17.1 C
New York
Wednesday, January 19, 2022
Home Literature അമ്മയും കുഞ്ഞും ( കവിത)

അമ്മയും കുഞ്ഞും ( കവിത)

രാജൻ രാജാധാനി ✍️

ഓമനമുത്തിൻ മുഖപത്മംകണ്ടമ്മ
ഓമൽസ്വപ്നങ്ങൾ നെയ്തെടുത്തു
ചായങ്ങൾചാലിച്ചു ചന്തംവരുത്തിയ
അമ്മക്കിനാക്കൾക്കിന്നെന്തുഭംഗി!

ജനനിതൻ വദനഭാവത്തിൽനിന്നുമാ
പൈതൽ സ്നേഹത്തിൻഭാഷപഠിച്ചു
അക്ഷരമില്ലാത്തഭാഷയിൽ പിന്നവർ
സ്നേഹമന്യോന്യം പകർന്നു നൽകി!

അമ്മിഞ്ഞനുണയുമരുമക്കുരുന്നിൻ
തൃപ്തിയാണമ്മയ്ക്കു ജന്മസാഫല്യം
പെണ്ണായ്പ്പിറന്നു പിന്നമ്മയായി സ്ത്രീ
ധർമ്മങ്ങൾചെയ്തുസംതൃപ്തിനേടും!

പൈതലേപെറ്റും പോറ്റിവളർത്തിയും
പെൺകടമകൾ കൃത്യംചെയ്തിടുന്നു
അന്നവുമാനന്ദമൊക്കെയും സന്തതം
മക്കൾക്കായ് മാതാവു നൽകീടുന്നു!

അരുമക്കുരുന്നിൻകൊഞ്ചിക്കരച്ചിലും
നെഞ്ചകത്തമ്മയ്ക്കു വിങ്ങലായ്മാറും
കഞ്ചുകംനനച്ചു മാർചുരത്തിയാലുടൻ
പിഞ്ചുപൈതലേയൂട്ടിയുംതൃപ്തിനേടും!

ഓമനപൈതലിൻ നെയ്മേനിയിലാക-
വേ,യാമോദത്തോടമ്മ മുത്തങ്ങളേകും
അമ്മതൻതേൻകനി പൊന്നിനെപിന്നെ
മാറോടണച്ചു,തഴുകിത്തലോടിമയക്കും!

സംസാര-സങ്കട-നൊമ്പരമൊക്കെയും
താരാട്ടുപാട്ടിൽമറന്നിടുന്നു, തന്നോമന
മുത്തിന്നരുമ കാന്തിയെക്കാണുമ്പോൾ
മനോവേദനയെല്ലാമവൾ മറന്നീടുന്നു!

രാജൻ രാജാധാനി ✍️

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

കെട്ടിട ഉടമയെ കൊല്ലാൻ ശ്രമം., വ്യാപാരി അറസ്റ്റിൽ.

കോട്ടയ്ക്കൽ: വാടകമുറി ഒഴിയാൻ പറഞ്ഞതിന്റെ പേരിൽ കെട്ടിട ഉടമയെ തീക്കൊളുത്തി കൊല്ലാന്‍ ശ്രമിച്ചെന്ന് പരാതി. ഇതുമായി ബന്ധപ്പെട്ട് നായാടിപ്പാറ കമ്മാടന്‍ പ്രകാശനെ (50) പൊലീസ് അറസ്റ്റു ചെയ്തു. കെട്ടിട ഉടമ പരവയ്ക്കല്‍ ഇസ്മായിലിന്റെ( 58)...

പച്ചോലത്തത്തകൾ (കവിത)

പാറിപ്പറന്നിടും പച്ചോലത്തത്തകൾപൂമാനത്തായ്നർത്തനമാടുന്നുവോപൂവിനു ചുംബനമേകുവല്ലോ ചിലർചാരത്തായ് ചേഷ്ടകൾകാട്ടുകല്ലോ! പൂവിൻസുഗന്ധം നുകർന്നുടൻ,ചിലരാതേനുണ്ടുരതിനൃത്തമാടിടുന്നുവാനിൽലീലകൾപലതവർ കാട്ടിടുന്നു,ചേലിൽമാനത്തുയർന്നുപറന്നു രമിക്കുന്നവർ! ചെഞ്ചുണ്ടുചേർത്തിണയുടെ കാതിൽകിന്നാരംചൊല്ലി ക്ഷണിക്കും പറക്കാൻനീലവിഹായസ്സിൽ നീളേപ്പറന്നു വെൺമേഘങ്ങൾതൊട്ടാമോദമോടെമടങ്ങും! ദൂരേക്കു പാറിപ്പറക്കുന്നനേരം പൊൻകതിരണിപ്പാടംതാഴേ കണ്ടുവെന്നാൽഒന്നായിവന്നു നെൽകതിർമണി വെട്ടിക്ഷണനേരത്തുവാനിലുയർന്നുപാറും! സ്വന്തമെന്നോതാനവർ,ക്കൊന്നുമില്ലചിന്തിക്കുവാനോ സമ്പത്തിൻ ഭാരമില്ലനാളെയെന്നുള്ളെയാചിന്തയുമില്ലവർക്കുള്ളിലോ അൽപ്പവും കള്ളവുമില്ല! അന്തിക്കുമാമരച്ചില്ലയിൽ ചേക്കേറുംഎല്ലാം മറന്നുരമിക്കുന്നു...

പന്നൽച്ചെടികൾ (കവിത)

അവൻ്റെ രക്തംചുട്ടെരിഞ്ഞതിനാലാണ്അവരുടെ അന്നം വെന്തുവന്നത് .അവൻ്റെ ഉപ്പുകുത്തിയവേർപ്പു കൊണ്ടാണ്,അവർ ഭക്ഷണത്തിൻ്റെരുചി ഭേതമറിഞ്ഞത്.ആഞ്ഞു വലിയുന്ന,അവൻ്റെ ഉച്ഛ്വാസങ്ങളായിരുന്നുഅവരുടെ ശ്വാസഗതിയുടെസ്പന്ദനങ്ങളായത് .അവൻ പാകപ്പെടുത്തിയമണ്ണിലാണ്അവരുടെ പരമ്പരകൾഅസ്ഥിവാരമിട്ടത്.അവൻ കാത്തുവച്ച,നീരൊഴുക്കുകളായിരുന്നുഅവരുടെ വരണ്ടതൊണ്ടയിലെദാഹത്തെ നനച്ചത് .അവൻ്റെ ദേഹം ചേർത്ത് പടുത്തപടുതകളിലായിരുന്നു അവരുടെസിംഹാസനങ്ങൾ ഗർജ്ജിച്ചത്.അവൻ...

വടശേരിക്കരയിൽ ജലാറ്റിൻ സ്റ്റിക്കുകൾ കണ്ടെത്തിയ സംഭവം: വർഗീയ മുതലെടുപ്പ് നടത്താൻ ശ്രമം

വർഗീയ മുതലെടുപ്പ് നടത്താൻ ബിജെപി ശ്രമം; പോലിസ് വസ്തുതകൾ പുറത്തുവിടണം - പോപുലർ ഫ്രണ്ട് പത്തനംതിട്ട ജില്ലയിലെ വടശേരിക്കരയിൽ ജലാറ്റിൻ സ്റ്റിക്കുകൾ കണ്ടെത്തിയ സംഭവത്തിൽ പോലിസ് കാര്യക്ഷമമായ അന്വേഷണം നടത്തി വസ്തുകകൾ പുറത്തുവിടണമെന്ന് പോപുലർ...
WP2Social Auto Publish Powered By : XYZScripts.com
error: