17.1 C
New York
Sunday, February 5, 2023
Home Literature ഇവിടം (കവിത)

ഇവിടം (കവിത)

Bootstrap Example

ഗോപകുമാർ മുതുകുളം

കൂകിപ്പാഞ്ഞുപോകും
രാത്രിവണ്ടിത്താരാട്ടിൽ
ഉണരാതുറങ്ങാൻ
പഠിച്ചയിടം….

മലമൂത്രഗന്ധത്തലോടലുകൾ
അസഹ്യമെന്നറിയാതെ
ചവറ് കൂനപ്പുറമ്പോക്കിലെ
കുത്തിമറച്ച,
പഴന്തുണിക്കൊട്ടാരവാസം
കാറ്റും – മഴയും
പ്രണയിച്ചിറക്കിവിടുമ്പോൾ,
ഓടിക്കയറിച്ചെല്ലാനൊരിടം
ഇവിടം….

അമ്മയുടെ മുടിക്കെട്ടിലെ
ചതഞ്ഞരഞ്ഞ മുല്ലപ്പൂ
ഗന്ധത്തെക്കാത്തിരുന്നുറങ്ങിയ,
കോൺക്രീറ്റ് ബഞ്ചുകളുടെ
ചങ്ങാത്തക്കാലം…

ചില നിലവിളികൾ
പുറത്തേയ്ക്കെടുത്തെറിഞ്ഞേതോ
കരിങ്കല്ലിൽ,
ഉമ്മവെച്ച് നിലയ്ക്കുമ്പോൾ
അകന്ന് പോകുന്ന ചൂളം വിളിയെ
തോൽപ്പിക്കാൻ ശ്രമിച്ച
അലറിക്കരച്ചിൽ

ആരോ രുചിച്ച് തുപ്പിയീ
പാളങ്ങളെ ചുവപ്പിച്ച
പെണ്ണുടലുകൾ കണ്ട്
പനിച്ചു വിയർത്തൊരോർമ്മകൾ..

പാളങ്ങളിൽ പരതി നടന്ന
ചില്ലറത്തുട്ടുകൾക്കും
പ്ലാറ്റ് ഫോം തിരക്കുകളിലെ
കൗതുകക്കാഴ്ചകൾക്കുമപ്പുറം
പത്തു വയസ്സുകാരൻ മൂടി വെച്ച
പരിഭവങ്ങളുടെ
സാക്ഷിയായൊരിടം…
ഇവിടം…!!!

ഗോപകുമാർ മുതുകുളം

Facebook Comments

COMMENTS

- Advertisment -

Most Popular

മലയാളി മനസ്സിനൊപ്പം നിറഞ്ഞ മനസ്സുമായ്..✍ബൈജു തെക്കുംപുറത്ത്

പുതിയ കാലത്തിൻ്റെ വാർത്താ സ്പന്ദനമായ് അക്ഷരാർത്ഥത്തിൽ മാറിയ, ലോകമൊട്ടുക്കുമുള്ള മലയാളികളുടെ വിരൽത്തുമ്പിൽ എന്നും എത്തുന്ന മലയാളി മനസ്സിൻ്റെ സഹയാത്രികനായിട്ട് രണ്ടു വർഷങ്ങൾ പിന്നിട്ടു. വിവിധ സാഹിത്യ കൂട്ടായ്മകളിലും സ്വന്തം പേജിലും എഴുതി മുന്നോട്ട് പോകുന്ന...

സിനിമ ലോകം ✍സജു വർഗീസ് (ലെൻസ്മാൻ)

🟥ആരാധകരുടെ കാത്തിരിപ്പിന് വിരാമമിട്ട് ലോകേഷ് കനകരാജ് സംവിധാനം ചെയ്യുന്ന വിജയ് ചിത്രത്തിന്റെ പേര് പ്രഖ്യാപിച്ചു. 'ലിയോ' എന്നാണ് ചിത്രത്തിന് പേരിട്ടിരിക്കുന്നത്. ബ്ലഡി സ്വീറ്റ് എന്നാണ് ടാഗ് ലൈന്‍ നല്‍കിയിരിക്കുന്നത്. ആകാംക്ഷ ജനിപ്പിക്കും വിധം...

മലയാളി മനസ്സ് .. “ആരോഗ്യ വീഥി”

ശരീരത്തിലെ എതെങ്കിലും ഒരു ഭാഗത്തുണ്ടാകുന്ന അനിയന്ത്രിതമായ കോശവളര്‍ച്ചയാണ് ക്യാന്‍സര്‍ രോഗത്തിന്റെ തുടക്കം. ക്യാന്‍സര്‍ കേസുകളില്‍ പകുതിയും അനാരോഗ്യകരമായ ജീവിതശൈലി, പുകവലി, വ്യായാമമില്ലായ്മ, മദ്യപാനം, അമിത ശരീരഭാരം മുതലായവ മൂലം ഉണ്ടാകുന്നതാണ്. തുടക്കത്തില്‍ കണ്ടെത്തിയാല്‍...

ഇന്നത്തെ ചിന്താവിഷയം ✍പ്രൊഫസ്സർ എ.വി. ഇട്ടി

മികവിന്റെ പിന്നിലെ പ്രയത്നം ഏറെ പ്രധാനം. ...................................................................................................... ഒരു രാജാവ്, തന്റെ രാജ്യത്തെ ഏറ്റവും മികച്ച ചിത്രകാരനെ, വളരെ അപൂവ്വമായി മാത്രം കാണപ്പെടാറുള്ള ഒരു പക്ഷിയുടെ ചിത്രം വരയ്ക്കാനേൽപിച്ചു. മാസങ്ങൾ കഴിഞ്ഞിട്ടും ചിത്രം പൂർത്തിയായില്ല. ചോദിക്കുമ്പോൾ...
Facebook Comments
WP2Social Auto Publish Powered By : XYZScripts.com
error: