17.1 C
New York
Saturday, August 13, 2022
Home Literature ഉറുമ്പ് ഒരു നിസ്സാര ജീവിയല്ല (കഥ )

ഉറുമ്പ് ഒരു നിസ്സാര ജീവിയല്ല (കഥ )

രത്ന രാജു

അന്നും പാർത്ഥസാരഥി ക്ഷേത്രത്തിൽ പോയി’…നെയ് വിളക്കും തൃമധുരവും കഴിപ്പിച്ചു.’വിഷ്ണു സഹസ്രനാമം ജപിച്ചു ..
കണ്ണനെ കൺകുളിർക്കെ കണ്ടുതൊഴുതു.
ഉച്ചയ്ക്കുള്ള പ്രസാദ ഊട്ടിൽ പങ്കെടുത്തു. എല്ലാ വ്യാഴാഴ്ചയും ഒരു ദിനചര്യയായി ആ ശീലംതുടർന്നു പോകുന്നു. തന്റെ മനസ്സിന്
അതൊരാശ്വാസമാണ്.”!

സുധാമണിയും ജലജയും; രേവതി

അന്തർജ്ജനവും കൂടി കുശലം പറഞ്ഞ് കുറച്ചിട നടക്കും ഇവഴിയിലൂടെ … പിന്നീട് ഓട്ടോറിക്ഷയിൽ കയറിവീട്ടിലേക്ക് ..

ക്ഷേത്രത്തിലേക്കു പോകുമ്പോൾ

വീടൊക്കെ അടിച്ചുവാരി തുടച്ചു മിനുക്കി ബാക്കി ജോലിയൊക്കെ ഒതുക്കിയാവും പോവുക… ആരോഗ്യം.അതിനനുവദിച്ചില്ലെങ്കിലും; തനിക്കതൊക്കെപഥ്യമാണ്….

അകത്തളം വെള്ളമാർബിളിൽ തിളങ്ങി

ക്കിടക്കുന്നു.”വീടും പരിസരവും വെടിപ്പായിക്കാണുമ്പോൾ മനസ്സിന്നൊരു കുളിർമ്മയാണ് ..അകത്തേ മുറിയിലേക്കു കയറി:ഒന്നു തലചായ്ക്കണം ..വെറുതെ
ഒരു മയക്കം” വായിക്കാനൊരു പുസ്തകം
കിടക്കയ്ക്കരികിൽ പതിവാണ്…വെറുതെ മറിച്ചു നോക്കി കിടക്കുമ്പോൾ ഒരു സുഖമുള്ള ആലസ്യത്തിലേക്ക് മയങ്ങി വീഴും.
പണ്ടും പഠിയ്ക്കാനുള്ള പുസ്തകം
കയ്യിലെടുക്കുമ്പോഴാണല്ലോ നിദ്രസേവ?
“പൊസ്തകം കണ്ടാ മതി ഇന്ദിരക്ക്‌
ഒറക്കം വരാൻ,, മുത്തശ്ശി തന്നെ കളി
യാക്കുമായിരുന്നു … അതിനുള്ള ശിക്ഷ അമ്മയിൽനിന്നുംആവൊളംവാരിക്കൂട്ടിയതും ഓർമ്മ വന്നു…

ഇന്നെന്തായാലുംഒരുപുതിയപുസ്തകമാവട്ടെപദ്യത്തിലും;ഗദ്യത്തിലുള്ള അനേകം പുരാണ
പുസ്തകങ്ങ ൾ തന്റെ ബുക്ക് ഷെൽഫി
ലുണ്ടു്.” ‘
നടുത്തളത്തിലെത്തിയപ്പോൾ: തറയിൽ
എന്താ ഒരു കറുത്തവർണ്ണത്തിൽ?
എന്താദ് ? സൂക്ഷിച്ചു നോക്കി….
പൂവ്വിരിയും പോലെ ഒരു ഇളക്കം…
ഓ കൃഷ്ണനുറുമ്പുകളാണ്….
താൻ അകത്തേക്കു പോകുമ്പോൾ ഇവറ്റകൾ ഇവിടില്ലായിരുന്നല്ലോ…
തൃമധുരമോ മറ്റോ താഴെ വീണിട്ടുണ്ടാവും.
കൗതുകം കൊണ്ട് ഒന്നുകൂടിനോക്കി
‘കാലിന്റെ മടമ്പ് വേദനിച്ചെങ്കിലും
സെറ്റുമുണ്ട് ഒതുക്കി നിലത്ത്
കുന്തിച്ചിരുന്നു…
അയ്യോഒരുറുമ്പ്ചലനമറ്റുകിടക്കുന്നു.
മറ്റുള്ളവ വെപ്രാളത്തോടെ പരക്കം പായുകയാണ് … അങ്ങട്ടുമിങ്ങട്ടും … എന്താ കഥ ?ശ്രദ്ധിച്ചു നോക്കിയപ്പോൾ മനസ്സിലായി ഒരു ഉറുമ്പിന്റെ ജീവൻ പോയിരിക്കുന്നു.
ഒന്നുമില്ലാതെ കിടന്ന ഈ തറയിലിപ്പോൾ താനല്ലേ നടന്നിട്ടുള്ളൂ??
എന്റെ കൃഷ്ണാ തന്റെ കാൽ കൊണ്ടാണോ ആ ഉറുമ്പ് ചത്തത്…. ?
താനാണോ അതിന്റെ കൊലയാളി?
മനസ്സു നൊന്തു … കഷ്ടമായിപ്പോയി’.!

അറിയാതെ കാലു തട്ടി അപകട

ത്തിൽപ്പെട്ടതാവാം: ഈശ്വരാ ആഉറുമ്പിന്റെ ജീവനും വിലയില്ലേ?
അത്ര നിസ്സാരമായി കാണാൻ കഴിയുമോ..?
ഒരു ഉറുമ്പു് അടുത്ത് വന്ന് ഉമ്മ
വയ്ക്കുന്നു.” അടുത്തതിനോട് കുശലം കൈമാറുന്നു” അത് അതിനടുത്തതിനോടു് … അങ്ങനെ ആകെധൃതിയിൽ അവറ്റകൾ ഓടിപ്പായുകയാണ് … കണ്ടിരിയ്ക്കാൻ രസം തോന്നി. ഉറുമ്പുകളാണെങ്കിലും;
എന്തൊരു സ്നേഹം?എന്തൊരുഐക്യം?
കുഞ്ഞുന്നാളിൽ വരിവരിയായി
പോകുന്ന ഉറുമ്പുകളെ കണ്ട് ആശ്ചര്യംപൂണ്ടു് നിന്നിട്ടുണ്ടു്… വരി തെറ്റിയാൽ എന്തെങ്കിലും കാരണം കാണുമെന്ന് അമ്മ പറഞ്ഞു തന്നി
ട്ടുണ്ട്…
ഒന്നിന് എന്തെങ്കിലും പരിക്കുപറ്റിയാൽ മറ്റുള്ളവ തിരിഞ്ഞു നടക്കും പിറകെ വരുന്നവയെ വിവരം അറിയിക്കും.. ഓരോ മുഖത്തും ഉമ്മ കൊടുത്ത് ‘ തിരക്കിട്ട്പോവുന്ന ഉറുമ്പുകൾ’
ചെറുപ്പത്തിൽ ആ കാഴ്ചകൾ കാണുക ഭയങ്കര രസമായിരുന്നു.”
അതു കാണാനായി മാത്രം ഒരുഉറുമ്പിനെ ഞെരടിക്കൊല്ലുകയുംചെയ്തിട്ടുണ്ട്…. അയൽപക്കത്തെകൂട്ടുകാരിയും ചേർന്നാണ് ആ വകകുറുമ്പുകൾ കാട്ടിയത്…,

ജീവിതം മാറിമറിഞ്ഞപ്പോൾ;
കാലം കടന്നു പോയപ്പോൾ അറിയാത്ത അർത്ഥങ്ങൾ മനസ്സിലായപ്പോൾ:വേദന തോന്നി… ” ഒരെറുമ്പിനെപ്പോലും കൊല്ലരുത്; എല്ലാ ജീവനും വിലയുണ്ടു്, മൂത്തവർ പറഞ്ഞു തന്ന വാക്കുകൾ…
എല്ലാ ജീവജാലങ്ങൾക്കുമുണ്ടു് ബന്ധവും; സ്വന്തവും;വിരഹവുംവേദനയും….
വീണ്ടും കണ്ണുകൾ നിശ്ചലനായികിടക്കുന്ന ഉറുമ്പിലെത്തി;
ഒരുറുമ്പു്മുത്തം കൊടുക്കുകയാണ്…
ഒരു വേള അത് ഭാര്യയായിരിക്കുമോ?
അതോ ഭർത്താവോ?
അതാ അടുത്ത രണ്ടെണ്ണം കൂടി ധൃതിയിൽ മുത്തമിടുന്നു….മകനോ അതോ മകളോ?
അതോ അമ്മയോ അല്ലെങ്കിൽഅടുത്ത ബന്ധുവൊ?..??
ഒരു ദീർഘനിശ്വാസം കണ്ഠനാളത്തിൽ വീണുടഞ്ഞു …
ആകെ ഒരുദുഃഖം … അറിയാതെ ചെയ്ത
അപരാധത്തിന് കണ്ണനോട് മാപ്പിരന്നു.
“എന്റെ കൃഷ്ണാ പൊറുക്കണേ…,
അത്തരുണത്തിൽ ഒന്നു കൂടി ആ ഉറുമ്പിനെ നോക്കി….പാവങ്ങൾ!!
മരിച്ച ഉറുമ്പിന്റെ അന്ത്യകർമ്മങ്ങളുടെ
തിരക്കിലാണെന്നു തോന്നുന്നു:
ആർത്തലച്ചു കരയുന്നത് ഭാര്യയാണോ” എന്നാലും എന്നെഒറ്റയ്ക്കാക്കി പോവ്വാണോ?
എന്നോ? ” അച്ഛാ ഞങ്ങൾക്കിനിആരുണ്ട് …. എന്ന് മകനോ അതോ മകളോ..
ചങ്കുപൊട്ടിക്കരയുന്നത്…?
കൺകോണുകളിൽ കണ്ണുനീർ
കിനിഞ്ഞിറങ്ങി…. തനിക്ക് വേണ്ടപ്പെട്ടവർ വിടവാങ്ങിയപ്പോൾ ”വേർപാടിന്റെ വേദന ” യെന്തെന്നു താനറിഞ്ഞതാണ് … നേര്യതിന്റെ കോന്തല കൊണ്ട് കണ്ണു തുടച്ചു.

നിശ്ചലനായി കിടന്ന ഉറുമ്പിനെതോളിലേറ്റി മറ്റൊരു ഉറുമ്പു് മുമ്പെനടന്നു.” ‘പിറകെ അച്ചടക്കത്തോടെബാക്കി ഉറുമ്പുകളും വരിവരിയായിനടന്നു നീങ്ങുന്നു…. വിലാപയാത്ര!

ശവസംസ്കാരത്തിനുള്ള തയ്യാറെടുപ്പ്…!

ഇത്രയും ആത്മസംയമനം ഇന്നത്തെ
മനുഷ്യർക്കോ സമൂഹത്തിനോ ഉണ്ടോ?
ഒരു അവജ്ഞ ഉള്ളിന്റെയുള്ളിൽ ഉടലെടുത്തു.
“ഞാനോവലുത്: നീയോ വലുത് ..,
എന്ന് അലമുറയിടുന്ന കശ്മലന്മാർ ‘
മനുഷ്യ ജന്മത്തിന്റെ മിഥ്യാധാരണകൾ പലപ്പോഴും കാടുകയറുന്നു..
കണ്ടു പഠിയ്ക്കട്ടെ ഈ നിസ്സാരജീവികളെ … അഹന്തയും മാത്സര്യബുദ്ധിയും കൈമുതലാക്കിയമനുഷ്യ ജന്മങ്ങൾ!!
എന്തിനും ഏതിനും കൊല്ലും കൊലയും: പരസ്പര ബഹുമാനമോസ്നേഹമോ ആർക്കുണ്ടു്..?ബന്ധങ്ങളുടെ ആഴമോ
പരപ്പോ ഇവർക്കറിയുമോ…..?
സ്വാർത്ഥ താല്പര്യങ്ങൾക്കായിമാത്രം ജീവിക്കുന്ന സത്വങ്ങൾ….

ഇതിപ്പോൾ മനുഷ്യർക്കിടയിലുണ്ടാകുന്ന
ഒരുഅപകടമായിരുന്നുവെങ്കിൽ;
ആപത്തിൽപ്പെട്ടവനെ രക്ഷിക്കാൻ പോലും മെനക്കെടാതെ..
” സ്മാർട്ട് ഫോണിൽ “ഫോട്ടോയെടു
ക്കുന്ന തിരക്കിലായിരിക്കും’
അല്ലെങ്കിൽ ചോര വാർന്നു മൃതപ്രായ
മായവന്റെയൊപ്പം ഒരു സെൽഫി’
” വിലപ്പെട്ട ഒരു ജീവന്റെ “വിലയേക്കാൾ ഫോട്ടോയ്ക്കും സെൽഫിക്കും,പ്രാധാന്യം നൽകുന്ന ന്യൂ ജെനറേഷൻ’..!
ഇവർക്ക് ബന്ധങ്ങളുടെ വിലയറിയുമൊ…? വേർപാടിന്റെ വേദനയറിയുമോ..? മാതാപിതാക്കളുടെയോ,സഹോദരങ്ങളു
ടെയോ നേർത്ത നൊമ്പരങ്ങളുടെ.. വിങ്ങലുകളറിയയുമൊ..?
വിഷമത്തോടെ തിരിച്ചു നടന്നു.”
എല്ലാവർക്കും നല്ലതു വരുത്തണേകണ്ണാ…. ” കിടക്കയിലേക്കു ചായുമ്പോൾ ഉറുമ്പിൻകൂട്ടം ഉമ്മറപ്പടിയിലൂടെ പുറത്തേക്കൊഴുകി നീങ്ങിയിരുന്നു…!

Facebook Comments

COMMENTS

- Advertisment -

Most Popular

“ചെറുപ്പക്കാരായാൽ ഇങ്ങനെ വേണം ഇങ്ങനെ തന്നെ വേണം”:- ഡോക്ടർ ഗോപിനാഥ് മുതുകാട്

"ചെറുപ്പക്കാരായാൽ ഇങ്ങനെ വേണം ഇങ്ങനെ തന്നെ വേണം":- ബഡി ബോയ്സ് ഫിലാഡൽഫിയ എന്ന ശക്തമായ യുവജന കൂട്ടായ്മയുടെ മികച്ച ജീവകാരുണ്യ പ്രവർത്തനങ്ങളുടെ ചരിത്രമറിഞ്ഞ ഡോക്ടർ ഗോപിനാഥ് മുതുകാടിന്റെ വാക്കുകളാണ് ഇത്. 'ബഡി ബോയ്സ്': ക്ലാസിൽ പിൻ...

എഴുത്തുകാരൻ സൽമാൻ റുഷ്ദി വെന്റിലേറ്ററില്‍; നില ഗുരുതരം

  ന്യൂയോർക്ക് -- യു.എസിൽവച്ച് ആക്രമണത്തിനിരയായ എഴുത്തുകാരൻ സൽമാൻ റുഷ്ദിയുടെ നില ഗുരുതരം. അദ്ദേഹം വെന്റിലേറ്ററിലാണെന്നും ഒരു കണ്ണിന്റെ കാഴ്ചശക്തി നഷ്ടപ്പെട്ടേക്കുമെന്നും അദ്ദേഹത്തോട് അടുപ്പമുള്ളവരെ ഉദ്ധരിച്ച് എ.എഫ്.പി വാർത്താ ഏജൻസി റിപ്പോർട്ടുചെയ്തു. അക്രമിക്ക് ഇറാൻ...

ലിംഗസമത്വ യൂണിഫോം അടിച്ചേല്പിക്കില്ലെന്നാവര്‍ത്തിച്ച് വിദ്യാഭ്യാസ മന്ത്രി വി ശിവന്‍കുട്ടി.

ലിംഗസമത്വ യൂണിഫോം അടിച്ചേല്പിക്കില്ലെന്നാവര്‍ത്തിച്ച് വിദ്യാഭ്യാസ മന്ത്രി വി ശിവന്‍കുട്ടി. ഇതു സംബന്ധിച്ച സമരത്തിൽ നിന്ന് പിന്തിരിയണം. സർക്കാർ നിലപാട് സംശയങ്ങള്‍ക്ക് ഇടയില്ലാത്തത് ആണ്. എന്നിട്ടും ഈ വിഷയത്തില്‍ തെറ്റിദ്ധാരണ ഉണ്ടായി എന്നും മന്ത്രി അഭിപ്രായപ്പെട്ടു. ലിംഗസമത്വ...

ജിദ്ദ നവോദയ യൂണിറ്റ് കൺവൻഷനുകൾ പുരോഗമിക്കുന്നു

ജിദ്ദ നവോദയ ഖാലിദ് ബിൽ വലീദ് ഏരിയ കമ്മിറ്റിക്ക് കീഴിലെ അൽ വഹ സഹ്റാൻ യൂണിറ്റ് കൺവൻഷൻ സഖാവ് ധീരജ് നഗറിൽ സെൻട്രൽ കമ്മിറ്റി അംഗം സഖാവ് യൂസുഫ് മേലാറ്റൂർ ഉത്ഘാടനം ചെയ്തു....
Facebook Comments
WP2Social Auto Publish Powered By : XYZScripts.com
error: