17.1 C
New York
Saturday, September 25, 2021
Home Literature അഹം (കവിത)

അഹം (കവിത)

ഷീജ ഡേവിഡ്

ജനനമരണങ്ങൾക്കിടയി-ൽ നിറംതെല്ലു കുറഞ്ഞുംതെളിഞ്ഞു -മായ് വിലസും നരജന്മം
നമ്മളെന്നുരുവിടാൻ
മടിക്കും ജനതയിൽ

ഞാൻ ഞാനെന്നൊരേ ശബ്ദം
ഉറക്കെ കേൾക്കാമേവം
ഭരണത്തലവൻ ഞാൻ, വിദ്യാർത്ഥിനേതാവ് ഞാൻ
പ്രതിപക്ഷത്തിൻ ശക്തി കേന്ദ്രമാം യുവത്വം ഞാൻ
ഗൃഹത്തിന്നധിപൻ ഞാൻ, ആഫീസിൻ തലവൻ ഞാൻ

ഞാനാണ് അധോലോകനായകൻ, ഗുരുവരൻ
മുതലാളിവർഗത്തെ ധീരമായ്നയിച്ചിടും കരുത്തുറ്റതാം യുവചൈതന്യമാകുന്നു ഞാൻ
തൊഴിലാളിയെതൊട്ടാൽപകരം ചോദിച്ചിടും
തൊഴിലാളി വർഗ്ഗത്തിൻ പോരാളിയാകുന്നു ഞാൻ
രാഷ്ട്രീയ നേതാവ് ഞാൻ, ജ്ഞാനത്തിൻ പൊരുളും ഞാൻ
കലയിന്നധിപൻ ഞാൻ
കായികപ്രതിഭ ഞാൻ
സമ്പന്ന പുരുഷൻ ഞാൻ, ഉലകിൻ സൗന്ദര്യം ഞാൻ
ദയ തൻ വാരിധി ഞാൻ

“ഞാൻ ഞാനെ’ന്നൊരേ സ്വരം
അജ്ഞാതമാകും പരലോകത്തിൻപടവുകൾ
നിർഭയം കടന്നെത്തി വിരചിച്ചീടും ജന്മം
വിശ്രമത്തിനും കർമ്മപൂര-
ണത്തിനുമായി
എത്തിയോരാഗതിയാം
മനുജൻ മൃഗപ്രായൻ

എന്തിനോവേണ്ടി,പിന്നെ-യാർക്കു, വേണ്ടിയോ നിത്യം കർമപൂരിതം
നന്മ തിന്മകളറിയാതെ
കരഞ്ഞുംകരയിച്ചും
ചിരിച്ചുംചിരിപ്പിച്ചും
തീർത്തൊരീ സ്വർഗംക്ഷണം,
നിഷ്പ്രഭം, നിരർത്ഥകം
പട്ടുടുപ്പണിയിച്ചും പൊന്നിനാൽപുതപ്പിച്ചും
സുഗന്ധലേപനത്താൽ കാത്തൊരീ ദൃഡഗാത്രം
നിമിഷാർദ്ധത്തിന്നർദ്ധനിമിഷനേരം തന്നിൽ
സത്വരം വെടിഞ്ഞു നാം
പോവതങ്ങെവിടേയ്ക്കോ
എങ്ങുനിന്നറിവീല, എങ്ങോട്ടെന്നറിവീല

ആഗമനിഗമന രഹസ്യം നിയാമകം
നിർഭയം സമർപ്പിതം വിധിതൻ കരങ്ങളിൽ
ഒന്നിനി ലഭിച്ചിടാ പുണ്യമാം നരജന്മം
എത്രയാകിലും സഖേ, മർത്യനാൽകഴിയാത്ത –
തേതുമേയില്ലറിക,ഉലകിന്നധിപർ നാം
കർമം ധർമമായ് വരികിലനശ്വരമാക്കിടാം പിന്നെ
ധന്യമീ ജന്മം സ്വർഗ്ഗതുല്യമായ്
ചമച്ചീടാം.

COMMENTS

2 COMMENTS

  1. ഞാൻ എന്ന ഭാവം കൊണ്ട് തകർന്നതും, തകർത്തതുമായ ജീവിതങ്ങളുടെ സംഖ്യകൾ അവസാനിക്കില്ല. എന്നിരുന്നാലും മനുഷ്യൻ ഒരിക്കലും പഠിക്കില്ല!

    “ഇന്ന് ഞാൻ നാളെ നീ” എന്ന വരികൾ ഈ കവിത വായിച്ചപ്പോൾ ഓർത്ത് പോയി!

    തൂലികയിലൂടെ കവയത്രിയുടെ ഭാഷയിൽ ഉള്ള പാടവത്തിന് ഒപ്പം, വരികളുടെ ആഴം, വായനക്കാരുടെ ചിന്തകൾക്ക് ചിറകുകൾ തരുന്നു.

    സ്നേഹപൂർവ്വം ദേവു

LEAVE A REPLY

Please enter your comment!
Please enter your name here

- Advertisment -

Most Popular

ഔദ്യോഗിക പട്രോളിംഗ് വാഹനത്തിൽ ലൈംഗിക ബന്ധം; പോലീസ് ഉദ്യോഗസ്ഥരുടെ ജോലി നഷ്ടമായി

ലണ്ടൻ : ഔദ്യോഗിക പട്രോളിംഗ് വാഹനത്തില്‍ വച്ച് ഡ്യൂട്ടിക്കിടെ ലൈംഗിക ബന്ധത്തില്‍ ഏര്‍പ്പെട്ട രണ്ട് പൊലീസ് ഉദ്യോഗസ്ഥര്‍ക്ക് ജോലി നഷ്ടമായി.കാറിലെ സംഭാഷണങ്ങളും ശബ്ദശകലങ്ങളും വയര്‍ലെസിലൂടെ പുറത്തായതാണ് ഇവര്‍ക്ക് വിനയായത്. ഇംഗ്ലണ്ടിലെ സറേ കൌണ്ടിയിലാണ്...

ആലപ്പുഴയിൽ കൊവിഡ് രോഗിയുമായി പോയ ആംബുലൻസ് അപകടത്തിൽപെട്ടു, ഒരാൾ മരിച്ചു; മൂന്ന് പേർക്ക് പരിക്ക്.

ആലപ്പുഴ: ദേശീയപാതയിൽ ആലപ്പുഴ എരമല്ലൂരിൽ കൊവിഡ് രോഗിയുമായി പോയ ആംബുലൻസ് അപകടത്തിൽപ്പെട്ടു. ആംബുലൻസിലുണ്ടായിരുന്ന കൊവിഡ് ബാധിത മരിച്ചു. കൊല്ലം തിരുമൂലവാരം സ്വദേശി ഷീല പി പിള്ള (65) ആണ് മരിച്ചത്. കൊല്ലത്ത് നിന്നും എറണാകുളത്തെ...

പ്രധാനമന്ത്രി നരേന്ദ്ര മോദി ഇന്ന്, ഐക്യരാഷ്ട്ര സഭയെ അഭിസംബോധന ചെയ്യും.

കോവിഡ് പ്രതിരോധിക്കാൻ ലോകരാജ്യങ്ങൾ ഭിന്നതകൾ മറന്ന് ഒരുമിക്കണമെന്ന് പ്രധാനമന്ത്രി ആഹ്വാനം ചെയ്യും. നിലവിലെ ആഗോള വെല്ലുവിളികൾ നേരിടാൻ ഇന്ത്യയുടെ പങ്കാളിത്തം മോദി വാഗ്ദാനം ചെയ്യും. ഭീകരവാദത്തിനെതിരായ ആശങ്ക പ്രധാനമന്ത്രി ഉന്നയിക്കും. ജമ്മു കശ്മീർ...

കൊവിഡ് അവലോകന യോഗം ഇന്ന്, മുഖ്യമന്ത്രിയുടെ അധ്യക്ഷതയില്‍ ചേരും

ഉച്ചകഴിഞ്ഞ് 3 മണിക്കാണ് യോഗം. ഹോട്ടലുകളില്‍ ഇരുന്ന് ഭക്ഷണം കഴിക്കാന്‍ അനുവദിക്കണമെന്ന ആവശ്യത്തില്‍ തീരുമാനമുണ്ടായേക്കും. ബാറുകളില്‍ ഇരുന്ന് മദ്യപിക്കാന്‍ അനുവദിക്കണമെന്ന ബാറുടമകളുടെ ആവശ്യവും സര്‍ക്കാരിന് മുന്നിലുണ്ട്. തീയറ്ററുകള്‍ ഉടന്‍ തുറക്കാന്‍ സാധ്യതയില്ല. ടെസ്റ്റ് പോസിറ്റിവിറ്റി നിരക്ക്...
WP2Social Auto Publish Powered By : XYZScripts.com
error: