comments

COMMENTS

- Advertisment -

Most Popular

കോട്ടയത്ത് യൂത്ത് കോണ്ഗ്രസ് പ്രവർത്തകരെ വീട്ടിൽ കയറി മർദ്ദിച്ച സിപിഎം പ്രാദേശിക നേതാക്കൾ അറസ്റ്റിൽ.

തൃക്കൊടിത്താനത്ത് യൂത്ത് കോൺഗ്രസ് നേതാവിനെ വീട്ടിൽ കയറി മർദ്ദിച്ച സംഭവത്തൽ പഞ്ചായത്ത് മെമ്പർ അടക്കം സിപിഎം പ്രാദേശിക നേതാക്കൾ അറസ്റ്റിൽ. സിപിഎം ലോക്കൽ കമ്മിറ്റി അംഗവും പഞ്ചായത്ത് മെമ്പറുമായ ബൈജു വിജയൻ, പാർട്ടി...

ട്രോയ് സംവിധായകൻ വുൾഫ്ഗാങ് പീറ്റേഴ്‌സൻ അന്തരിച്ചു.

ലോസ് ആഞ്ചലസ് : ഹോളിവുഡിന് ഒട്ടേറെ സൂപ്പർഹിറ്റ്, ക്ലാസിക് സിനിമകൾ സമ്മാനിച്ച സംവിധായകൻ വുൾഫ്ഗാങ് പീറ്റേഴ്‌സൻ അന്തരിച്ചു; 81 വയസായിരുന്നു. പാൻക്രിയാസിൽ അർബുദം ബാധിച്ച് ഏറെ നാളായിചികിത്സയിലായിരുന്നു. ലോസ്ആഞ്ചലസിലെ വീട്ടിൽ വെച്ചായിരുന്നു അന്ത്യം. ജര്‍മന്‍...

ഫിലാഡൽഫിയായിലെ ആദ്യത്തെ ഓണം ബഡി ബോയ്സിന്റെ ഓണം. മജീഷ്യൻ ഗോപിനാഥ് മുതുകാട് ദീപം തെളിയിച്ചു.

ഫിലാഡൽഫിയാ: ബഡി ബോയ്സ് ഫിലാഡൽഫിയായുടെ ഓണാഘോഷം നൂറുകണക്കിന് കുടുംബ സദസ്സുകളെ സാക്ഷിനിർത്തി മജീഷ്യൻ ഗോപിനാഥ് മുതുകാട് ഉദ്ഘാടനം ചെയ്തു. അമേരിക്കയിലെയും കേരളത്തിലെയും ആദ്യത്തെ ഓണം എന്ന പ്രത്യേകതയും ഈ ഓണാഘോഷത്തിന് ഉണ്ട്. ഇതിൽ...

ആറന്മുള അഷ്ടമിരോഹിണി വള്ളസദ്യ വ്യാഴാഴ്ച

ആറന്മുള പാർത്ഥസാരഥി ക്ഷേത്രത്തിലെ പ്രശസ്തമായ അഷ്ടമിരോഹിണി വള്ളസദ്യ വ്യാഴാഴ്ച നടക്കും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ അനന്തഗോപൻ ഉദ്ഘാടനം നിർവഹിക്കും. പാർത്ഥസാരഥിയുടെ പിറന്നാൾ സദ്യക്കായി ചേനപ്പാടി കരക്കാർ ഇന്ന് ക്ഷേത്രത്തിൽ...
Facebook Comments
WP2Social Auto Publish Powered By : XYZScripts.com
error: