17.1 C
New York
Wednesday, October 5, 2022
Home Literature അമ്മ മനസ് (കവിത) ഷീജ ഡേവിഡ്

അമ്മ മനസ് (കവിത) ഷീജ ഡേവിഡ്

നിത്യം പുലർകാല തെന്നലായ്
സുസ്മിതം
തൂകിയെൻ ചാരത്തണഞ്ഞിടും
പൊന്മകൻ
നിദ്ര തന്നാലസ്യമേവം വെടിഞ്ഞിടാ-
തേവം മയങ്ങുന്നതിത്ര നേരം സുഖം
അമ്മതൻ ചാരത്തണഞ്ഞു
സ്നേഹാമൃതം
തൂകി ഹർമ്യത്തിനലങ്കാരമേകുവോൻ
ഒന്നാമനായ്‌ ക്ലാസ്സിലെന്നും ഗുരുക്കൾ
തൻ
സ്നേഹ വാത്സല്യം ശിരസ്സേറ്റി
വാങ്ങുവോൻ
അന്തിയിൽ താതനോടേറ്റം തമാശക-
ളോതി സുഹൃത്തായ് സരസം
ലസിക്കുവോൻ
കൊച്ചനുജത്തി തൻ കൊഞ്ചലിൽ
നിർവൃതി
പൂകിയഭിമാനമേറ്റം വഹിക്കുവോൻ
ഇന്നുണരാത്തതെന്തിത്രനേരം ദേഹാ-
സ്വാസ്ഥ്യം മന : പീഡയേതും ഭവിച്ചുവോ
ചാലവേ വാതിലിൽ മുട്ടി വിളിച്ചിടാ-
നോങ്ങവേ മെല്ലെത്തുറന്നു വാതിൽ
സ്വയം
ക്ഷീണിതനായ് തെല്ലുഭാവം പകർന്നു
വന്നെത്തി മകൻ തണ്ടൊടിഞ്ഞ
മലർ പോലെ
ചേതനയറ്റൊരാ കൺകളിൽ
ദീനമാം
ഭാവം, വിളർത്ത കവിൾത്തടം,
ദുർമുഖം
കോമള മേനിയിലങ്ങിങ്ങു നേർത്തൊരാ
സൂചി തൻ പാടുകൾ! തേങ്ങലായ്
മാറവേ
ഞെട്ടിവിറച്ചുതരിച്ചു പോയമ്മതൻ
മാനസം…. ഹൃത്തിൻ ചലനം
നിലയ്ക്കുമോ?
നഷ്ടസ്വർഗങ്ങൾ പണിഞ്ഞതിൻ
മേലെയായ്
ചിറകറ്റ് വീഴും ശലഭങ്ങൾ പോലവേ
മക്കൾതൻ ജീവിതം ഭാസുരമാക്കിടാ-
നാവതും ദുഃഖം സഹിച്ചു പോരായ്മക-
ളേറ്റം മറച്ചു വെച്ചാഗ്രഹതൃപ്തി വരുത്തും പിതാക്കൾ തൻ മോഹന
സ്വപ്നം
തകർത്തെറിഞ്ഞീടും ലഹരി
യുവത്വത്തി-
നന്തകനോർക്ക പരിഷ്കൃത ലോകമേ
ഓർമ്മതൻ തേരിലായമ്മ തൻ
മാനസം
ഉണ്ണിതൻ ബാല്യത്തിലൂടെ തിരിക്കവേ
ഒച്ചയൊതുക്കി പുലമ്പുന്നു ജീവിത-
താളം ക്ഷണം തെറ്റി ഭ്രാന്തമായ്
വ്യർത്ഥമായ്
ഉണ്ണീ വരികെന്നരികത്തു തെന്നലായ്
കൊഞ്ചിക്കുഴഞ്ഞു നീയമ്മ തൻ
കണ്ണനായ്
അമ്മതൻ കൈ വിരൽ തുമ്പിലൂഞ്ഞാ-
ലിലായ്
തുള്ളിക്കളിച്ചിടും പൊന്മകൻ
കണ്ണനായ്
കാലപ്പകർച്ചയിൽ മാറ്റങ്ങളേന്തി നീ
യൗവ്വന സൗന്ദര്യമാകാതിരുന്നെങ്കിൽ
ഒക്കത്തു വെച്ചു നിന്നോമനപ്പുമുഖം
കണ്ടു ഞാൻ നിർവൃതി പൂകാൻ
കഴിഞ്ഞെങ്കിൽ……!

ഷീജ ഡേവിഡ്

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: