17.1 C
New York
Thursday, August 18, 2022
Home Literature ആകാശനൂലുകൾ (കവിത)

ആകാശനൂലുകൾ (കവിത)

…പ്രവീൺ മൂക്കുതല…✍

മഴയോർമ്മകൾ ഊർന്നിറങ്ങിയ
വഴികളിലൂടെ നീ പാറിപ്പറന്നു,
കാറ്റിലാടിയുലഞ്ഞ്,
കാർമേഘപട്ടങ്ങളുടെ ഒരു നൂലറ്റം
ബാല്യത്തിൻ കയ്യിലേൽപ്പിച്ചു..!

മഴനൂലുകളായ്,
പ്രണയത്തിൻ സിരനൂലുകളായ്,
കൊയ്‌ത്തുകഴിഞ്ഞ പാടങ്ങളിൽ,
എന്നെ വരിഞ്ഞു മുറുക്കി ചുംബിച്ചു..!

വർഷമേഘങ്ങളിൽ ഊഞ്ഞാലാടിത്തളർന്ന്,
അറ്റം ഭേദിച്ചു മണ്ണിലേക്കിറങ്ങി,
കാലിൽ വെള്ളിനൂലു ചുറ്റി,
പാട വരമ്പിലൂടെ, എന്റെ ബാല്യത്തെ,
നീയത്രയോ ഓടിച്ചിരിക്കുന്നു..!

ബാല്യത്തിന്റെ ഇങ്ങേയറ്റത്ത്‌,
കാത്തിരിക്കുന്നു ഞാൻ,
നിന്റെ വെളുത്ത നേർരേഖകൾ,
ഊർന്നിറങ്ങിയെന്നിൽ വീണ്ടും പടരാൻ..!

മഴപ്പൊട്ടു ചിതറിവീണുടഞ്ഞ
ആ പാടവരമ്പുകളിലൂടെ ഓടണം…,
കൊയ്തുകഴിഞ്ഞു ബാക്കിയായ
നെൽത്താളുകളുടെ,
കൂർത്തയറ്റങ്ങളിൽ പാദങ്ങളുടക്കി
നിന്നെ വീണ്ടും കൊരുക്കണം..!
മറ്റൊരു ഇടവപ്പാതിയുടെ,
കുളിരുന്നപകലിൻ തുടർച്ചയായ്..!!
…പ്രവീൺ മൂക്കുതല…

Facebook Comments

COMMENTS

- Advertisment -

Most Popular

ടെക്സസ്സിൽ റിയൽ എസ്റ്റേറ്റ് ഏജന്റിനെ കുത്തി കൊലപ്പെടുത്തിയ പ്രതിയുടെ വധശിക്ഷ നടപ്പാക്കി

ഹണ്ട്സ് വില്ല(ടെക്സസ്): പതിനാറു വർഷങ്ങൾക്കു മുമ്പു ടെക്സസ്സിൽ റിയൽ എസ്റ്റേറ്റ് ഏജന്റിനെ കുത്തികൊലപ്പെടുത്തിയ കേസ്സിൽ പ്രതിയായ കോസുള്‍ ചന്ദകൊമേനെ എന്ന നാൽപത്തിയൊന്നുകാരന്റെ വധശിക്ഷ ടെക്സസ് ഹണ്ട്സ് വില്ലയിൽ ആഗസ്റ്റ് 17 ബുധനാഴ്ച 6...

പ്രവർത്തന മികവിന്റെ അനുഭവ സമ്പത്തുമായി ഫോമയുടെ ജനറൽ സെക്രട്ടറി സ്ഥാനാർത്ഥിയായി ഓജസ് ജോൺ.

ഫോമായുടെ 2022-24 വർഷത്തെ ജനറൽ സെക്രട്ടറി ആയി ഫ്രണ്ട്‌സ് ഓഫ് ഫോമാ പാനലിൽ മത്സരരംഗത്തേയ്ക്ക് എത്തുന്നത് വരെ സമൂഹത്തിനു വേണ്ടിയും അതിലുപരി ഫോമയ്‌ക്കു വേണ്ടിയും നടത്തിയ പ്രവർത്തങ്ങളും, നമ്മുടെ സമൂഹത്തിന്റെ ഉന്നമനത്തിനായി നൽകിയ...

ഒഐസിസി സാൻഫ്രാൻസിസ്‌കോ: പ്രവർത്തനോത്ഘാടനവും ഇന്ത്യൻ സ്വാതന്ത്ര്യദിനാഘോഷവും വർണാഭമായി.

സാൻഫ്രാൻസിസ്‌കോ: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യൂഎസ്എ) സാൻഫ്രാൻസിസ്‌കോ ചാപ്റ്ററിന്റെ പ്രവർത്തനോത്‌ഘാടനവും ഇന്ത്യൻ സ്വാതന്ത്ര്യദിന പ്ലാറ്റിനം ജൂബിലി ആഘോഷവും ആഗസ്റ്റ് 14 ന് ഞായറാഴ്ച വൈകുന്നേരം വൈവിധ്യമാർന്ന ചടങ്ങുകളോടെ നടത്തി. മന്റെക്ക ഗ്രീൻവാലി...

ഫിലിപ്പ് ജോൺ അന്തരിച്ചു.

ഡാലസ്: പത്തനംത്തിട്ട തടിയൂർ പൂഴിക്കാലയിൽ ഫിലിപ്പ് ജോൺ (കുഞ്ഞുമോൻ 86) ഡാലസിൽ നിര്യാതനായി. തിരുവല്ലാ കാവുംഭാഗം ചെത്തിക്കാട് കുടുംബാംഗമായ സൂസി ജോൺ ആണ് ഭാര്യ. മക്കൾ: ഫിൽജി ജോൺസ് (ടെന്നസി), ജിജി ജോൺ, ജെസ്സി...
Facebook Comments
WP2Social Auto Publish Powered By : XYZScripts.com
error: